Skip to main content

காங்கிரஸ் எம்.எல்.ஏ. ஐந்தாண்டு ஊதியத்தை திருப்பித் தரவேண்டும்! -தேர்தல் வெற்றிக்கு எதிரான வழக்கில் தீர்ப்பு!

Published on 26/02/2019 | Edited on 26/02/2019

 

தேர்தல் வெற்றி செல்லாது என்று அறிவிக்கப்பட்ட காங்கிரஸ் கட்சியின் முன்னாள் எம்.எல்.ஏ., தான்  ஊதியமாகப் பெற்ற ரூ.21.58 லட்ச ரூபாயை நான்கு வாரங்களில் தமிழக அரசுக்குத் திருப்பிச் செலுத்த வேண்டும் என உத்தரவிட்டுள்ளது சென்னை உயர் நீதிமன்றம். 

v

 

அரசு ஒப்பந்தகாரர் எம்.எல்.ஏ. ஆனது செல்லாது!

திருநெல்வேலி மாவட்டம் – சேரன்மாதேவி தொகுதியில், கடந்த 2006-ஆம் ஆண்டு நடந்த சட்டமன்ற தேர்தலில், காங்கிரஸ் கட்சியின் வேட்பாளராகப் போட்டியிட்டு வெற்றி பெற்றார் வேல்துரை. அரசு ஒப்பந்தகாரராக இருந்துகொண்டு சட்டமன்ற தேர்தலில் போட்டியிட்டு வேல்துரை பெற்ற வெற்றி செல்லாது என்று அறிவிக்கக்கோரி, சென்னை உயர் நீதிமன்றத்தில் வழக்கு தொடர்ந்தார்,  அவரை எதிர்த்துப் போட்டியிட்ட மனோஜ் பாண்டியன். இவ்வழக்கு தள்ளுபடி செய்யப்பட்டது. இதனை எதிர்த்து மனோஜ்பாண்டியன் தாக்கல் செய்த மேல்முறையீட்டு மனுவை விசாரித்த உச்ச நீதிமன்றம், வேல்துரை பெற்ற வெற்றி செல்லாது என்று தீர்ப்பளித்தது.  

உச்ச நீதிமன்ற தீர்ப்பினைத் தொடர்ந்து, 5 ஆண்டுகள் எம்.எல்.ஏ.வாக இருந்து வேல்துரை பெற்ற ஊதியமான, ரூ.21,58,000-ஐயும், 201 நாட்கள் சட்டமன்ற பணியில் பங்கேற்றதற்கு, நாள் ஒன்றுக்கு ரூ.500 வீதம் அபராதம் விதித்தும் உத்தரவிட்டார் தமிழ்நாடு சட்டமன்ற செயலாளர். 

 

m

 

எம்.எல்.ஏ.வை அரசு ஊழியரோடு ஒப்பிட முடியாது!

சென்னை உயர் நீதிமன்றத்தில் இந்த உத்தரவை எதிர்த்து வழக்கு தொடர்ந்தார் வேல்துரை. இவ்வழக்கை விசாரித்தார் நீதியரசர் பார்த்திபன். விசாரணை நடந்தபோது, அரசு ஊழியர் ஒருவர் ஏதாவது குற்றம் செய்து பணியிலிருந்து நீக்கப்பட்டால், அதுவரை அவர் பெற்ற சம்பளம் திரும்பப் பெறப்பட மாட்டாது. அதுபோல, அரசு ஊழியர் என்ற அடிப்படையில், எம்.எல்.ஏ.வாக இருந்தவரிடம் ஊதியத்தை திருப்பிச் செலுத்தும்படி கோர முடியாது என்று வேல்துரை தரப்பில் வாதாடினர். 

 

சட்ட மன்ற உறுப்பினராகத் தேர்ந்தெடுக்கப்பட்டதே செல்லாது என்று உச்ச நீதிமன்றம் அறிவித்துவிட்டதால், எம்.எல்.ஏ. என்ற அந்தஸ்தை இழந்துவிட்டார்  வேல்துரை. அதனால், 5 ஆண்டுகள் அவர் பெற்ற ஊதியத்தை திருப்பிச் செலுத்த வேண்டும் என்று வாதாடிய அரசுத் தரப்பு, அரசு ஊழியர்களுடன் மனுதாரர் தன்னை ஒப்பிட முடியாது என்றும் தெரிவித்தது. 

