Skip to main content

காருக்குள் அழுகிய நிலையில் சிறுவன் சடலம்; கொலையா? - நீடிக்கும் மர்மம்

Published on 31/05/2023 | Edited on 31/05/2023

 

Boy body rotting inside car in Salem

 

சேலத்தில், காருக்குள் அழுகிய நிலையில் மர்மமான முறையில் இறந்து கிடந்த சிறுவன், கொலை செய்யப்பட்டானா? என்பது குறித்து காவல்துறையினர் தீவிர விசாரணை நடத்தி வருகின்றனர்.    

 

சேலம் அம்மாபேட்டை ரஷ்யா காலனியைச் சேர்ந்தவர் மாணிக்கம். இவர், குமரகிரி புறவழிச்சாலையில் கார் பழுதுபார்ப்பு பட்டறை வைத்திருக்கிறார். உறவினர் வீட்டுத் திருமணத்தில் கலந்து கொள்வதற்காக சில நாள்களாக பட்டறைக்கு விடுமுறை விட்டிருந்தார். பின்னர், மே 27 ஆம் தேதி பட்டறையை மீண்டும் திறந்தபோது அந்த வளாகத்தில் நிறுத்தி வைக்கப்பட்டு இருந்த காருக்குள் இருந்து துர்நாற்றம் வீசியது. காரை திறந்து பார்த்தபோது, 7 வயது மதிக்கத்தக்க சிறுவன் ஒருவன் அழுகிய நிலையில் சடலமாகக் கிடந்தான். இதுகுறித்து அவர் அம்மாபேட்டை காவல்நிலைய காவல்துறைக்கு தகவல் அளித்தார். சடலம் அழுகியிருந்ததால் அந்தப் பட்டறையில் வைத்தே சேலம் அரசு மருத்துவமனை மருத்துவர்கள் உடற்கூராய்வு செய்தனர்.     

 

காவல்துறை விசாரணையில், காருக்குள் சடலமாகக் கிடந்த சிறுவன் ரஷ்யா காலனியைச் சேர்ந்த சுகன்யா என்பவருடைய மகன் சிலம்பரசன் (7)  என்பது தெரிய வந்தது. சடலம் கிடந்த கார், மாணிக்கத்தின் பட்டறையில் 4 மாதத்திற்கு முன்பு பழுது பார்ப்புக்காக வந்துள்ளது. அந்த காருக்குள் சிறுவன் இறந்து கிடந்ததால் அவனுடைய மரணத்தில் மர்மம் நீடித்தது. யாராவது அவனை கொலை செய்துவிட்டு, அங்கு  மறைத்து வைத்திருக்கலாம் என்ற சந்தேகமும் எழுந்தது. இதனால் பட்டறையின் உரிமையாளர் மற்றும் சிறுவனின் தாயாரிடமும் தீவிர  விசாரணை நடந்தது. சுகன்யாவுக்கு கடந்த 8 ஆண்டுக்கு முன்பு காரிப்பட்டி அருகே உள்ள கோலாத்துக்கோம்பையைச் சேர்ந்த கண்ணன் என்பவருடன் திருமணம் நடந்துள்ளது. அவர் மூலமாக சிலம்பரசன் என்ற மகனும், இரண்டு பெண் குழந்தைகளும் பிறந்துள்ளனர்.

 

கணவருடன் ஏற்பட்ட கருத்து வேறுபாடு காரணமாக சுகன்யா அவரைப் பிரிந்து வசித்து வந்தார். இந்நிலையில், ரஷ்யா காலனியைச் சேர்ந்த வினோத் என்பவருடன் பழக்கம் ஏற்பட்டு கடந்த சில மாதங்களுக்கு முன்பு அவரை திருமணம் செய்து கொண்டார். தனது மகனையும் தன்னுடன் வைத்துக் கொண்டார்.  சிறுவன் சிலம்பரசனை சுகன்யாவின் உறவினர்கள் அடிக்கடி கோலாத்துக்கோம்பைக்கு அழைத்துச் செல்வார்கள். இந்நிலையில்தான் கடந்த சில நாள்களுக்கு முன்பு சிறுவன் திடீரென்று காணாமல் போனான். ஒருவேளை, அவனை உறவினர்கள் சொந்த ஊருக்கு அழைத்துச் சென்றிருக்கலாம் எனக் கருதிய சுகன்யா, அவனை தேடாமல் இருந்துவிட்டார்.

