Skip to main content

கரோனா நோயாளிகளை விரட்டும் ஒசூர் ஜி.ஹெச்! -பீலா ராஜேஷ் மாவட்ட அவலம்!

Published on 17/08/2020 | Edited on 17/08/2020

 

corona in krishnagiri district

 

 

தனியார் மருத்துவமனைகளையே ஓவர்டேக் செய்யும் அளவுக்கு தமிழகம் முழுக்க அரசு மருத்துவமனைகளில் கரோனா நோயாளிகளை அட்மிட் செய்து, சிறப்பான சிகிச்சை அளித்து வருகிறார்கள், அரசு மருத்துவர்களும் மருத்துவப்பணியாளர்களும். ஆனால், கிருஷ்ணகிரி மாவட்ட ஒசூர் அரசு மருத்துவமனையில் கரோனா நோயாளிகளை அட்மிட் செய்யாமல் விரட்டுவதாக நமக்கு கிடைக்க விசாரிக்க ஆரம்பித்தோம். அதுவும், முன்னாள் சுகாதாரத்துறை செயலாளர் டாக்டர் பீலா ராஜேஷின் கட்டுப்பாட்டில் வரும் மாவட்டத்திலேயே இப்படியொரு அவலம் என்று சுட்டிக்காட்டுகிறார்கள் அப்பகுதி பொதுமக்களும் சமூக செயற்பாட்டாளர்களும்.

 

இதுகுறித்து, நாம் ஓசூர் அரசு மருத்துவமனை டாக்டர்களிடம் நாம் விசாரித்தபோது, “கரோனா பரவத்தொடங்கியதிலிருந்து ஓசூர் அரசு மருத்துவமனையில் மட்டும் இதுவரை எந்த கரோனா நோயாளியையும் அட்மிட் செய்ததில்லை. யார் அட்மிட் ஆவதற்காக வந்தாலும்  அருகிலுள்ள இ.எஸ்.ஐ. மருத்துவமனைக்கு அனுப்பிவிடுவோம்” என்கிறார்கள்.

 

corona in krishnagiri district

 

 

தமிழகத்திலுள்ள அனைத்து அரசு மருத்துவமனைகளிலும் கரோனா நோயாளிகள் சிகிச்சை பெற்றுவருகிறார்கள். அதுவும், நிரம்பி வழிவதால்தான் கோவிட் கேர் சென்டர்கள் எனப்படும் தனிமைப்படுத்தும் மையங்களை தனியார் கல்லுரிகளில் உருவாக்கி சிகிச்சை அளிக்கப்பட்டுவருகிறார்கள். அப்படியிருக்க, கிருஷ்ணகிரி மாவட்ட ஒசூர் ஜி.ஹெச்சில் மட்டும் எப்படி கரோனா நோயாளிகளை அட்மிட் செய்வதில்லை? அதுவும், சுகாதாரத்துறை முன்னாள் செயலாளர் டாக்டர் பீலா ராஜேஷ் ஐ.ஏ.எஸ்தான் கிருஷ்ணகிரி மாவட்டத்தின் கரோனா தடுப்பு சிறப்பு அதிகாரி. அவரும் கண்டுகொள்ளவில்லையா? என்று நாம் கேட்டபோது, “மாவட்ட சிறப்பு அதிகாரியாக நியமிக்கப்பட்டபிறகு இதுவரை, டாக்டர் பீலா ராஜேஷ் ஐ.ஏ.எஸ் ஒருமுறைதான் கிருஷ்ணகிரி மாவட்டத்திற்கு வந்தார். ஒசூர் ஜி.ஹெச்சுக்கு வந்து பார்க்கவில்லை. அதற்குப்பிறகு, இந்த மாவட்டத்துக்கும் வரவில்லை. ஒசூர் ஜி.ஹெச்சின் சூப்பிரண்டண்ட் பூபதி ஆளுங்கட்சியின் செல்வாக்கில் இருப்பவர். அதனால், கரோனா நோயாளிகளை அட்மிட் செய்து தேவையில்லாமல் வேலை பளுவைக் கூட்டிக்கொள்ளக்கூடாது என்றுதான் கரோனாவுக்கு சிகிச்சை பெற வரும் நோயாளிகளை இ.எஸ்.ஐ. மருத்துவமனைக்கு விரட்டிவிடுகிறார்கள்.

 

இ.எஸ்.ஐ. மருத்துவமனை என்பது அப்பகுதியிலுள்ள பணியாளர்களுக்காக உள்ள மருத்துவமனை. அங்கு, ஏற்கனவே, நோயாளிகளால் நிரம்பிவழிகிறது. இந்நிலையில், ஒசூர் அரசு மருத்துவமனையில் கரோனா நோயாளிகளை அட்மிட் செய்யாதது மிகப்பெரிய அவலம்” என்கிறார்கள்.

