Skip to main content

பஸ் திடீரென தீப்பற்றி எரிந்தது! 42 பேர் உயிர்தப்பினர்

Published on 14/01/2019 | Edited on 14/01/2019

 

ப்ப்

 

திண்டுக்கல் மாவட்டத்தில் உள்ள வேடசெந்தூர் அருகே இருக்கும் எவரெடி ஸ்பின்னிங் நிர்வாகம் எதிரே ஓடிக்கொண்டிருந்த பேருந்து திடீரென்று தீப் பிடித்து எரிந்தது, அதில் பயனித்த 42 பேரும் அதிர்ஷ்டவசமாக உயிர் தப்பினர். திண்டுக்கல் மெயின் ரோட்டில் மகராஷ்டிரா பகுதியை சேர்ந்தவர்கள் பழனி, ராமேஸ்வரம், திருப்பதி, மதுரை, கன்னியாகுமரி ஆகிய பகுதிகளுக்கு ஆன்மீக சுற்றுலாவுக்கு  வந்தனர். இவர்கள் வந்த பேருந்து திண்டுக்கல் மாவட்டத்தில் உள்ள வேடசெந்தூர் அருகே இருக்கும் எவரெடி ஸ்பின்னிங் நிர்வாகம் அருகே வந்துகொண்டிருந்த போது பேருந்தின் பின்புறம் திடீரென்று தீ பிடித்து எரிந்தது.

 

bb

 

உடனே பின்னால் வந்த கார் பேருந்தை விரட்டி பிடித்து பேருந்து ஓட்டுனரான கல்யாண்சிங்கிடம் தீ பிடித்த விபரத்தை கூறியதால், உடனே ஓட்டுனர் பேருந்தை நிறுத்தி பேருந்தில் இருந்த 42 பேரையும் கீழே இறங்குமாறு கத்தினார். அதனை கேட்டு பதறி அடித்துக்கொண்டு கீழே இறக்கிய வட மாநிலத்தை சேர்ந்த 42 பேரும் உயிர் தப்பினார்கள். இந்த விஷயம்  தீ அணைப்பு துறையினருக்கு தெரியவே தீயை போராடி அணைத்தனர். அதற்குள் பேருந்து முழுமையாக எரிந்தது. இது சம்பந்தமாக வேடசந்தூர் காவல் துறையினர் வழக்கு பதிவு செய்து  விசாரணை நடத்தி வருகின்றனர்
.

 


இந்த பேருந்து தீவிபத்து எவரெடி மில் அருகே நடந்ததால், எவரெடி மில் தொழிலாளர்கள் அவர்களுக்கு உதவி புரிந்தனர். 42 பேர் அதிர்ஷ்டவசமாக உயிர் பிழைத்தவர்களுக்கு உதவி புரிவதற்கு, இந்நிலையில் மாவட்ட ஆட்சியாளர் வினை, திண்டுக்கல் ஆர்.டி.ஓ ஜீவா, மேற்கு தாசில்தார் லட்சுமி, சோனல் உதவி தாசில்தார் முத்து முருகன், ஆர்.ஐ சம்பத் ஆகியோர் உணவு  உடை போக்குவரத்து வசதிகள், வழங்கினர். மேலும் எவரெடி  மில்ஸ் நிர்வாகத்தின் சார்பாக சேலை, ஷர்ட் போன்றவைகள் கொடுத்து உதவிகரம் நீட்டினார்கள்.  அரசு மற்றும் தனியார் நிறுவனங்களின் உதவியை வடமாநில மக்கள் கண்ணீர் மல்க நன்றி தெரிவித்து சென்றனர்.  எவரெடி நிர்வாகத்தின் சேவைக்கு அரசு ஊழியர்கள் மற்றும் பொதுமக்கள் நன்றி கூறினார்கள்.

 

 

 
 
 

சார்ந்த செய்திகள்

 

Next Story

கூடுதல் சிறப்பு பேருந்துகள் இயக்கம்!

Published on 21/06/2024 | Edited on 21/06/2024
Additional special buses run!

