கோயில்களைத் திறக்கக்கோரி இந்து முன்னணியினர் நூதனப் போராட்டம்!

திண்டுக்கல் மாநகரில் உள்ள அபிராமி அம்மன் கோவில் முன்பாக இந்து முன்னணியைச் சேர்ந்த சங்கர் உள்பட பொறுப்பாளர்கள் சிலர் கோயிலைத் திறக்கக்கோரி ஒற்றைக்காலில் நின்று நூதனப் போராட்டம் நடத்தினார்கள். அதேபோல் பழனி முருகன் கோயில் உள்பட பழனியைச் சுற்றியுள்ள பாலசமுத்திரம், ஆயக்குடி உள்பட 44 கோயில்களில் முன்பு குவிந்த இந்து முன்னணியினர் ஒற்றைக்காலில் நின்று நூதனப் போராட்டம் நடத்தினர். மேலும் வத்தலகுண்டு முத்துமாரியம்மன் கோயில், காளியம்மன் கோயில், பஸ் நிலையம் விநாயகர் கோயில், கொடைரோடு முருகன் கோவில், அம்மையநாயக்கனூர் கதர் நரசிம்மப் பெருமாள் கோயில், பள்ளப்பட்டி விநாயகர் கோயில், உள்பட நகர் பகுதியில் உள்ள பல்வேறு கோயில்களிலும் போராட்டம் நடைபெற்றது.