மு.மீனாட்சி சுந்தரம் மறைவுக்கு முதலமைச்சர் மு.க.ஸ்டாலின் இரங்கல்!

முன்னாள் பெங்களூரு தமிழ் சங்கத் தலைவர் மு.மீனாட்சி சுந்தரம் மறைவுக்கு தமிழக முதலமைச்சர் மு.க.ஸ்டாலின் இரங்கல் தெரிவித்துள்ளார்.

தமிழக அரசு இன்று (09/03/2022) வெளியிட்டுள்ள செய்திக் குறிப்பில், "முன்னாள் பெங்களூரு தமிழ்ச் சங்கத் தலைவரும், தமிழ்நாடு அரசின் திருவள்ளுவர் விருதுக்குத் தேர்வு செய்யப்பட்டவருமான மு.மீனாட்சி சுந்தரம் மறைவு வேதனையளிக்கிறது. அல்சூர் ஏரிக்கரையில் நிறுவப்பட்டுள்ள திருவள்ளுவர் சிலையை முத்தமிழறிஞர் கலைஞர், கடந்த 2009- ஆம் ஆண்டு திறந்து வைத்த போது பெங்களூரு தமிழ்ச் சங்கத்தின் தலைவராக இருந்தவர் அவர்.

அவரது மறைவுக்கு ஆழ்ந்த இரங்கலையும், அவரது குடும்பத்தினர், நண்பர்கள் மற்றும் தமிழ் ஆர்வலர்களுக்கு ஆறுதலையும் தெரிவித்துக் கொள்கிறேன்". இவ்வாறு அரசின் செய்திக் குறிப்பில் தெரிவிக்கப்பட்டுள்ளது.