Skip to main content

'பாசமலர் பாத்துட்டு கேவி கேவி அழுதேன்; அதன்பிறகு நான் எடுத்த முடிவு''-பாக்யராஜ் ருசீகரம்

Published on 18/12/2022 | Edited on 18/12/2022

 

Bhagyaraj  delicious speech

 

வளரி ஸ்டூடியோ சார்பில் முனைவர் கா.வே.ச.மருது மோகனின் 'சிவாஜி கணேசன்' நூல் அறிமுக விழா இன்று நடைபெற்றது. இந்த விழாவில் பல்வேறு திரை பிரபலங்கள் கலந்து கொண்டு நடிகர் சிவாஜி கணேசன் உடனான நினைவுகளைப் பகிர்ந்து கொண்டனர்.

 

நிகழ்வில் கலந்து கொண்ட இயக்குனரும், நடிகருமான பாக்கியராஜ் பேசுகையில், ''ஒரு நாலு வயசு பையன் சிவாஜி கணேசனின் கட்டபொம்மன் படம் பார்த்துட்டு அந்த செகண்டிலிருந்து அந்த வசனங்களை பேசி பிராக்டிஸ் பண்ணினான். அவர்தான் என்னுடைய உயிர் என்று இருந்தான். அது யாருமல்ல நான்தான் என மருது மோகன் இந்த நூலின் முன்னுரையில் குறிப்பிட்டிருந்தார். அது உண்மைதான் அவர் எப்படி நாலு வயதில் சிவாஜி சார் படத்தை பார்த்துவிட்டு அவர் மாதிரி நடித்து பார்த்துக்கொண்டாரோ அதேபோல் எனக்கு ஏழு எட்டு வயசு இருக்கும்போது 'பாசமலர்' படம் அதுவும் டூரிங் டாக்கீஸ்ல முன்னாள் உட்கார்ந்து பார்த்திருக்கிறேன். படத்தை பார்த்துவிட்டு கேவி கேவி அழுதேன். அதன்பிறகு எப்பொழுது சிவாஜி சார் படம் என்றாலும் அவர் அழுக ஆரம்பிப்பதற்குள் எனக்கு அழுகை வந்துவிடும். இதனாலேயே சில படங்களின் போஸ்டரை பார்த்தாலே பார்க்க வேண்டாம் என்று நினைத்துக் கொள்வேன். குறிப்பாக 'வியட்நாம் வீடு' போஸ்டரை பார்த்த உடனே இதிலேயே அழுக வருது உள்ள போய் உட்கார்ந்தா எவ்வளவு அழுகை வரும் என்று நினைத்துக் கொள்வேன். நான் பெரியவனாக பெரியவனாக தியேட்டர்ல நாம உட்கார்ந்து அழுது கொண்டிருந்தால் பக்கத்தில் இருக்கிறவங்க எல்லாம் சிரிக்க ஆரம்பிச்சுட்டாங்க. அதனால சில படங்கள் போஸ்டரை பார்த்தாலே பயமாக இருக்கும் அந்த அளவிற்கு அவரது படங்கள் பெரிய தாக்கத்தை ஏற்படுத்தியது.

 

எம்ஜிஆர், சிவாஜிய எல்லாம் பார்க்க முடியுமா என்று கோயம்புத்தூரில் சுத்திக்கிட்டு இருந்துட்டு அதன்பிறகு சென்னைக்கு வந்து சினிமாவில் படங்கள் எல்லாம் செய்ய ஆரம்பித்த பிறகு முதன்முதலில் சிவாஜி சார் என் படத்தில் நடிச்சா நல்லா இருக்கும் என 'தாவணிக்கனவுகள்' படத்தில் நடிக்க வைக்க ஆசைப்பட்டேன். ஆனால் கேட்பதற்கு பயமாக இருந்தது. அவர்கிட்ட போய் எப்படி, ''நான் டைரக்சன் பன்றேன், நீங்க நடிங்க'' என்று எப்படி கேட்கிறது என்று ரொம்ப யோசனையாக இருந்தது. அவர் ஒண்ணும் நினைக்க மாட்டார் நீங்க தைரியமா போய் பேசுங்க என்று சொன்னாங்க. அதன்பிறகு தயங்கி தயங்கி போய் ஒரு பத்து நாள் கால் சீட் வேணும் கதை சொல்றேன் என்று கேட்டேன். போன உடனே அவர் நடிக்க ஒப்புக் கொண்டார். எனக்கு ரொம்ப சந்தோஷமாக இருந்தது. ஏனென்றால் பார்க்க முடியுமா என்று நினைத்தவரை வைத்து நாம் டைரக்ட் பண்ண போகிறோம் என நினைக்கும்போது ரொம்ப சந்தோஷமாக இருந்தது'' என்றார்.

 

 

 

 

 

சார்ந்த செய்திகள்

 

Next Story

ஃபேன்டசி டிராமா கதையம்சத்தில் உருவாகும் ‘ராக்கெட் டிரைவர்’

Published on 18/06/2024 | Edited on 18/06/2024
Rocket Driver movie  is based on a fantasy drama story

ஸ்டோரீஸ் பை தி ஷோர் நிறுவனம் சார்பில் தயாரிப்பாளர் அனிருத் வல்லப் தயாரிக்கும் புதிய படம் "ராக்கெட் டிரைவர்". இந்த படத்தை அறிமுக இயக்குநர் ஸ்ரீராம் அனந்த சங்கர் இயக்குகிறார். ஃபேண்டசி, டிராமா-காமெடி என்டர்டெயினர் கதையம்சம் கொண்ட படமாக "ராக்கெட் டிரைவர்" உருவாகிறது. இந்த படத்தில் விஷ்வந்த் முதன்மை பாத்திரத்தில் நடிக்கிறார். 