 

இப்படியான நிலையில்தான் சிலம்பரசனின் சடலம் மீட்கப்பட்டுள்ளது. பட்டறை உரிமையாளர் மாணிக்கம் தனது பட்டறைக்கு விடுமுறை விடப்பட்டு  இருந்தபோது அந்த வளாகத்தில் நிறுத்தப்பட்டு இருந்த பழுதடைந்த காருக்குள் விளையாட்டாக ஏறி இருக்கிறான். காருக்குள் சென்ற சிறுவன் கதவை சாத்தியபோது அதை மீண்டும் திறக்க முடியாத அளவுக்கு பூட்டிக் கொண்டிருக்கிறது. கார் கதவை திறக்க முடியாததால் மூச்சுத்திணறி சிறுவன் இறந்திருக்கலாம் என்பது முதல்கட்ட விசாரணையில் தெரிய வந்துள்ளது.  எனினும், உடற்கூராய்வு அறிக்கை கிடைத்த பிறகே சிறுவனின் சாவுக்கான உண்மையான காரணம் தெரிய வரும் என்கிறார்கள் காவல்துறையினர். இதுகுறித்து தொடர்ந்து விசாரணை நடத்தி வருகின்றனர். இந்த சம்பவம் அம்மாபேட்டை ரஷ்யா காலனி பகுதியில் பரபரப்பை ஏற்படுத்தி உள்ளது.  

 

 

சார்ந்த செய்திகள்

 

Next Story

மோதி விட்டு நிற்காமல் பறந்த கார்; பஞ்சராகி பாதி வழியில் நின்றபோது பறிமுதல்

Published on 17/07/2024 | Edited on 17/07/2024
A car that caused an accident and did not stop

புதுக்கோட்டை மாவட்டம் அறந்தாங்கி அருகில் உள்ள சருக்கலக்கோட்டை மற்றும் குருந்திரகோட்டை கிராமங்களைச் சேர்ந்த 3 சிறுவர்கள் ஒரு பைக்கில் கீரமங்கலம் நோக்கி வந்து கொண்டிருந்தனர். அப்போது பனங்குளம் தெற்கு கிராமத்தில் அருகே திருவாரூர் மாவட்டம் முன்னாவல்கோட்டை கிராமத்தைச் சேர்ந்த வெங்கடேசன் மகன் தனபாண்டி (வயது 24) அறந்தாங்கி நோக்கி ஓட்டிச் சென்ற கார் எதிரே வந்த சிறுவர்களின் பைக் மீது மோதிய விபத்தில் 3 சிறுவர்களும் படுகாயமடைந்தனர்.

ஆனால் விபத்து ஏற்படுத்திய கார் சம்பவ இடத்தில் நிறுத்தாமல் வேகமாகச் சென்று விட்டது. அந்த வழியாகச் சென்றவர்கள் ரத்த காயங்களுடன் கிடந்த 3 சிறுவர்களையும் மீட்டு 108 ஆம்புலன்ஸ் மூலம் அறந்தாங்கி அரசு மருத்துவமனைக்கு அனுப்பி வைத்தனர்.

சிறுவர்களின் பைக் மீது மோதி நிற்காமல் தப்பிச் சென்ற கார் ஒரு கி.மீ தூரத்தில் குளமங்கலம் தெற்கு பகுதியில் பஞ்சராகி நின்றுவிட்டது. தகவலறிந்து சென்ற கீரமங்கலம் போலீசார் பஞ்சராகி நின்ற காருக்கு மாற்று டயர் மாற்றி காரை கைப்பற்றி கீரமங்கலம் காவல் நிலையம் கொண்டு வந்தனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.

Next Story

காரில் ஆபாச செயல்;  காதலர்கள் மீது பாய்ந்த புதிய குற்றவியல் சட்டம்!

Published on 17/07/2024 | Edited on 17/07/2024
new criminal law on lovers on Indecent act in a car in maharashtra

மகாராஷ்டிரா மாநிலத்தைச் சேர்ந்தவர் சூரஜ் ராஜ்குமார் சோனி(28). பட்டயக் கணக்காளரான இவர், பொறியியல் படிக்கும் மாணவி ஒருவரை காதலித்து வந்துள்ளார். இந்த நிலையில், காதலர்கள் இருவரும்  காரில் சென்று கொண்டிருந்தனர்.

தரம்பேத் பகுதியில், அவர்கள் காரை ஓட்டிச் சென்றபோது, சூரஜ் ராஜ்குமாரின் காதலி ஓட்டுநர் சீட்டில் ஏறி ஆபாசமான செயல்களைச் செய்ததாகக் கூறப்படுகிறது. இதனைக் கண்ட அவ்வழியே சென்ற ஒருவர், அந்தச் சம்பவத்தை தனது செல்போனில் வீடியோவாக எடுத்துள்ளார். இது தொடர்பான வீடியோ சமூக வலைத்தளங்களில் வெளியாகி வைரலானது.

இதனையடுத்து, இந்த விஷயத்தை போலீசார் தங்களுடைய கவனத்திற்கு கொண்டு வந்து, காரின் எண்ணைக் கொண்டு உரிமையாளரைக் கண்டுபிடித்தனர். மேலும், இந்தச் சம்பவம் குறித்து சூரஜ் ராஜ்குமார் சோனி மற்றும் அவரது காதலி மீது பாரதிய நியாய சன்ஹிதா பிரிவு, பொது இடத்தில் தொந்தரவு செய்தல் உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது. மேலும், இந்த வழக்கு தொடர்பாக போலீசார் விசாரணை நடத்தி வருகின்றனர். 

The website encountered an unexpected error. Please try again later.