கரோனாவுக்காக கமல் எழுதியுள்ள பாடல் நாளை வெளியீடு!

கரோனாவால் ஊரடங்கு ஏற்பட்ட நிலையில் மக்கள் நீதி மய்யம் கட்சித் தலைவரும், நடிகருமான கமல்ஹாசன் எழுதிய பாடல் நாளை (23/04/2020) வெளியிடப்படவுள்ளதாகத் தெரிவிக்கப்பட்டுள்ளது. நடிகர் கமல்ஹாசன் எழுதிய 'அறிவும், அன்பும்' எனப் பெயரிடப்பட்டுள்ள பாடலுக்கு ஜிப்ரான் இசையமைத்துள்ளார்.

கமல்ஹாசனுடன் சங்கர் மகாதேவன், யுவன்சங்கர் ராஜா, அனிருத், தேவிஸ்ரீபிரசாத், ஸ்ருதிஹாசன் ஆகியோர் பாடியுள்ளனர். மானுட சமூகத்தின் மீது நம்பிக்கை, நல்லெண்ணத்தை விதைக்க 'அன்பும் அறிவும்' பாடல் உருவாக்கப்பட்டுள்ளது.