 

இருதரப்பினர் வாதங்களையும் கேட்ட நீதியரசர், வாழ்வாதாரத்துக்காக சம்பளம் வாங்கும் அரசு ஊழியரையும், மக்கள் சேவைக்காகத் தேர்ந்தெடுக்கப்பட்ட எம்.எல்.ஏ.வையும் ஒரே மாதிரி கருதமுடியாது என்று தெளிவுபடுத்தி, உச்ச நீதிமன்ற தீர்ப்பு பிரகாரம், தேர்தலில் போட்டியிட்டு வேல்துரை பெற்ற வெற்றி செல்லாது என நிரூபிக்கப்பட்டுவிட்டதால், அவர் தானாகவே முன்வந்து ஊதியத்தை திருப்பி அளித்திருக்க வேண்டும் என்று கூறி, 4 வாரங்களில் மொத்த ஊதியத் தொகை ரூ.21,58,000-ஐ திருப்பிச் செலுத்த வேண்டும் என்று வழக்கை தள்ளுபடி செய்து உத்தரவிட்டார்.   


 

சார்ந்த செய்திகள்

Next Story

“காவிரி நீர் வேணுமா... ஈரோட்டில் கூட காவிரி ஓடுது பாருங்க...” - ஈ.வி.கே.எஸ். இளங்கோவன் பதிலால் எழுந்த விமர்சனம்

Published on 28/03/2024 | Edited on 28/03/2024
'Oh Cauvery water...? Even in Erode, see the Cauvery running'- Criticism caused by EVKS Elangovan's response

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

ஈரோட்டில் செய்தியாளர்களைச் சந்தித்த காங்கிரஸ் எம்.எல்.ஏ ஈ.வி.கே.எஸ். இளங்கோவன் பேசுகையில், ''ஸ்டாலின் தலைமையில் அமைந்திருக்கின்ற கூட்டணி என்பது சாதி மதங்களைக் கடந்த கூட்டணி. மத வெறித்தனத்திற்கு அப்பாற்பட்ட கூட்டணி. மக்கள் ஒற்றுமையாக இருக்க வேண்டும், எல்லா மதத்தைச் சார்ந்தவர்களும் ஒன்றாக இருக்க வேண்டும் என்ற ஒரு நல்ல கொள்கைக்காக தான் இந்த கூட்டணி இருக்கிறது.

மற்ற கூட்டணிகளை எடுத்துக் கொண்டால் குறிப்பாக பாஜக கூட்டணியில் இருக்கின்ற கூட்டணியாக இருந்தாலும் சரி, அதிமுக தலைமையில் இருக்கின்ற கூட்டணியாக இருந்தாலும் சரி அவர்கள் கொள்கைக்காக ஒன்று சேரவில்லை. சில கோடி ரூபாய் பேரம் பேசி பெறுவதற்காக அந்த கூட்டணியில் இருக்கிறார்கள்'' என்றார்.

அப்பொழுது செய்தியாளர் ஒருவர், 'ஒரு சொட்டு தண்ணீர் கூட தரமாட்டேன் என்று சொல்கின்ற காங்கிரசுக்கு பத்து சீட்டுகள் கொடுத்தது நியாயமா என சீமான் கேள்வி எழுப்பி உள்ளாரே' எனக் கேள்வி எழுப்பினார். அதற்குப் பதிலளித்த இளங்கோவன், ''இல்லை காங்கிரசினுடைய கொள்கையே ஒரு சொட்டு நீர் கூட கொடுக்கக் கூடாது என்பதுதான். மக்கள் குடிப்பதால் கெட்டுப் போயிருக்கிறார்கள். மக்களுடைய சிந்தை மாறி போயிருக்கிறது. அதனால் காங்கிரசை பொறுத்தவரை எங்களுடைய மகாத்மா காந்தியினுடைய கொள்கையே ஒரு சொட்டு மது தண்ணீர் கூட மக்களுக்கு கொடுக்கக் கூடாது என்பதுதான்'' என்றார்.

உடனே செய்தியாளர் 'காவிரி தண்ணீர்' என சொல்ல, ''காவிரி தண்ணீரா... காவிரி தண்ணீர் வந்து கொண்டிருக்கிறது. ஈரோட்டில் இருக்கின்ற காவிரி ஆற்றை பார்த்தீர்கள் என்றால் கூட, இன்னைக்கு பாருங்கள் இருக்கின்ற பாறை எல்லாம் மறைக்கும் அளவிற்கு தண்ணீர் போய்க் கொண்டிருக்கிறது. வேண்டிய அளவிற்கு தண்ணீர் தர கர்நாடகா தயாராக இருந்தாலும் அவர்களுக்கு தண்ணீர் பற்றாக்குறை ஏற்பட்டு இருக்கின்ற காரணத்தால் சில தடங்கல்கள் இருக்கிறது'' என்றார்.

