Skip to main content

நன்கொடை கேட்ட பா.ஜ.க மாநில நிர்வாகிகள் கைது; கார்கள் பறிமுதல்

Published on 18/03/2023 | Edited on 18/03/2023

 

nn

 

கட்சிக்கான நிதி என்று கேட்டு கொலை மிரட்டல் விடுத்த பாஜகவின் மாநில நிர்வாகிகள் 2 பேர் கைது செய்யப்பட்டது சூட்டைக் கிளப்பியுள்ளது.

 

தூத்துக்குடி மாவட்டத்தின் சாத்தான்குளம் அருகேயுள்ள செட்டிகுளம் - வேலன் புதுக்குளம் சாலையில் தனியார் கல்குவாரி ஒன்று செயல்பட்டு வருகிறது. கிரஷ்ஷர் கற்கள் எம்.சாண்ட் தயாரிப்பதாகச் சொல்லப்படுகிறது. நகரின் முக்கிய புள்ளிகள் சிலருக்குச் சொந்தமான அந்த கல்குவாரியில் அளவுக்கதிகமான லோடுகள் அனுப்பப்படுவது ஊரறிந்த ரகசியம் என்கிறார்கள். இதன் மேலாளராக நவீன்குமார் என்பவர் பணியாற்றி வருகிறார்.

 

இந்த நிலையில் நேற்று முன்தினம், சாத்தான்குளம் ஆனந்தவிளையைச் சேர்ந்த சித்த மருத்துவரும் பாஜக மாநில இளைஞரணிச் செயலாளருமான பூபதி பாண்டியன் மற்றும் பா.ஜ.க.வின் மாநில இளைஞரணிச் செயற்குழு உறுப்பினருமான திருச்செந்தூரை சேர்ந்த ஜெய ஆனந்த் என்ற சரண் இருவரும் கல்குவாரிக்கு கார்களில் வந்தவர்கள் அங்கு பணியிலிருந்த மேலாளர் நவீன்குமாரிடம் முதலாளி எங்கே என்று கேட்டிருக்கிறார்கள். அவர் இல்லை என்று தெரிந்ததும் மேலாளர் நவீன்குமாரிடம் கட்சிக்கான நன்கொடை மற்ற இடங்களில் தருகிறார்கள். நீங்களும் தர வேண்டும் என்று கேட்டுள்ளனராம். அதற்கு அவர் மறுக்கவே, ஆவேசமான இரு நிர்வாகிகளும் நவீன்குமாரை அவதூறாகப் பேசியதுடன் கொலை மிரட்டலும் விடுத்துள்ளனராம்.

 

இதுகுறித்து கல்குவாரி மேலாளர் நவீன் குமார், சாத்தான்குளம் காவல் நிலையத்தில் புகார் செய்திருக்கிறார். புகாரின்படி காவல் நிலைய ஏட்டு ஜெயஸ்ரீ வழக்குப்பதிவு செய்ய, இன்ஸ்பெக்டர் முத்து மற்றும் எஸ்.ஐ. சுரேஷ்குமார் ஆகியோர் விசாரணை நடத்தி பா.ஜ.க.வின் மாநில இளைஞரணிச் செயலாளரான பூபதி பாண்டியன் மற்றும் பா.ஜ.க. மாநில இளைஞரணிச் செயற்குழு உறுப்பினர் ஜெய ஆனந்த் இருவரையும் கைது செய்ததுடன் அவர்கள் பயன்படுத்திய 2 கார்களையும் பறிமுதல் செய்த போலீசார் பின்னர் இருவரையும் நிபந்தனை ஜாமீனில் விடுவித்தனர்.

 

இந்நிலையில் எதிர் புகாராக, சாத்தான்குளம் காவல் நிலையத்தில் ஜெய ஆனந்தும் புகார் கொடுத்திருக்கிறார். அதில் அவர், ‘நாங்கள் இருவரும் காரில் சென்றபோது குவாரி லாரியிலிருந்து கல் விழுந்ததில் தங்கள் கார் சேதமானதாகவும் எனவே லாரியைப் பின்தொடர்ந்து சென்று கல்குவாரி உரிமையாளரிடம் கார் சேதமானது தொடர்பாக பணம் கேட்டதாகவும் அவர்கள் மீது நடவடிக்கை எடுக்க வேண்டும்’ எனவும் குறிப்பிட்டுள்ளனர்.

 

 

சார்ந்த செய்திகள்

 

Next Story

'அனைத்து பால் கேன்களுக்கும் ஜிஎஸ்டி' - நிர்மலா சீதாராமன் அறிவிப்பு 

Published on 22/06/2024 | Edited on 22/06/2024
'GST for all milk cans' - Nirmala Sitharaman announcement

டெல்லியில்  53 வது ஜிஎஸ்டி கவுன்சில்  கூட்டம் நடைபெற்ற நிலையில் கூட்டத்திற்கு பிறகு பல்வேறு அறிவிப்புகளை மத்திய நிதித்துறை அமைச்சர் நிர்மலா சீதாராமன் வெளியிட்டுள்ளார்.

