Skip to main content

புதுச்சேரியில் பராமரிப்பின்றி பாழடைந்து வரும் பாரதியார் இல்லம்! புதுப்பிக்க தமிழார்வலர்கள் கோரிக்கை! 

Published on 25/06/2019 | Edited on 25/06/2019

இந்திய விடுதலை போராட்ட வீரரும், மகாகவியுமான பாரதியார் 1908 முதல் 1918 வரை புதுச்சேரியிலுள்ள ஈஸ்வரன் கோவில் தெருவில் வசித்து வந்தார்.
 

barathiyar house


இங்கிருந்து பல நூல்களையும் எழுதியுள்ளார். ஈஸ்வரன் கோவில் தெருவிலுள்ள பழமையான வீடுகளில் பாரதியார் வசித்த வீடும் ஒன்று. இப்பொழுது புதுச்சேரி கலை, பண்பாட்டுத்துறை சார்பில் அங்கு பாரதியாருக்கு அருங்காட்சியம் மற்றும் ஆய்வு மையம் அமைக்கப்பட்டுள்ளது. இங்கு தற்போது பாரதியாரின் படைப்புகள், அரிய புகைப்படங்கள், நூல்கள் போன்றவற்றை காட்சிப்படுத்தியுள்ளனர். இவற்றை புதுச்சேரிக்கு வருகை தரும் வெளிநாட்டு சுற்றுலா பயணிகளும், வெளிநாட்டு தமிழர்களும் பார்த்து அறிந்து கொள்ளும் வகையில் அருங்காட்சியகம் அமைக்கப்பட்டுள்ளது.

பாரதியார் வசித்த இந்த இல்லம் நீண்டகாலம் பழமையாகி சில இடங்களில் சேதமடைந்தது. அதேசமயம் சேதமடைந்தால் அந்த இல்லத்தின் தொன்மை மாறாமல் சரி செய்யும் நோக்கில் கடந்த 2015-ஆம் ஆண்டு 'இன்டாக்' கட்டுமான நிறுவனத்தால் இக்கட்டிடம் ஒரு கோடி ரூபாய் செலவில் புணரமைக்கப்பட்டது.

ஆனால் புணரமைக்கப்பட்ட மூன்று வருடத்திலேயே கட்டிடம் காரைகள் பெயர்ந்து சிதிலமடைந்தும், பராமரிப்பின்றியும் சேதமடைந்து வருகிறது.  இதனை புதுச்சேரி அரசு உடனடியாக சீரமைத்து, பழைய தோற்றம் மாறாமல் புதுப்பிக்க வேண்டும் என்பதே தமிழ் ஆர்வலர்கள் கோரிக்கையாக உள்ளது.

 

சார்ந்த செய்திகள்

 

Next Story

சாமி படத்திற்கு போட்ட அகல் விளக்கு; குடிசைகள் எரிந்து நாசம்

Published on 26/06/2024 | Edited on 26/06/2024
Akal lamp for Sami photo; The huts were destroyed by fire

குடிசை வீட்டில் சாமி படத்திற்கு முன் ஏற்றப்பட்ட அகல் விளக்கிலிருந்து தீ பரவி 2 குடிசை வீடுகள் எரிந்து நாசமான சம்பவம் ஈரோட்டில்  பரபரப்பை ஏற்படுத்தியுள்ளது.

ஈரோடு மாவட்டம் நம்பியூர் அருகே காந்திபுரத்தில் இன்று நள்ளிரவில் 2 குடிசை வீடுகள் திடீரென தீப்பிடித்து எரிந்தது. இதனைக் கண்டு அதிர்ச்சியடைந்த அக்கம்பக்கத்தினர் இதுகுறித்து உடனடியாக நம்பியூர் தீயணைப்புத்துறைக்கு தகவல் கொடுத்தனர். சம்பவ இடத்திற்கு விரைந்து வந்த தீயணைப்புத் துறையினர் தண்ணீரை பீய்ச்சியடித்து நீண்ட போராட்டத்திற்கு பிறகு தீயை அணைத்தனர். எனினும் இந்த தீவிபத்தில் இரண்டு குடிசைகளும் முற்றிலும் எரிந்து சேதமடைந்தன.  