பௌர்ணமி, மற்றும்  வார இறுதி நாட்களை முன்னிட்டு தமிழ்நாடு அரசு போக்குவரத்துக் கழகம் மூலம் சிறப்பு பேருந்துகள் இயக்கப்படும் என அரசு விரைவுப் போக்குவரத்துக் கழக மேலாண் இயக்குநர் தகவல் தெரிவித்துள்ளார். இது தொடர்பாக வெளியிடப்பட்டுள்ள அறிவிப்பில், “பௌர்ணமி நாளான இன்று (21/06/2024), சனிக்கிழமை (22/06/2024) மற்றும் ஞாயிறு (23/06/2024)  ஆகிய வார விடுமுறை நாட்களை முன்னிட்டு சென்னையிலிருந்தும் இதர இடங்களுக்கும் மற்றும் பிற இடங்களிலிருந்தும் கூடுதலான பயணிகள் தமிழகம் முழுவதும் பயணம் மேற்கொள்வார்கள் என எதிர்பார்க்கப்படுகிறது. இதனைக் கருத்தில் கொண்டு தமிழ்நாடு அரசு போக்குவரத்துக் கழகங்கள் தினசரி இயக்கப்படும் பேருந்துகளுடன் கூடுதலாகச் சிறப்பு பேருந்துகளை இயக்க திட்டமிடப்பட்டுள்ளது.

அதன்படி சென்னை கிளாம்பாக்கத்திலிருந்து திருவண்ணாமலை, திருச்சி. கும்பகோணம், மதுரை, திருநெல்வேலி, நாகர்கோவில், கன்னியாகுமரி. தூத்துக்குடி, கோயம்புத்தூர், சேலம், ஈரோடு, திருப்பூர் ஆகிய இடங்களுக்கு இன்று (21/06/2024) 600 பேருந்துகளும், நாளை (22/06/2024) 410 பேருந்துகளும் இயக்க திட்டமிடப்பட்டுள்ளது. சென்னை கோயம்பேட்டிலிருந்து திருவண்ணாமலை, நாகை, வேளாங்கண்ணி, ஓசூர், பெங்களூரு ஆகிய இடங்களுக்கு இன்று 55 பேருந்துகளும், நாளை 80 பேருந்துகளும் மேற்கூறிய இடங்களிலிருந்தும் இயக்க திட்டமிடப்பட்டுள்ளது. 

Additional special buses run!

அதே சமயம் பெங்களூர். திருப்பூர், ஈரோடு மற்றும் கோயம்புத்தூர் ஆகிய இடங்களிலிருந்தும் பல்வேறு இடங்களுக்கும் 200 சிறப்பு பேருந்துகளும் இயக்க திட்டமிடப்பட்டுள்ளது. அரசு விரைவுப் போக்குவரத்துக் கழகம் மூலமாக இருக்கை மற்றும் படுக்கை வசதி கொண்ட குளிர்சாதனம் கொண்ட 30 பேருந்துகள் சென்னை கிளாம்பாக்கத்திலிருந்து திருவண்ணாமலைக்கு இன்று இயக்க நடவடிக்கை மேற்கொள்ளப்பட்டுள்ளது. மேலும், சென்னை, மதுரை, சேலம், கோயம்புத்தூர், ஈரோடு, திருப்பூர், திருநெல்வேலி, நாகர்கோவில், தென்காசி, தூத்துக்குடி மற்றும் பெங்களூரு ஆகிய இடங்களிலிருந்து திருவண்ணாமலைக்கு அரசு பேருந்துகளில் முன்பதிவு செய்து பயணிக்கவும் வழிவகை செய்யப்பட்டுள்ளது.

மேலும், வார இறுதி நாட்களை முன்னிட்டு சென்னை கோயம்பேடு பேருந்து நிலையத்திலிருந்து திருவண்ணாமலைக்கு இன்று 15 பேருந்துகளும், நாளை 15 பேருந்துகளும் ஆக 30 பேருந்துகள் இயக்க திட்டமிடப்பட்டுள்ளது. பௌர்ணமியை முன்னிட்டு சென்னை மாதவரம் பேருந்து நிலையத்திலிருந்து திருவண்ணாமலைக்கு 30 சிறப்பு பேருந்துகள் இன்று இயக்க திட்டமிடப்பட்டுள்ளது. 

Additional special buses run!

அதோடு ஞாயிறு அன்று சொந்த ஊர்களில் இருந்து சென்னை மற்றும் பெங்களூர் திரும்ப வசதியாக பயணிகளின் தேவைக்கேற்ப அனைத்து இடங்களிலிருந்தும் சிறப்பு பேருந்துகள் இயக்கிட திட்டமிடப்பட்டுள்ளது. எனவே தொலைதூர பயணம் மேற்கொள்ள இருக்கும் பயணிகள் கூட்ட நெரிசலைத் தவிர்க்கும் பொருட்டு தங்களது பயணத்திற்கு www.tnstc.in மற்றும் மொபைல் செயலி (Mobile App) மூலம் முன்பதிவு செய்து பயணிக்கக் கேட்டுக்கொள்ளப்படுகிறார்கள். இச்சிறப்பு பேருந்து இயக்கத்தினை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் தெரிவிக்கப்படுகிறது” எனத் தெரிவிக்கப்பட்டுள்ளது. 

