Skip to main content

மூதாட்டியை கட்டிப்போட்டு நகை கொள்ளை; போலீசார் தீவிர விசாரணை

Published on 22/03/2023 | Edited on 22/03/2023

 

chennai arumbakkam retired police inspector wife incident 

 

சென்னை அரும்பாக்கத்தில் மூதாட்டி ஒருவர் தனியாக வசித்து வந்துள்ளார். இவர் ஓய்வு பெற்ற காவல்துறை ஆய்வாளரின் மனைவி ஆவார். கணவர் சில வருடங்களுக்கு முன்பே இறந்து விட்டார். இவரது மகனுக்கு திருமணமாகி தனது குடும்பத்தினர் உடன் தனியாக வசித்து வருகிறார்.

 

இந்நிலையில் வழக்கம் போல் வீட்டில் தனியாக இருந்த நிலையில் நேற்று முன்தினம் வந்த மர்ம நபர்கள் நான்கு பேர் வீடு வாடகைக்கு உள்ளதா எனக் கேட்டுள்ளனர். மேலும் பேச்சு கொடுத்தபடியே மூதாட்டியின் வீட்டிற்குள் புகுந்தவர்கள் திடீரென மூதாட்டியிடம் கத்தியை காட்டி மிரட்டி நிர்வாண நிலையில் கை மற்றும் கால்களை கட்டிப் போட்டுவிட்டு வீட்டில் இருந்த 40 பவுன் நகை மற்றும் 60 ஆயிரம் ரூபாய் பணத்தை கொள்ளையடித்து விட்டுச் சென்றுள்ளனர். மேலும் நிர்வாண நிலையில் பாட்டியை புகைப்படமும் எடுத்துச் சென்றுள்ளனர்.

 

மர்ம நபர்கள் தப்பி சென்றதை தொடர்ந்து கத்திக் கூச்சலிட்ட மூதாட்டியின் அலறல் சத்தத்தை கேட்ட அக்கம்பக்கத்தினர் அவரை மீட்டு மருத்துவமனையில் சேர்ந்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இந்நிலையில் இந்த கொள்ளை சம்பவம் தொடர்பாக மணிகண்டன் என்பவரை போலீசார் கைது செய்துள்ளனர். மேலும் இவரது மகன் தனியார் நிறுவனம் ஒன்றை நடத்தி வருகிறார். அதனால் அவருடன் தொழிலில் ஏற்பட்ட போட்டியில் அவரை அவமானப்படுத்த நினைத்து இந்த செயலில் மர்ம நபர்கள் ஈடுபட்டார்களா என போலீசார் தீவிர விசாரணை செய்து வருகின்றனர். 

 

 

சார்ந்த செய்திகள்

 

Next Story

நண்பனின் மனைவியுடன் திருமணத்தை மீறிய உறவு; கொடூரமாகக் கொல்லப்பட்ட கணவர்

Published on 24/06/2024 | Edited on 24/06/2024
 youth incident his friend near Ponneri

திருவள்ளூர் மாவட்டம் பொன்னேரி வட்டத்திற்கு உட்பட்ட சின்னக்காவனம் கிராமத்தைச் சேர்ந்தவர் சரித்திர பதிவேடு குற்றவாளியான லக்ஷ்மணன். பல்வேறு குற்ற வழக்குகளில் தொடர்புடைய இவருக்கும், மீஞ்சூரை அடுத்த தோட்டக்காடு கிராமத்தைச் சேர்ந்த பிரபல ரவுடியான விஷ்ணு என்பவருக்கும் சென்னை புழல் நடுவன் சிறையில் இருந்தபோது, இருவருக்கும் இடையே ஏற்பட்ட நட்பு இருவரும் சிறையில் இருந்து வெளியில் வந்த பின்னரும் தொடர்ந்துள்ளது.

