Skip to main content

பெண் தூக்கிட்டு தற்கொலையான விவகாரம்! தற்கொலைக்கு காரணமானவர் கைது!

Published on 19/09/2020 | Edited on 19/09/2020

 

cuddalore incident

 

 

கடலூர் மாவட்டம் விருத்தாசலம் அடுத்துள்ள மணவாளநல்லூர் கிராமத்தை சேர்ந்த வேல்முருகன் என்பவரின் மனைவி செம்பாயி (30). இவருக்கு திருமணம் ஆகி 9 ஆண்டுகளான நிலையில் கடந்த 5 ஆண்டுகளுக்கு முன்பு கணவரை விட்டு பிரிந்து பெற்றோருடன் வசித்து வந்தார். இந்நிலையில் கடந்த 10ஆம் தேதி இவரை அதே பகுதியைச் சேர்ந்த சின்னகுட்டி என்கிற ராஜேந்திரன் (42), என்பவர் வலுக்கட்டாயமாக தூக்கிச்சென்று அப்பகுதியில் உள்ள தீவனத் தோட்டம் என்ற இடத்தில் பாலியல் வன்முறை செய்துள்ளார். 

 

இதனால் அவர் கூச்சல் போட்டதில் அப்பகுதியினர் ஓடிவந்து தடுப்பதற்குள் ராஜேந்திரன் அங்கிருந்து தப்பி சென்றுள்ளார். இதையடுத்து செம்பாயியின் தாய் அரசி செம்பாயிடம் கேட்டபோது தன்னை ராஜேந்திரன் பாலியல் வன்கொடுமை செய்துவிட்டு ஓடி விட்டார் என கூறியுள்ளார். தொடர்ந்து இது குறித்து காவல் நிலையத்தில் புகார் அளிக்கலாம் என அரசி அவரிடம் சமாதானம் கூறி, வீட்டிற்கு அழைத்து சென்றுள்ளார். இதனால் கடந்த சில நாட்களாக மனமுடைந்திருந்த செம்பாயி நேற்று தனது வீட்டின் பின்புறம் உள்ள மாமரத்தில் தற்கொலை செய்துகொள்வதற்காக தூக்கிட்டு கொண்டுள்ளார்.

 

இதனை அறிந்த அவரது பெற்றோர் மற்றும் அப்பகுதியினர் அவரை மீட்டு விருத்தாசலம் அரசு மருத்துவமனைக்கு சிகிச்சைக்காக கொண்டுசென்றனர். பின்பு மேல் சிகிச்சைக்காக விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனைக்குக் கொண்டுசென்று சிகிச்சை அளித்தனர். ஆனால் சிகிச்சை பலனின்றி அவர் நேற்று உயிர் இறந்தார். இதுகுறித்து செம்பாயியின் தாய் அரசி கொடுத்த புகாரின்பேரில், விருத்தாசலம் இன்ஸ்பெக்டர் பாலகிருஷ்ணன், சப்-இன்ஸ்பெக்டர் பிரேம்குமார் மற்றும் போலீஸார் வழக்குப் பதிந்து விசாரணை நடத்தினர். 

 

விசாரணையில் செம்பாயி தற்கொலை செய்வதற்கு முன்பு தனது கையால் கடிதம் ஒன்றை எழுதி வைத்துள்ளார். அந்த கடிதத்தில், 'என்னை வன்கொடுமை செய்த ராஜேந்திரனை ஆவியாக வந்து பழி வாங்குவேன்...' என குறிப்பிட்டுள்ளார். செம்பாயி எழுதிவைத்த கடிதம் மற்றும் அக்கம்பக்கத்தினரிடம் விசாரித்ததில் செம்பாயின் இறப்புக்கு ராஜேந்திரன்தான் காரணம் என தெரியவந்தது. அதனைத் தொடர்ந்து போலீசார் சின்னக்குட்டி என்கிற ராஜேந்திரனை கைது செய்து விசாரணை நடத்தி வருகின்றனர்.

 

 

சார்ந்த செய்திகள்

Next Story

“எதிரணியாக இருந்தாலும் அடையாளம் காட்டுங்கள் வாக்கு சேகரிக்கிறேன்” - தங்கர்பச்சான்

Published on 26/03/2024 | Edited on 26/03/2024
Cuddalore Constituency pmk  candidate director Thangabachan launched  campaign

கடலூர் தொகுதி பாமக வேட்பாளர் இயக்குநர் தங்கபாச்சன் அவரது மாந்தோப்பில் பிரச்சாரத்தை துவக்கி பாமக மற்றும் கூட்டணி கட்சியினரை உற்சாகப்படுத்தினார்.

கடலூர் மக்களவை தொகுதி பாமக வேட்பாளர் இயக்குநர் தங்கர்பாச்சன் செவ்வாய்க்கிழமை அவரது சொந்த ஊரான பத்திரக்கோட்டையில் உள்ள அவரது மாந்தோப்பில் தேர்தல் பிரச்சாரத்தை துவக்கினார். அப்போது அவர் பேசியதாவது கும்பல், கும்பலாக கூடி பேசாமல், தனித்தனியாக வீடு, வீடாக வாக்கு சேகரிப்பில் ஈடுபட வேண்டும். இந்த தேர்தல் மிகப்பெரிய மாற்றத்தை ஏற்படுத்தும், என்னிடம், எதிரணியராக இருந்தாலும் அடையாளம் காட்டுங்கள், அவர்களிடம் நான் பேசி வாக்கை பெறுகிறேன்.

