Skip to main content

மத்தவங்களை பற்றி சேரன் கவலைப்பட மாட்டார்...பார்த்திபன் அதிரடி பேச்சு!

Published on 17/09/2019 | Edited on 17/09/2019

தனியார் தொலைக்காட்சியில் கமல் தொகுத்து வழங்கும் நிகழ்ச்சி பிக் பாஸ். இந்த நிகழ்ச்சி 80 நாட்களுக்கு மேல் கடந்து சென்று கொண்டிருக்கிறது. இந்த நிகழ்ச்சி இரண்டு சீசன்களை கடந்து தற்போது மூன்றாவது சீசன் நடைபெற்று கொண்டிருக்கிறது. இரண்டு சீசன்களை போலவே மூன்றாவது சீசனும் மக்கள் மத்தியில் பெரும் வரவேற்பை பெற்றுள்ளது. பிக் பாஸ் சீசன் 3ல் மொத்தம் 16 போட்டியாளர்கள் பங்கேற்றுள்ளனர். நடிகரும், இயக்குனருமான பார்த்திபன் ஒத்த செருப்பு படம் குறித்து ஒரு இணைய ஊடகத்திற்கு பேட்டியளித்தார். அப்போது பிக் பாஸ் நிகழ்ச்சியில் பங்கேற்றுள்ள இயக்குனர் சேரனை பற்றி பார்த்திபனிடம் கேள்வி கேட்டனர். அதற்கு பதிலளித்த பார்த்திபன், சேரன் ஒரு சின்சியரான இயக்குனர். அவர் மற்றவர்கள் காயப்படுவதை பற்றி கவலைப்பட மாட்டார் என்று கூறினார். 
 

parthiban



மேலும்  அவருடைய பாரதிகண்ணம்மா படம் ஜாதி ஒழிப்பு பற்றி சமூகத்தில் அதிகமாக பேசப்பட்ட படம். அந்த படம் எடுக்கும் போது படம் ரொம்ப சீரியசாக இருப்பதை உணர்ந்தேன். அதனால் அந்த படத்தில் நானும், வடிவேலும் வேறு ஒரு படத்திற்காக இருந்த காமெடி டிராக்கை பயன்படுத்தி பாரதிகண்ணம்மாவை கொஞ்சம் கலகலப்பாக மாற்றினோம். ஆனால் அதற்கு சேரன் ஒப்புக்கொள்ளவே இல்லை. நான் கொடுத்த ஐடியா ஒர்க்கவுட் ஆகிவிட்டது என்றால், அவருக்கு பெயர் கிடைக்காது என சேரன் நினைத்தார். இதனால் அவர் அந்த காமெடி காட்சிகளை படத்தில் வைக்க மறுத்துவிட்டார். நாங்கள் எல்லாம் பேசி அவரை சம்மதிக்க வைத்தோம். அதன் பின்பு வெற்றிகொடிக்கட்டு படத்தில் காமெடி சீன்ஸ் உருவாக்கி என்னையும், வடிவேலையும் நடிக்க வைத்தார். அந்த அளவுக்கு ரொம்ப சின்சியரான இயக்குனர் மற்றும் மனிதர் என்றும் கூறினார். மேலும் ஒத்தசெருப்பு படத்தில் கொஞ்சம் பிஸியாக இருந்ததால் பிக் பாஸ் நிகழ்ச்சியை நான் பார்க்கவில்லை என்று கூறினார். ஆகையால் அந்த நிகழ்ச்சியில் பங்கேற்ற சேரன் நடவடிக்கைகளை பற்றி விமர்சிக்க விரும்பவில்லை என்றும்  கூறியுள்ளார்.    

சார்ந்த செய்திகள்

Next Story

நகைச்சுவை நடிகர் சேஷு மருத்துவமனையில் அனுமதி

Published on 15/03/2024 | Edited on 15/03/2024
lollu sabha actor seshu in hospital

சின்னத்திரையில் பிரபல காமெடி நிகழ்ச்சியான லொள்ளு சபா மூலம் பிரமலமானவர் சேஷு. இதையடுத்து லொள்ளு சபா சேஷு, எனப் பெயர் பெற்றவர் பெரிய திரையிலும் அறிமுகமானார். சந்தானம் நடித்த பாரிஸ் ஜெயராஜ், டிக்கிலோனா, ஏ1, குலு குலு எனப் பல படங்களில் நடித்துள்ளார். 