காவிரி நீர் குறித்த கேள்விக்கு ஈ.வி.கே.எஸ்.இளங்கோவன் கொடுத்த பதிலுக்கு சமூக வலைத்தளங்களில் விமர்சனங்கள் எழுந்து வருகிறது.

Next Story

“கோட்சே பேரன்களின் கொள்கை தோற்கடிக்கப்பட வேண்டும்” - காங்கிரஸ் எம்.பி. மாணிக்கம் தாகூர் பிரச்சாரம்!

Published on 28/03/2024 | Edited on 28/03/2024
 Politics of Godse's grandsons must be defeated said Congress candidate Manickam Tagore

விருதுநகர் மாவட்டம் – ஸ்ரீவில்லிபுத்தூரை அடுத்துள்ள கிருஷ்ணன் கோயிலில் நடந்த தேர்தல் பிரச்சாரக் கூட்டத்தில் தென்காசி பாராளுமன்ற திமுக வேட்பாளர் ராணி ஸ்ரீகுமார் மற்றும் விருதுநகர் பாராளுமன்ற காங்கிரஸ் வேட்பாளர் மாணிக்கம் தாகூரை ஆதரித்து தமிழ்நாடு முதலமைச்சர் மு.க. ஸ்டாலின் பிரச்சார உரையாற்றினார்.

இந்தக் கூட்டத்தில் விருதுநகர் பாராளுமன்ற உறுப்பினரும் விருதுநகர் தொகுதியின் காங்கிரஸ் வேட்பாளருமான மாணிக்கம் தாகூர் பேசியபோது, “என்னுடைய பார்வையில், தளபதி மு.க. ஸ்டாலின் ஒவ்வொரு கட்டத்திலும் தொடர்ந்து உயர்ந்த நிலைக்கு சென்றபடியே இருக்கிறார். நாளை என்னவாக உயர்வார் என்பதற்குக் காலம் பதில் சொல்லும்.

 Politics of Godse's grandsons must be defeated said Congress candidate Manickam Tagore

ஆனால் அவர் இந்தியாவினுடைய பிரதமராக ராகுல் காந்தி வருவதற்கு முழு ஆதரவு தருவார் என்பது மட்டும் நம் அனைவருக்கும் தெரிந்த விஷயம். ஏப்ரல் 19 ஆம் தேதி நடக்கவிருக்கின்ற தேர்தல், இரு கொள்கைகளுக்கான தேர்தல். ஒரு பக்கம் கோட்சேவின் பேரன்களும் அவருடைய கொள்கைகளும். 20 கோடி சிறுபான்மையின மக்களை அடிமைகளாக சிக்க வைக்க வேண்டும் என்ற ஆர்.எஸ்.எஸ்.ஸின் கொள்கை. பெரும் பணக்காரர்களாக இருக்கின்ற அதானிக்கு இந்தியாவின் செல்வங்களை அள்ளிக் கொடுக்கத் துடிக்கும் மோடி, அமித்ஷாவின் கொள்கை.

இன்னொரு பக்கம், அனைவருக்கும் சமமான இந்தியாவை உருவாக்க வேண்டுமென்று மகாத்மா காந்தி மற்றும் தந்தை பெரியார் பேரன்களின் இந்தக் கூட்டணி. இந்த இந்தியா கூட்டணி அனைவருக்கும் அனைத்தும் என்ற கொள்கையைக் கொண்ட கூட்டணி. இந்தக் கூட்டணி வெல்ல வேண்டுமென்றால், உங்களுடைய ஆதரவு முழுமையாகத் தேவை. இந்தக் கூட்டணி வெல்ல வேண்டுமென்றால் கோட்சே தோற்கடிக்கப்பட வேண்டும். கோட்சேவின் கொள்கை தோற்கடிக்கப்பட வேண்டும். காந்தியா? கோட்சேவா? என்ற நிலையிலே இன்று நிற்கிறோம். மோடியா? ராகுல் காந்தியா? என்ற நிலையிலே நிற்கிறோம். இதிலே தளபதியார் ராகுல் காந்தியோடு நிற்கிறார். அவருடைய ஆசியோடு கை சின்னத்துக்கு வாக்கு தாருங்கள் என்று இரு கரம் கூப்பி வேண்டி விடைபெறுகிறேன்.”  எனப் பேசினார்.