நான் கடந்த 15 ஆண்டுகளுக்கு மேலாக பாட்டாளி மக்கள் கட்சியுடன் தொடர்பில் இருந்து வருகிறேன். தற்போது  அரசியலுக்காக வெளியே வந்துள்ளேன். பாட்டாளி மக்கள் கட்சியின் வெற்றிக்கு அனைவரும் உறுதி ஏற்க வேண்டும். சமூக வலைத்தளங்களில் பரப்புவதை மட்டும் நமது நோக்கமாக இருக்கக் கூடாது, அது வாக்காக மாறாது. கட்சியின் கொள்கைகளை மக்களிடத்தில் கொண்டு போய் சேர்த்தால் பல லட்சம் வாக்குகளாக மாறும். இந்தத் தொகுதியில் அன்புமணி மைத்துனர் நிற்பதாக கூறி வருகிறார்கள். யார் நிற்பதை பற்றியும் கவலைப்பட தேவையில்லை. தேர்தல் பணியை மேற்கொள்ளுங்கள் என்றார். இவருடன் பாட்டாளி மக்கள் கட்சியின் மாவட்ட செயலாளர் ஜெகன் மற்றும் கூட்டணி கட்சிகளின் நிர்வாகிகள் உடன் இருந்தனர்.

Next Story

கடலூர் பாராளுமன்ற தொகுதி காங்கிரஸ் வேட்பாளர் வேட்பு மனு தாக்கல்

Published on 26/03/2024 | Edited on 26/03/2024
Cuddalore Parliamentary Constituency Congress candidate filing nomination

கடலூர் பாராளுமன்ற தொகுதியில் இந்தியா கூட்டணியில் திமுக தலைமையில் காங்கிரஸ் கட்சியின் சார்பில் எம்.கே.விஷ்ணு பிரசாத் வேட்பாளராக அறிவிக்கப்பட்டார்.  இதனைத் தொடர்ந்து இவர் கடலூர் மாவட்டத்தில் உள்ள தமிழக வேளாண் மற்றும் உழவர் நலத்துறை அமைச்சர், தொழிலாளர் நலத்துறை அமைச்சர், காங்கிரஸ் கட்சியினர், கூட்டணி கட்சியினர் உள்ளிட்ட அனைத்து முக்கிய நிர்வாகிகளையும் சந்தித்து ஆதரவு திரட்டினார்.

இதனைத் தொடர்ந்து செவ்வாய்க்கிழமை மதியம் கடலூர் மாவட்ட ஆட்சியர் அலுவலகத்தில் உள்ள தேர்தல் அலுவலரிடம் வேட்பு மனு தாக்கல் செய்தார். இவருடன் தமிழக வேளாண் மற்றும் உழவர் நலத்துறை அமைச்சர் எம் ஆர் கே பன்னீர்செல்வம், தமிழக தொழிலாளர் நலன் மற்றும் மேம்பாட்டு துறை அமைச்சர் சி.வெ கணேசன் காங்கிரஸ் கட்சியின் முன்னாள் மாநில தலைவர் கே எஸ் அழகிரி, காட்டுமன்னார்கோவில் சட்டமன்ற உறுப்பினர் சிந்தனைச் செல்வன் ஆகியோர் உடன் இருந்தனர்.

இதனைத் தொடர்ந்து  வேட்பாளர் வேட்பாளர் எம். கே. விஷ்ணு பிரசாத் செய்தியாளர்களை சந்தித்து பேசுகையில், “கடலூர் பாராளுமன்ற தொகுதியான நெய்வேலி சட்டமன்ற தொகுதியில் உள்ள என்.எல்.சி இந்தியா நிறுவனத்தில் வெளிமாநிலத்தில் உள்ளவர்கள் அதிக அளவில் பணியில் உள்ளனர். இதில் தமிழகத்தில் உள்ளவர்களை பணியாற்ற நடவடிக்கை எடுப்பேன். மேலும் கடலூர் தொகுதிக்கு நான் புதியது என்றாலும் இங்குள்ள அமைச்சர் எம் ஆர் கே பன்னீர்செல்வம் மற்றும் சி.வெ கணேசன் ஆகியவரின் அறிவுறுத்தல் படி  தேவையான அனைத்து திட்டங்களையும் செயல்படுத்த நடவடிக்கை மேற்கொள்வேன்” என கூறினார்

இந்நிகழ்வில் எம்எல்ஏக்கள் கடலூர் ஐயப்பன்,  நெய்வேலி சபா ராஜேந்திரன், விருதாச்சலம் ராதாகிருஷ்ணன், கடலூர் மாநகராட்சியின் துணை மேயர் தாமரைச்செல்வன், திமுக நகர செயலாளர் ராஜா மற்றும் கூட்டணி கட்சி நிர்வாகிகள் உடன் இருந்தனர்.