சந்தானம் நடித்த ஏ1 படத்தில் இவர் பேசும் “அச்சசோ அவரா... பயங்கரமானவராச்சே அவர்கிட்ட கொஞ்சம் ஜாக்கிரதையா இருங்கப்பா” என்ற வசனம் சமூக வலைத்தளங்களில் ட்ரெண்டிங்கில் இடம்பெற்றது. மேலும் வேலாயுதம், இந்தியா பாகிஸ்தான், நாய் சேகர் ரிட்டர்ன்ஸ் உள்ளிட்ட படங்களில் நடித்த இவர், சந்தானம் நடிப்பில் கடந்த மாதம் வெளியான வடக்குப்பட்டி ராமசாமி படத்தில் நடித்திருந்தார். 

இந்த நிலையில், மாரடைப்பு காரணமாக ஆழ்வார்பேட்டையில் உள்ள தனியார் மருத்துவமனையில் அனுமதிக்கப்பட்டுள்ளதாகத் தகவல் வெளியாகியுள்ளது. அங்கு அவசர சிகிச்சைப் பிரிவில் அனுமதிக்கப்பட்டு சிகிச்சை பெற்று வருவதாகக் கூறப்படுகிறது. இது திரையுலகினர் மத்தியில் அதிர்ச்சியை ஏற்படுத்தியுள்ளது. மேலும் அவர் குணமடைய அவரது நெருங்கிய வட்டாரங்கள் உள்ளிட்ட ரசிகர்கள் வேண்டி வருகின்றனர்.

Next Story

படிக்காதவன் பட குட்டி ரஜினி காலமானார்

Published on 11/03/2024 | Edited on 11/03/2024
actor and director surya kiran passed away

தமிழில் குழந்தை நட்சத்திரமாக பல ஹிட் படங்களில் நடித்துள்ளவர் மாஸ்டர் சுரேஷ். கல்லுக்குள் ஈரம், மௌன கீதங்கள், படிக்காதவன், ரங்கா, மனிதன் என ஏகப்பட்ட படங்களில் நடித்து பிரபலமானவர். தமிழை தாண்டி தெலுங்கு, கன்னடம், மலையாளம் என 200க்கும் மேற்பட்ட படங்களில் நடித்துள்ளார். 

மாஸ்டர் சுரேஷ் என்ற பெயரில் நடித்து வந்த இவர் பின்பு சூரிய கிரண், என பெயரை மாற்றி கொண்டு இயக்குநராக தெலுங்கு திரையுலகில் அறிமுகமானார். சத்யம், தானா 51, பிரம்மஸ்திரம், ராஜு பாய், அத்தியாயம் 6 போன்ற  படங்களை இயக்கினார். இதனைத் தொடர்ந்து வரலட்சுமி சரத்குமார் நடித்துள்ள அரசி படத்தை இயக்கியுள்ளார். இப்படம் ரிலீஸூக்கு தயாராகி வருவதாக கூறப்படுகிறது. இவர் குழந்தை நட்சத்திரமாக இரண்டு மத்திய அரசு விருதும், இயக்குநராக இரண்டு மாநில விரும் பெற்றுள்ளார். 

இந்த நிலையில் சமீப காலமாக உடல்நிலை குறைவால் அவதிப்பட்டு வந்த சூரிய கிரண் (48) இன்று காலமானார். கடந்த சில நாட்களாக மஞ்சள் காமாலை காரணமாக தனியார் மருத்துவமனையில் சிகிச்சை பெற்று வந்துள்ளதாகவும் பின்பு வீட்டிற்கு கொண்டு வரப்பட்ட அவர் காலை 11 மணியளவில் மரணமடைந்துள்ளதாகவும் தகவல் வெளியாகியுள்ளது. இவரின் இறுதி சடங்குகள் நாளை நடைபெறும் என தெரிவிக்கப்பட்டுள்ளது. இவரது மறைவு திரையுலகில் சோகத்தை ஏற்படுத்தியுள்ளது. இப்போது திரை பிரபலங்கள் மற்றும் ரசிகர்கள் பலரும் சமூக வலைத்தளங்களில் இரங்கல் தெரிவித்து வருகின்றனர்.