இதுகுறித்து நம்பியூர் போலீசார் விசாரணை நடத்தியதில் காந்திபுரம் மேடு பகுதியில், கண்ணையன் (65) என்பவர் தனது குடிசையில் சாமி படத்தின் முன்பு அகல் விளக்கில் தீபம் போட்டுள்ளார். அது காற்றின் வேகத்தால் தீப்பிடித்து விபத்து ஏற்பட்டுள்ளது. இவர் வீடு அருகே அங்கமுத்து (77) என்பவர் குடிசை வீடு உள்ளதால் இந்த தீ விபத்தில் அவர் வீடும் முற்றிலும் எரிந்து சேதமடைந்தது. தீ விபத்து நடந்த போது கண்ணையன் மற்றும் அங்கமுத்து ஆகியோர் அவரவர் வீட்டில் இருந்தனர். தீ விபத்து நடந்ததும் அவர்கள் குடிசையை விட்டு வெளியே வந்ததால் அதிர்ஷ்டவசமாக உயிர்த்தப்பினர். எனினும் இந்த விபத்தில் இருசக்கர வாகனம், தள்ளுவண்டி, துணிகள், மரக்கட்டில்கள், மிதிவண்டி ஆகிவையும் எரிந்து சேதமானது. இதுகுறித்து நம்பியூர் போலீசார் விசாரணை நடத்தி வருகின்றனர்.

Next Story

நகர்ப்புற வாழ்விட மேம்பாட்டு வாரியம் புதிய சாதனை! 

Published on 12/05/2024 | Edited on 12/05/2024
New record on Tamil Nadu Urban Habitat Development Board 

தமிழ்நாடு நகர்ப்புற வாழ்விட மேம்பாட்டு வாரியம் கடந்த 1970 ஆம் ஆண்டு செப்டம்பர் மாதம் துவங்கப்பட்டு பல்வேறு திட்டங்களைச் செயல்படுத்தி வருகிறது. இதன் வாயிலாக வீட்டுவசதி, குடிசைப்பகுதி மேம்பாடு, மறுவாழ்வு மற்றும் மறுகுடியமர்வு போன்ற பல்வேறு திட்டங்களை குடிசைப்பகுதி வாழ் மக்களின் வாழ்க்கை தரத்தினை மேம்படுத்த செயல்படுத்தி வருகிறது. இந்த வாரியம் தொடக்கத்தில் சென்னையில் மட்டுமே தனது பணிகளைச் செயல்படுத்திக் கொண்டிருந்தது. இதனையடுத்து கடந்த 1984ஆம் ஆண்டு முதல் தனது பணிகளை தமிழ்நாடு முழுவதும் படிப்படியாக நகர்ப்புற பகுதிகளிலும் விரிவாக்கம் செய்தது.

தமிழ்நாடு நகர்ப்புற வாழ்விட மேம்பாட்டு வாரியம் “ஏழையின் சிரிப்பில் இறைவனை காண்போம்” என்ற உயரிய நோக்கத்தினை கொண்டதாகும். குடிசைப்பகுதி வாழ் மக்களின் வாழ்க்கைத் தரம் மற்றும் ஆரோக்கியமான சுற்றுச்சூழலை நிலைநாட்டவும், குடிசைவாழ் மக்கள் வாழும் இடத்திலேயே அடுக்குமாடி குடியிருப்புகள், அடிப்படை வசதிகளுடன் கூடிய மேம்படுத்தப்பட்ட மனைகள், மறுவாழ்வு மற்றும் மறுகுடியமர்வு திட்டங்கள் போன்ற பல்வேறு திட்டங்களைச் செயல்படுத்தி வருகிறது.

New record on Tamil Nadu Urban Habitat Development Board 

இந்நிலையில் தமிழ்நாடு நகர்ப்புற வாழ்விட மேம்பாட்டு வாரியம் புதிய சாதனை படைத்துள்ளதாகத் தமிழக அரசு சார்பில் தெரிவிக்கப்பட்டுள்ளது. அதன்படி திமுகவின் 3 ஆண்டுகால ஆட்சியில் ரூ. 3 ஆயிரத்து 198 கோடி ரூபாய் மதிப்பீட்டில் 28 ஆயிரத்து 824 அடுக்குமாடி குடியிருப்புகள் திறக்கப்பட்டுள்ளன. மக்கள் தாமாக வீடு கட்டும் திட்டத்தின் கீழ் ரூ. 2 ஆயிரத்து 78 கோடியே 37 லட்சம் மதிப்பீட்டில் 69 ஆயிரத்து 701 புதிய தனி வீடுகள் கட்ட ஒப்புதல் வழங்கப்பட்டுள்ளது எனத் தெரிவிக்கப்பட்டுள்ளது. 

The website encountered an unexpected error. Please try again later.