மதுரை, தஞ்சை பேருந்து நிலையங்களை திறந்துவைத்த முதல்வர் மு.க. ஸ்டாலின்!

ஸ்மார்ட் சிட்டி திட்டத்தின் கீழ் ரூ. 30 கோடியில் கட்டப்பட்ட தஞ்சை பேருந்து நிலையத்தைக் காணொலி மூலம் திறந்துவைத்தார் முதலமைச்சர் மு.க. ஸ்டாலின்.

தமிழ்நாட்டில் ஸ்மார்ட் சிட்டி திட்டத்தின் கீழ் பல்வேறு நகரங்களில் பேருந்து நிலையங்கள் கட்டப்பட்டுவருகின்றன. பல கோடி ரூபாய் மதிப்பீட்டில் கட்டப்பட்டுவரும் இந்தப் பேருந்து நிலையங்கள், கட்டுமானப் பணிகள் நிறைவடைந்தவுடன் உடனடியாக திறக்கப்படுகிறது. அந்த வகையில் இந்த திட்டத்தின் கீழ் மதுரை, தஞ்சையில் புதிய பேருந்து நிலையங்கள் கட்டப்பட்டுவந்த நிலையில், தற்போது அதன் பணிகள் நிறைவடைந்துள்ளதால் தமிழ்நாடு முதல்வர் மு.க. ஸ்டாலின் இரண்டு பேருந்து நிலையங்களையும் தலைமைச் செயலகத்திலிருந்து காணொலி காட்சி மூலம் திறந்துவைத்தார். இந்நிகழ்ச்சியில் அமைச்சர் கே.என். நேரு பங்கேற்றார்.