Skip to main content

சென்னையில் ரூபாய் 1.17 கோடி போதைப்பொருள் பறிமுதல்!

Published on 24/04/2021 | Edited on 24/04/2021

 

கென்யா நாட்டின் நைரோபியிலிருந்து சென்னை விமான நிலையத்திற்கு வந்த 5 பார்சல்களை சுங்கத்துறை அதிகாரிகள் நேற்று (23/04/2021) பரிசோதனை செய்தனர். அதில், மர பூச்செண்டு மற்றும் பாக்கெட்டுகளில் மறைத்து வைத்திருந்த ரூபாய் 1.17 கோடி மதிப்புள்ள 46.8 கிலோ காட் இலைகள் என்டிபிஎஸ் (NDPS) சட்டப்படி பறிமுதல் செய்யப்பட்டன. இது தொடர்பாக ஒருவர் கைது செய்யப்பட்டுள்ளார். 

 

சென்னை, திருச்சி, மதுரை உள்ளிட்ட பன்னாட்டு விமான நிலையங்களில் தங்கம், போதைப் பொருள்களை சுங்கத்துறையினர் அவ்வப்போது சோதனை நடத்தி பறிமுதல் செய்து வருகின்றனர். இந்தச் சோதனையில் வெளிநாட்டு கரன்சிகளும் பறிமுதல் செய்யப்படுகிறது என்பது குறிப்பிடத்தக்கது. 

 

 

சார்ந்த செய்திகள்

 

Next Story

சென்னை விமான நிலையத்திற்கு வெடிகுண்டு மிரட்டல்!

Published on 17/06/2024 | Edited on 17/06/2024
chennai airport unknown person email related issue

சென்னை விமான நிலையத்தில் வெடிகுண்டு வெடிக்கும் என விமான நிலைய இயக்குநர் அலுவலகத்திற்கு  நள்ளிரவில் இ - மெயில் ஒன்று வந்துள்ளது. இதனால் விமான நிலையத்தில் பெரும் பரபரப்பு ஏற்பட்டது. இந்த வெடிகுண்டு மிரட்டலைத் தொடர்ந்து வெடிகுண்டு செயலிழக்கும் நிபுணர்கள் குழு தீவிர சோதனையில் ஈடுபட்டனர். இச்சோதனைக்குப் பின்னர் வெடிகுண்டு மிரட்டல் வெறும் புரளிதான் எனத் தெரியவந்தது. சென்னை விமான நிலையத்திற்குக் கடந்த 2 வாரத்தில் 5வது முறையாக வெடிகுண்டு மிரட்டல் விடுக்கப்பட்ட சம்பவம் இதுவாகும். இந்த வெடிகுண்டு புரளியைக் கிளப்பும் மர்ம நபர்கள் குறித்து விமான நிலைய அதிகாரிகள் மற்றும் காவல்துறை அதிகாரிகள் தீவிர விசாரணை மேற்கொண்டு வருகின்றனர்.

முன்னதாக திருநெல்வேலி ரயில் நிலையத்திற்கு நேற்று (16.06.2024) வெடிகுண்டு மிரட்டல் விடுக்கப்பட்டது. இதனையடுத்து அங்கு வெடிகுண்டு நிபுணர்கள் மற்றும் போலீசார் தீவிர சோதனையில் ஈடுபட்டனர். திருநெல்வேலி மாநகர காவல் ஆணையர் அலுவலகத்துக்குத் தொலைபேசி மூலம் தொடர்பு கொண்ட மர்ம நபர் ஒருவர் வெடிகுண்டு மிரட்டல் விடுத்ததாகக் கூறப்படுகிறது. அதனைத் தொடர்ந்து ரயில் நிலையத்தின் பயணிகள் தங்கும் அறைகள், தண்டவாளங்கள், ரயில்வே நடைமேடைகள், பயணிகள் பொருட்கள் வைக்கும் இடங்களில் தீவிர சோதனை நடைபெற்றது.

இந்த வெடிகுண்டு மிரட்டல் காரணமாக திருநெல்வேலியின் பல்வேறு பொது இடங்களில் பாதுகாப்பு தீவிரப்படுத்தப்பட்டது. அதே சமயம் இந்த வெடிகுண்டு மிரட்டல் தொடர்பான விசாரணையில் திருநெல்வேலி வண்ணாரப்பேட்டையைச் சேர்ந்த சிவபெருமாள் (வயது 42) என்பவரை நபரை போலீசார் கைது செய்து விசாரித்து வருவதும் குறிப்பிடத்தக்கது. 

Next Story

துப்பாக்கி தோட்டாக்களுடன் சிக்கிய கருணாஸ்; விமான நிலையத்தில் பரபரப்பு

Published on 02/06/2024 | Edited on 02/06/2024
40 bullets were seized from Karunas at Chennai airport

தமிழ்சினிமாவில் காமெடி நடிகராக அறிமுகமான கருணாஸ், பிறகு குணச்சித்திர வேடத்திலும், ஒரு சில படங்களில் ஹீரோவாகவும் நடித்திருக்கிறார். இதனிடையே முக்குலத்தோர் புலிப்படை என்ற கட்சியை தொடங்கிய நடிகரான கருணாஸ் 2016ம் ஆண்டு சட்டமன்றத் தேர்தலில் அதிமுக கூட்டணியில் இடம் பெற்று திருவாடானை தொகுதியில் இரட்டை இலை சின்னத்தில் போட்டியிட்டு வெற்றிபெற்றவர். ஜெயலலிதா மறைந்த பிறகு  சசிகலா அணியின் பக்கம் இருந்த கருணாஸ் தற்போது திமுக பக்கம் வந்துள்ளார். நாடாளுமன்றத் தேர்தல் திமுக கூட்டணிக்கு ஆதரவு தெரிவித்த கருணாஸ் கூட்டணி கட்சி வேட்பாளர்களை ஆதரித்து பிரச்சாரம் மேற்கொண்டார்.

இந்த நிலையில் நடிகர் கருணாஸிடம் 40 துப்பாக்கி தோட்டாக்கள் பறிமுதல் செய்யப்பட்டுள்ளது. கருணாஸ் இன்று காலை திருச்சி செல்வதற்காக சென்னை விமான நிலையம் வந்தார். அப்போது பாதுகாப்பு அதிகாரிகள் கருணாஸை சோதனை செய்தபோது, அவரது பையில் 40 துப்பாக்கி தோட்டாக்கள் இருந்ததைக் கண்டுபிடித்த அதிகாரிகள், அவற்றைப் பறிமுதல் செய்து விசாரணையைத் தொடர்ந்தனர்.

விசாரணையில், பாதுகாப்பு காரணங்களுக்காக நான் அனுமதி பெற்று துப்பாக்கி வைத்திருப்பதாகவும், அதற்காகத்தான் இந்த தோட்டாக்களை எடுத்துச் செல்வதாகவும் அதிகாரிகளிடம் கருணாஸ் தெரிவித்தாக கூறப்படுகிறது. இருப்பினும், விமானத்தில் துப்பாக்கி, தோட்டாக்கள் போன்றவை எடுத்து செல்லும்போது உரிய அனுமதி வாங்க வேண்டும் என்று அதிகாரிகள் தெரிவித்துள்ளனர். தொடர்ந்து ஒரு மணி நேரத்திற்கும் மேலாக விசாரணை நடைபெற்ற நிலையில் கருணாஸ் விமானம் பயணம் மேற்கொள்ள அனுமதி மறுத்தனர். பின்னர் அவர் திருச்சி செல்லாமல் வீடு திரும்பியதாகக் கூறப்படுகிறது.