Next Story

‘தொடர் விடுமுறை’ - கூடுதல் சிறப்பு பேருந்துகள் இயக்கம்!

Published on 14/06/2024 | Edited on 14/06/2024
'Series Holiday' - Extra Special Buses Run

முகூர்த்தம், வார இறுதி நாட்கள் மற்றும் பக்ரீத் பண்டிகை எனத் தொடர் விடுமுறையை முன்னிட்டு தமிழ்நாடு அரசு போக்குவரத்துக் கழகம் மூலம் சிறப்பு பேருந்துகள் இயக்கப்படும் என அரசு விரைவுப் போக்குவரத்துக் கழக மேலாண் இயக்குநர் தகவல் தெரிவித்துள்ளார்.

இது தொடர்பாக வெளியிடப்பட்டுள்ள அறிவிப்பில் வெள்ளிக் கிழமை (14/06/2024), சனிக்கிழமை (15/06/2024), ஞாயிற்றுக் கிழமை (16/06/2024) முகூர்த்தம் வார விடுமுறை மற்றும் திங்கள் கிழமை (17/06/2024) பக்ரீத் பண்டிகை எனத் தொடர் விடுமுறையை முன்னிட்டு சென்னையிலிருந்து இதர இடங்களுக்கும் மற்றும் பிற இடங்களிலிருந்தும் கூடுதலான பயணிகள் தமிழகம் முழுவதும் பயணம் மேற்கொள்வார்கள் என எதிர்பார்க்கப்படுகிறது. இதனைக் கருத்தில் கொண்டு தமிழ்நாடு அரசு போக்குவரத்துக் கழகங்கள் தினசரி இயக்கப்படும் பேருந்துகளுடன் கூடுதலாகச் சிறப்பு பேருந்துகளை இயக்க திட்டமிடப்பட்டுள்ளது. 

'Series Holiday' - Extra Special Buses Run

அதன்படி சென்னை கிளாம்பாக்கத்திலிருந்து திருவண்ணாமலை, திருச்சி, கும்பகோணம்,  மதுரை, திருநெல்வேலி, நாகர்கோவில், கன்னியாகுமரி, தூத்துக்குடி, கோயம்புத்தூர், சேலம், ஈரோடு, திருப்பூர் ஆகிய இடங்களுக்கு இன்று (வெள்ளிக் கிழமை) 545 சிறப்பு பேருந்துகளும், நாளை (சனிக்கிழமை) 585 சிறப்பு பேருந்துகளும் மற்றும் நாளை மறுநாள் (ஞாயிற்றுக் கிழமை) 140 சிறப்பு பேருந்துகளும் இயக்கிட திட்டமிடப்பட்டுள்ளது. மேலும், 17/06/2024 (திங்கள் கிழமை) அன்று பல்வேறு ஊர்களில் இருந்து சென்னைக்கு 705 சிறப்பு பேருந்துகள் இயக்க திட்டமிடப்பட்டுள்ளது. அதே சமயம் வார இறுதி நாட்களை முன்னிட்டு கோயம்பேடு பேருந்து நிலையத்திலிருந்து திருவண்ணாமலைக்கு இன்று 15 பேருந்துகளும் நாளை 15 பேருந்துகளும் ஆக 30 சிறப்பு பேருந்துகள் இயக்க திட்டமிடப்பட்டுள்ளது.

அதே போன்று திங்கள் அன்று சொந்த ஊர்களில் இருந்து சென்னை மற்றும் பெங்களூர் திரும்ப வசதியாக பயணிகளின் தேவைக்கேற்ப அனைத்து இடங்களிலிருந்தும் சிறப்பு பேருந்துகள் இயக்கிட திட்டமிடப்பட்டுள்ளது. எனவே தொலைதூர பயணம் மேற்கொள்ள இருக்கும் பயணிகள் கூட்ட நெரிசலைத் தவிர்க்கும் பொருட்டு தங்களது பயணத்திற்கு www.tnstc.in என்ற இணையதளம் மற்றும் மொபைல் செயலி (Mobile App) மூலம் முன்பதிவு செய்து பயணிக்க கேட்டுக்கொள்ளப்படுகிறார்கள். இச்சிறப்பு பேருந்து இயக்கத்தினை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் தெரிவிக்கப்படுகிறது” எனக் குறிப்பிடப்பட்டுள்ளது.