 

இதுகுறித்து, ஒசூர் அரசு மருத்துவமனை சூப்பிரண்டண்ட் டாக்டர் பூபதியை தொடர்புகொண்டு நாம் கேட்டபோது, “பிரவச வார்டுகள் எல்லாம் இருந்ததால் கரோனா நோயாளிகளை அட்மிட் செய்யவில்லை. தற்போது, அதையெல்லாம் பிரித்து கூடுதல் படுக்கைகளை உருவாக்கிவிட்டோம். ஆக்சிஜன் குழாய்களும் பதித்துவிட்டோம். அடுத்தவாரத்தில் கரோனா நோயாளிகளை அட்மிட் செய்து சிகிச்சை அளிக்கும் சிறப்பு வார்டு தயாராகிவிடும்” என்றார்.

 

“இதையேத்தான், பல மாதங்களாக சொல்லி சமாளித்துக்கொண்டிருக்கிறார் ஓசூர் ஜி.எச் சூப்பிரண்டண்ட் பூபதி. எல்லா, அரசு மருத்துவமனைகளிலுமே பிரசவ வார்டுகள் உள்ளன. அப்படியிருக்க, இந்த மருத்துவமனையில் மட்டும்தான் பிரசவ வார்டு இருப்பதுபோல் காரணத்தை கூறுகிறார்கள். இந்த மருத்துவமனையில் கரோனாவுக்கு சிகிச்சை அளிப்பதற்கான அனைத்து, வசதிகளும் ஏற்கனவே உள்ளன” என்று குற்றஞ்சாட்டுகிறார்கள்.

 

corona in krishnagiri district

 

இதுதொடர்பாக, கிருஷ்ணகிரி மாவட்ட கரோனா தடுப்பு சிறப்பு அதிகாரி டாக்டர் பீலா ராஜேஷ் ஐ.ஏ.எஸ்ஸை தொடர்புகொண்டு கேட்டபோது,இதுகுறித்து நடவடிக்கை எடுக்கவுள்ளதாக தெரிவித்தார்.

 

corona in krishnagiri district

 

இதுகுறித்து, சுகாதாரத்துறை செயலர் டாக்டர் ராதாகிருஷ்ணன் ஐ.ஏ.எஸ்ஸை தொடர்புகொண்டு கேட்டபோது, “சில, அரசு மருத்துவமனைகளில் மட்டும் அங்குள்ள நோயாளிகளுக்கு கரோனா பரவும் சூழல் இருந்தால் அட்மிட் செய்வதில்லை. இருந்தாலும் ஒசூர் அரசு மருத்துவமனையில் என்ன சூழல் என்பதை தமிழ்நாடு மருத்துவக்கல்வி இயக்குனர் டாக்டர் நாராயணபாபு மூலம் ஆய்வு செய்து விரைவில் நடவடிக்கை எடுக்கப்படும்” என்றார் நம்பிக்கையாக.

 

 

சார்ந்த செய்திகள்

Next Story

பட்டப்பகலில் ஒருவர் பெட்ரோல் ஊற்றி எரிப்பு; போலீசார் விசாரணை

Published on 21/04/2024 | Edited on 21/04/2024
In broad daylight, someone poured petrol and set it on fire; Police investigation

கிருஷ்ணகிரி மாவட்டத்தில் பட்டப்பகலில் சித்தப்பா மீது மகனே பெட்ரோல் ஊற்றி தீ வைத்த சம்பவம் பரபரப்பை ஏற்படுத்தியிருக்கிறது.

கிருஷ்ணகிரி மாவட்டம் காவேரிப்பட்டினம் அடுத்து உள்ள சவரக்கோட்டை பிரிவு பகுதியில் வசித்து வருபவர் வடமலை. அவருடைய மகன்கள் சின்னவன் மற்றும் மணி. மணியின் மகன் செந்தில். கடந்த நான்கு நாட்களுக்கு முன்னதாக செந்தில் அவருடைய விவசாய நிலத்தில் அறுவடை பணிக்காக டிராக்டரில் சென்றுள்ளார். அப்பொழுது சித்தப்பா சின்னவன் மற்றும் செந்தில் ஆகியோருக்கு இடையே தகராறு ஏற்பட்டுள்ளது.

இது தொடர் பிரச்சனையாக இருந்து வந்த நிலையில் இருதரப்பினரும் காவேரிப்பட்டினம் போலீசாரிடம் புகார் அளித்தனர். போலீசார் இது தொடர்பாக விசாரணை நடத்தி வந்தனர். இந்த நிலையில் சித்தப்பா சின்னவன் தீவனக்கடை ஒன்றில் இருந்த பொழுது கடைக்குச் சென்ற செந்தில் மறைத்து வைத்திருந்த பெட்ரோலை அவர் மீது ஊற்றி பற்ற வைத்தார்.