தான் செய்த தவறுகளால், தனது வாழ்க்கை ஏமாற்றம் நிறைந்த ஒன்று என புலம்பி வரும் ஆட்டோ ஓட்டுநர், உலகையே மாற்ற வேண்டும் என்ற கனவு கொண்டிருக்கிறார். எனினும், இது தொடர்பாக அவரால் எதுவும் செய்ய முடியவில்லை. இந்த நிலையில், தனது ரோல் மாடலை அவரது 17-வயதில் காண்கிறார். அப்போது அரங்கேறும் விசித்திர சம்பவம் விபரீதத்தில் முடிகிறது. இதைத் தொடர்ந்து நடைபெறும் சம்பவங்களே இப்படத்தின் கதை. அறிமுக நாயகன் விஷ்வந்த் முன்னணி வேடத்தில் நடிக்கும் இந்த படத்தில் தேசிய விருது வென்ற நாக விஷால், காத்தாடி ராமமூர்த்தி, சுனைனா, ஜெகன் மற்றும் பலர் முக்கிய வேடங்களில் நடிக்கின்றனர். 

இந்த படத்திற்கு கௌஷிக் கிரிஷ் இசையமைக்கிறார். ஒளிப்பதிவு பணிகளை ரெஜிமல் சூர்யா தாமஸ் மேற்கொள்கிறார். படத்தொகுப்பு பணிகளை இனியவன் பாண்டியன் கவனிக்க, கலை இயக்கத்தை பிரேம் கருந்தாமலை, ஷில்பா ஐயர் ஆடை வடிவமைப்பு, சுரேஷ் ரவி டி.ஐ. பணிகளையும் மேற்கொள்கின்றனர்.

தயாரிப்பு நிர்வாகியாக செல்வேந்திரன் பணியாற்றும் இந்த படத்தின் ஒலி வடிவமைப்பு பணிகளை சங்கரன் மற்றும் சித்தார்த்தா மேற்கொள்கின்றனர். ஒலி கலைவையை அரவிந்த் மேனனும், விளம்பர வடிவமைப்பு பணிகளை ஸ்ரீ ஹரி சரண் மேற்கொள்கிறார்கள். அக்ஷய் பொல்லா, பிரசாந்த் எஸ் மற்றும் ஸ்ரீராம் அனந்த சங்கர் இணைந்து எழுதியிருக்கும் இந்த படத்திற்கான பணிகள் விறுவிறுப்பாக நடைபெற்று வருகிறது. இந்த படத்தை ஆகஸ்ட் 2024-இல் வெளியிட படக்குழு திட்டமிட்டு வருகிறது.

Next Story

கோலிவுட்டை மிரட்டும் மெட்ரோ ஷ்ரீஷின் நான்வயலன்ஸ் ! 

Published on 12/06/2024 | Edited on 12/06/2024
 first look of Nonviolence has been released

தமிழின் த்ரில் சினிமாவான மெட்ரோ படத்தின் மூலம் தென்னிந்திய சினிமாவில் ஈர்க்கப்பட்டவர் இளம் நடிகர் ஷிரிஷ். இந்த படத்தின் மூலம் கோலிவுட்டில் அறிமுகமானார் ஷிரிஷ். அந்த படத்தில் அவரது நடிப்பு கோலிவுட் மட்டுமல்லாமல், தென்னிந்திய திரை உலகில் அதிகம் பேசப்பட்டது. படமும் சூப்பர் வெற்றியை பெற்ற நிலையில், முதல் படத்திலேயே ஹீரோ ஷிரிஷுக்கு ஃப்லிம்ஃபேர் விருது உட்பட பல விருதுகள் கிடைத்தன. இதனையடுத்து மெட்ரோ ஷிரிஷ்  என்றே அழைக்கப் பட்டார்.

இதனைத் தொடர்ந்து, தற்போது மெட்ரோ ஷிரீஷ் நடித்து வரும் புதிய  படம் நான்வயலன்ஸ் (அகிம்சை). ஷிரீஷுடன் பாபி சிம்ஹா, யோகிபாபு இணைந்து நடிக்கும் நான்வயலன்ஸ் படத்தை மெட்ரோ இயக்குநர் ஆனந்த கிருஷ்ணன் இயக்குகிறார். யுவன் சங்கர் ராஜா இசையமைக்கிறார். ஷிரிஸ், ஆனந்த கிருஷ்ணன், யுவன் சங்கர் கூட்டணி மீண்டும் கைக் கோர்த்துள்ள நான்வயலன்ஸ் படத்தின் இறுதிக் கட்டப் படப்பிடிப்பு விறுவிறுப்பாக நடந்து கொண்டிருக்கும் நிலையில், அப்படத்தின் ஃபர்ஸ்ட் லுக் வெளியிடப்பட்டிருக்கிறது. 

படத்தின்  ஃபர்ஸ்ட் லுக் இருக்கிறது என்று கோலிவுட்டில் பரபரப்பாகியிருக்கிறது. மேலும், கோலிவுட்டுக்கு மிரட்டலான ஒரு இளம் ஹீரோ கிடைத்துள்ளார் என்கின்றனர் சீனியர் இயக்குநர்க