குறிப்பிட்ட சமுதாயத்திற்கு எதிராகப் பிரச்சாரம் செய்ததாக 94 வழக்குகள்! -எழுத்துப்பூர்வமாகப் பதில் மனுத் தாக்கல் செய்ய அரசுக்கு உயர்நீதிமன்றம் உத்தரவு!

எஸ்டிபிஐ கட்சியின் மாநில பொதுச் செயலாளர் உமர்முபாரக் சென்னை உயர்நீதிமன்றத்தில் வழக்கு தாக்கல் செய்துள்ளார். அந்த வழக்கில், கரோனா பரவல் தொடர்பாக தப்லீக் ஜமாத் மாநாட்டைச் சுட்டிக்காட்டி சமூக ஊடகங்களில் தவறான பிரச்சாரங்களை மேற்கொள்ளப்படுகின்றன. அந்த மாநாட்டிற்குப் பின்பும் பல கூட்டங்கள், மாநாடுகள் நடத்தப்பட்டன. ஆனால், இந்த விவகாரம் ஒரு மதரீதியாக மாற்றப்பட்டு, குறிப்பிட்ட சமுதாயத்திற்கு எதிரான பிரச்சாரமாக மேற்கொள்ளப்பட்டு வருகிறது.

இதனால், இரு சமூகங்களுக்கு இடையே பிளவு ஏற்பட வாய்ப்புள்ளது. மதப் பிரிவினையை ஒரு சிலர் தூண்டி விடுகின்றனர். இது தொடர்பாக, சமூக வலைத்தளங்கள் மற்றும் ஊடகங்களில் தவறான கருத்துகள் பரப்பப்படுகின்றன. இது குறித்து, நூற்றுக்கணக்கான புகார் அளித்தும் நடவடிக்கை எடுக்கப்படவில்லை. எனவே, உரிய நடவடிக்கை வேண்டும் என்று கோரியிருந்தார்.