இதில் உடல் முழுவதும் தீப்பற்றி எரிந்த சின்னவனை அங்கிருந்தவர்கள் நேற்று தனியார் ஆம்புலன்ஸ் மூலம் கிருஷ்ணகிரி அரசு மருத்துவமனைக்கு அழைத்துச் சென்றனர். பட்டப்பகலில் ஒருவர் மீது பெட்ரோல் ஊற்றி எரிக்கப்பட்ட சம்பவம் கிருஷ்ணகிரியில் பரபரப்பை ஏற்படுத்தி உள்ளது. இது தொடர்பான சிசிடிவி காட்சிகள் சமூக வலைதளங்களில் வெளியாகி வைரலாகி வருகிறது.

Next Story

காதலை கைவிட மறுத்ததால் ஆத்திரம்!

Published on 18/03/2024 | Edited on 18/03/2024
Rage for daughter refusing to give up love and incident happened in krishnagiri

கிருஷ்ணகிரி மாவட்டம், ஓசூர் அருகே பட்வாரப்பள்ளி கிராமத்தைச் சேர்ந்தவர் பிரகாஷ். இவருக்கு காமாட்சி (33) என்ற மனைவியும், ஸ்பூர்த்தி எனும் 16 வயதில் மகளும் இருந்தார்கள். ஸ்பூர்த்தி, பாகலூர் அரசு பெண்கள் மேல்நிலைப்பள்ளியில் பிளஸ்-1 ஆம் வகுப்பு படித்து வந்தார். இந்த நிலையில், கடந்த 14ஆம் தேதி வீட்டை வெளியே சென்று ஸ்பூர்த்தி, இரவு நேரமாகியும் வீட்டுக்கு வரவில்லை. இதில், பதற்றமடைந்த ஸ்பூர்த்தியின் பெற்றோர் மற்றும் குடும்பத்தினர், அவரை பல்வேறு இடங்களில் தேடி வந்தனர். ஆனால், அவர்கள் எங்கு தேடியும் ஸ்பூர்த்தி கிடைக்கவில்லை.

இந்த நிலையில், நேற்று முன் தினம் (16-03-24) இரவு பட்வாரப்பள்ளி பகுதியில் உள்ள ஏரியில் ஒரு இளம்பெண் பிணமாக கிடந்தார். இதனை கண்ட அங்கிருந்தவர்கள், இந்த சம்பவம் குறித்து போலீசாருக்கு தகவல் கொடுத்தனர். தகவல் அறிந்து சம்பவ இடத்திற்கு விரைந்து வந்த போலீசார், இளம்பெண்ணின் உடலை மீட்டு பிரேத பரிசோதனைக்காக, ஓசூர் அரசு மருத்துவமனைக்கு அனுப்பி வைத்தனர். இதனை தொடர்ந்து, இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வந்தனர்.

அந்த விசாரணையில், ஏரியில் பிணமாக கிடந்தது ஸ்பூர்த்தி என்பதும், அவர் கொலை செய்யப்பட்டிருப்பதும் தெரியவந்தது. மேலும், அவர்கள் நடத்திய விசாரணையில், ஸ்பூர்த்தியும், பாகலூர் அருகே முத்தாலி பகுதியைச் சேர்ந்த சிவா (25) என்ற இளைஞரும் நீண்ட காலமாக காதலித்து வந்துள்ளனர். இந்த விவகாரத்தை அறிந்த ஸ்பூர்த்தியின் பெற்றோர், அவரது காதலுக்கு கடும் எதிர்ப்பு தெரிவித்தனர். இருப்பினும், ஸ்பூர்த்தி தனது காதலை கைவிடவில்லை என்று கூறப்படுகிறது. 

இதில் ஆத்திரமடைந்த ஸ்பூர்த்தியின் தந்தை பிரகாஷ், தாய் காமாட்சி ஆகியோர், மாணவியை கடுமையாக தாக்கி கொலை செய்துள்ளனர். மேலும், மாணவியின் உடலை சாக்கு மூட்டையில் அடைத்து மோட்டார் சைக்கிளில் கொண்டு சென்று அந்த பகுதியில் ஏரியில் வீசியுள்ளதாக தெரியவந்தது. இதனையடுத்து, பிரகாஷ், காமாட்சி மற்றும் இவர்களுக்கு உடந்தையாக இருந்த ஸ்பூர்த்தியின் பெரியம்மா மீனாட்சி (36) ஆகிய 3 பேரையில் போலீசார் கைது செய்து தீவிர விசாரணை நடத்தி வருகின்றனர். காதலை கைவிடாததால், பெற்றோரே மகளை கொலை செய்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.