அவர் வெளியிட்ட அறிவிப்பின்படி, அனைத்து வகையான பால் கேன்களுக்கும் ஒரே சீரான 12 சதவீத ஜிஎஸ்டி விதிக்கப்படுவதாக அறிவிக்கப்பட்டுள்ளது. எக்கு, அலுமினியம், இரும்பு உள்ளிட்ட அனைத்து வகையான பால் கேன்களுக்கும் ஒரே வகையான ஜிஎஸ்டி விதிக்கப்படும் எனவும் தெரிவிக்கப்பட்டுள்ளது. பால் கேன்கள் மட்டுமல்லாது அட்டைப்பெட்டிகள், சோலார் குக்கர்களுக்கு ஜிஎஸ்டி விதிக்கப்பட்டுள்ளது. ரயில்வே சேவைகளை பொறுத்தவரை நடைமேடை சீட்டு உள்ளிட்ட அனைத்து விதமான ரயில்வே சேவைகளுக்கும் வரி விலக்கு அறிவிக்கப்பட்டுள்ளது.

ரயில் நிலையங்களில் பயணிகள் ஓய்வெடுக்கும் அறை, நடைமேடை சீட்டு, பொருட்களை வைத்திருக்கும் ஸ்டோர் ரூம் உள்ளிட்ட சேவைகளுக்கு ஜிஎஸ்டியில் இருந்து விலக்கு கொடுக்கப்பட்டுள்ளது. அதேபோல் மாணவர்கள் தங்கும் விடுதி கல்வி நிறுவனங்களுக்கு வெளியே இருந்தாலும், மாத வாடகை 20 ஆயிரம் ரூபாய்க்குள்ளாக இருந்தாலும், மாணவர்கள் 90 நாட்கள் தொடர்ச்சியாக அங்குத் தங்கினால் அவர்களுக்கு ஜிஎஸ்டி வரி விதிக்கப்படாது என்று தெரிவிக்கப்பட்டுள்ளது.  

இந்தக் கூட்டத்தில் மத்திய பட்ஜெட் தொடர்பாகவும் மாநில நிதி அமைச்சர்களுடனும் நிர்மலா சீதாராமன் ஆலோசனை நடத்தினார். பல்வேறு மாநிலங்களைச் சேர்ந்த நிதி அமைச்சர்கள் அவரிடம் பல்வேறு கோரிக்கைகளையும், பரிந்துரைகளையும் அளித்துள்ளனர். தமிழக அரசின் சார்பாக தமிழக நிதி அமைச்சர் தங்கம் தென்னரசு பங்கேற்று தமிழகத்தின் கோரிக்கைகளை நிர்மலா சீதாராமனிடம் வழங்கினார்.

Next Story

300க்கும் மேற்பட்ட போலீசார் குவிப்பு; 100 பாஜகவினர் குண்டுக்கட்டாக கைது

Published on 22/06/2024 | Edited on 22/06/2024
BJP workers arrested for struggle in Kallakurichi

கள்ளக்குறிச்சி மாவட்டம் கள்ளக்குறிச்சி கருணாபுரம், சேஷசமுத்திரம், மாதவச்சேரி உள்ளிட்ட பல்வேறு கிராமங்களில் மெத்தனால் கலந்த சாராயம் குடித்து 54 பேர் உயிரிழந்த விவகாரத்தில், தமிழக அரசின் மெத்தன போக்கே காரணம் எனவும் தமிழக அரசின் செயல்பாடு மெத்தனப் போக்கே காரணம் என பலரும் விமர்சனம் செய்து வருகின்றனர்.

இந்த நிலையில், கஞ்சா சாராயம் போன்ற போதைப் பொருட்களின் ஊடுருவல் அதிகமாக இருப்பதாகவும் கூறி கள்ளக்குறிச்சி மாவட்டத்தில் சாராயத்தால் பலியானவர்களுக்கு தமிழக அரசு பொறுப்பேற்க வேண்டும் என தமிழக அரசை கண்டித்து பாஜக சார்பில் தமிழகம் முழுவதும் ஆர்ப்பாட்டம் இன்று நடைபெற்றது.

கள்ளக்குறிச்சி மாவட்டம் கள்ளக்குறிச்சி மாவட்ட ஆட்சியர் அலுவலகம் முன்பு பாரதிய ஜனதா கட்சியின் சார்பில் ஆர்ப்பாட்டத்தில் பாஜகவினர் ஈடுபட முயன்றனர். அப்போது ஆர்ப்பாட்டத்திற்கு காரில் வந்தவர்களை மறித்து போலீசார் பாஜக நிர்வாகிகளை ஆர்ப்பாட்டம் செய்யவிடாமல் குண்டு கட்டாக கைது செய்து மண்டபத்தில் அடைக்கும் பணியில் ஈடுபட்டனர். 

தொடர்ந்து 100-க்கும் மேற்பட்ட பாஜகவினரை போலீசார் குண்டு கட்டாக கைது செய்து வேனியல் ஏற்றி அனுப்பினர். பாதுகாப்பு பணிக்காக மாவட்ட ஆட்சியர் அலுவலகம் முன்பு ஒரு ஏடிஎஸ்பி மற்றும் இரண்டு டிஎஸ்பிக்கள் தலைமையில் 300-க்கும் மேற்பட்ட போலீசார் குவிக்கப்பட்டனர்.

The website encountered an unexpected error. Please try again later.