இந்த நிலையில் லட்சுமணனின் மனைவியுடன் விஷ்ணுவிற்கு திருமணத்தை மீறிய உறவு இருந்ததாகக் கூறப்படுகிறது. இதனை அறிந்து பலமுறை இருவரையும் ஏற்கெனவே லட்சுமணன் கண்டித்த நிலையில் நேற்று இரவு லாவகமாக விஷ்ணு லட்சுமணனை தனது சொந்த ஊரான தோட்டக்காடு அழைத்துச் சென்று மது வாங்கி கொடுத்துள்ளார். திருமணத்தை மீறிய உறவுக்கு இடையூறாக இருந்த லட்சுமணனை நண்பர்களுடன் சேர்ந்து விஷ்ணு சரமாரியாக வெட்டி கொலை செய்துவிட்டு அங்கிருந்து தப்பி சென்றுள்ளார்.

இது குறித்து தகவல் அறிந்து சம்பவ இடத்திற்கு சென்ற மீஞ்சூர் காவல்துறையினர் உடலைக் கைப்பற்றி உடற்கூறு ஆய்வுக்காக சென்னை ஸ்டான்லி மருத்துவமனைக்கு அனுப்பி வைத்தனர். இது குறித்து வழக்கு பதிவு செய்த போலீசார் கொலை செய்துவிட்டு தலைமறைவாக இருக்கும் விஷ்ணு உள்ளிட்ட ஐந்து பேரை தேடி வருகின்றனர். மனைவி உடனான திருமணத்தை மீறிய உறவை தட்டிக் கேட்ட சரித்திர பதிவேடு குற்றவாளியை நண்பனே வெட்டி கொலை செய்த சம்பவம் அப்பகுதியில் பரபரப்பை ஏற்படுத்தி உள்ளது

Next Story

நிலத்தைச் சமன் செய்துகொண்டிருந்த ஜே.சி.பி கொழுந்து விட்டு எரிந்த சம்பவம்!

Published on 24/06/2024 | Edited on 24/06/2024
incident of JCB burning while leveling the land

கிருஷ்ணகிரி மாவட்டம் கதவணி பகுதியைச் சேர்ந்தவர் சோனாச்சலம். இவரின் மகன் சிவராமன்(38). இவருக்கு சொந்தமாக ரூ.20 லட்சம் மதிப்பிலான ஜேசிபி உள்ளது. இவர் திருப்பத்தூர் மாவட்டம் குரிசிலாப்பட்டு அடுத்த ஜொள்ளகவுண்டனூர் பகுதியைச் சேர்ந்த சேகர் என்பவருக்கு சொந்தமான ஒரு ஏக்கர் அளவிலான நிலத்தை சமன் செய்ய வந்துள்ளார். நிலத்தை சமன் செய்து கொண்டிருந்தபோது ஜேசிபியில்  இருந்த பேட்டரியின் மூலம் மின்கசிவு  ஏற்பட்டு டீசல் டேங்க் மற்றும் சக்கரத்தில் தீ பற்றி தகதகவென கொழுந்து விட்டு எரியத்தொடங்கியது.

இது குறித்து சிவராமன் திருப்பத்தூர் தீயணைப்பு துறையினருக்கு தகவல் தெரிவித்தார் பின்னர் விரைந்து வந்த தீயணைப்பு துறையினர் தீயை அணைத்தனர். அதற்குள் ஜேசிபி முழுவதும் தீப்பற்றி எரிந்ததால் எலும்பு கூடாக காட்சியளித்தது. இந்தச் சம்பவம் குறித்து குரிசிலாப்பட்டு போலீசார் வழக்கு பதிவு செய்து விசாரணை மேற்கொண்டு வருகின்றனர்.

நிலத்தை சமன் செய்ய சென்ற இடத்தில் ஜேசிபியில் இருந்த பேட்டரியில் மின் கசிவு காரணமாக ஜேசிபி எரிந்து நாசமான சம்பவம் ஆழ்ந்த சோகத்தை ஏற்படுத்தியுள்ளது.