Skip to main content

இன்று மாலைக்குள் பிணைத்தொகையை செலுத்த வேண்டும் - எழும்பூர் நீதிமன்றம்

Published on 18/01/2019 | Edited on 18/01/2019

 

ss

 


சயான் மற்றும் மனோஜ் ஆகிய இருவரும் இன்று மாலை 5.45 மணிக்குள் அவர்களின் பிணைத்தொகையை செலுத்த வேண்டும் என்று எழும்பூர் குற்றவியல் நடுவர் நீதிமன்றம் உத்தரவிட்டுள்ளது. இன்று காலை எழும்பூர் குற்றவியல் நடுவர் நீதிமன்றத்தில் ஆஜரான இருவரும் அவர்களின் பிணைத்தொகையை செலுத்த இரண்டு நாட்கள் அவகாசம் கேட்டு கோரிக்கை வைத்தனர். ஆனால் அதனை நிராகரித்த எழும்பூர் குற்றவியல் நடுவர் நீதிமன்றம், இன்று மாலை 5.45 மணிக்குள் தொகையை கட்டவேண்டும் என்று உத்தரவிட்டது. மேலும் பிணைத்தொகை செலுத்துபவரும் ஆஜராக வேண்டும் என்று எழும்பூர் குற்றவியல் நடுவர் நீதிமன்றம் உத்தரவிட்டுள்ளது. 

 

 

 

 

சார்ந்த செய்திகள்

 

Next Story

கோடநாடு விவகாரம்; சட்டப்பேரவையில் முதல்வர் ஸ்டாலின் பதில்!

Published on 29/06/2024 | Edited on 29/06/2024
mk stalin said So far 268 witnesses have been examined in Kodanad case

சென்னை தலைமைச் செயலகத்திலுள்ள சட்டமன்றப் பேரவை மண்டபத்தில் தமிழக சட்டசபை பேரவைக் கூட்டம் கடந்த 20 ஆம் தேதி (20.06.2024) முதல் தொடங்கி நடைபெற்று வருகிறது. இதில் பல்வேறு தீர்மானங்கள், சட்ட மசோதாக்கள் நிறைவேற்றப்பட்டுள்ள நிலையில், சட்டப்பேரவை கூட்டத் தொடரின் கடைசி நாளான இன்று பல்வேறு முக்கிய அறிவிப்புகள் வெளியாக வருகிறது. அதன்படி மதுவிலக்கு திருத்தச் சட்ட மசோதா  சட்டப்பேரவையில் தாக்கல் செய்யப்பட்டுள்ளது.

பின்னர் சட்டப்பேரவையில் பேசிய முதல்வர் ஸ்டாலின், “மக்களவை தேர்தலில் செய்கூலி, சேதாரம் இன்றி 40க்கு 40 வெற்றியை மக்கள் அளித்துள்ளனர். நாடாளுமன்றத் தேர்தல் வெற்றியை ஆய்வு செய்தால் 221 தொகுதிகளிலும் திமுக வென்றுள்ளது. 2026இல் வெற்றிபெற்றுடுவோம் என்ற மமதையில் கூறவில்லை, மனசாட்சிப்படியே கூறுகிறேன். 2026 சட்டப்பேரவை தேர்தலிலும் மகத்தான வெற்றியைப் பெறுவோம். 

கள்ளக்குறிச்சி விவகாரத்தில் 24 மணி நேரத்தில் தேவையான அனைத்து நடவடிக்கைகளும் எடுக்கப்பட்டுள்ளது. ஆட்சியர் பணியிட மாற்றம், காவல் கண்காணிப்பாளர் பணியிடை நீக்கம் உள்ளிட்ட நடவடிக்கைகள் எடுக்கப்பட்டுள்ளது. ஆனால் எதிர்க்கட்சியினர் அரசின் நடவடிக்கைகள் போதவில்லை எனக்கூறுவது தோல்வியை மறைக்கும் முயற்சி. ஆட்சியர்கள் மற்றும் காவல் கண்காணிப்பாளர் கூட்டத்தில் பேசியபோது இனி கள்ளச்சாராயம் விற்கப்பட்டாலும் அல்லது அதனால் எந்தவித பாதிப்பு ஏற்பட்டாலும் அந்த மாவட்டத்தின் ஆட்சியர் மற்றும் காவல் கண்காணிப்பாளர்தான் பொறுப்பு. அதனால் கடும் நடவடிக்கையை எடுங்கள் என்று கூறியிருக்கிறேன். 

கள்ளச்சாராயம் போன்றே போதைப் பொருள் விற்பனையை முற்றிலும் தடுக்க கடும் நடவடிக்கை எடுக்கப்பட்டு வருகிறது. போதைப்பொருள் கடத்தல், விற்பனையில் ஈடுபட்டவர்களுடைய வங்கிக் கணக்குகளை முடக்கி, சொத்துகளைப் பறிமுதல் செய்து கடும் நடவடிக்கை எடுக்கப்படு வருகிறது. அரசு எதையும் மறைக்க வில்லை; முழுமையாக விசாரித்து வருகிறது.

கோடநாடு வழக்கில் இதுவரை 268 சாட்சிகளிடம் விசாரணை நடத்தப்பட்டுள்ளது. வெளிநாட்டில் இருப்பவர்களிடம் இன்டர்போல் உதவியுடன் விசாரித்து வருகிறோம். தமிழ்நாடு சட்ட ஒழுங்கை காப்பதில் வெற்றிகரமாக உள்ளது. கடந்த 3 ஆண்டுகளில் காவல்துறைக்கான 190 அறிவிப்புகளில் 179 அறிவிப்புகள் அமல்படுத்தப்பட்டுள்ளது. காவல்துறையில் பணியாற்றுபவர்களின் மன அழுத்தத்தைப் போக்க, பணிகளை விரைந்து முடிக்க நடவடிக்கை எடுக்கப்படுகிறது. 

தமிழ்நாடு இன்று இந்தியாவின் தலைசிறந்த மாநிலமாக உயர்ந்துவருகிறது. தொழில் வளர்ச்சி, கல்வி வளர்ச்சி, உட்கட்டமைப்பு, மனித வளர்ச்சி குறியீடு என எல்லா வகையிலும் வளர்ச்சியடைந்துள்ளது.” என்றார். 

Next Story

கோடநாடு எஸ்டேட் விவகாரம்; உயர்நீதிமன்றம் அதிரடி உத்தரவு!

Published on 07/06/2024 | Edited on 07/06/2024
 Permission to inspect Kodanadu Estate High Court action order

மறைந்த தமிழக முதல்வர் ஜெயலலிதாவின் தோழி சசிகலாவிற்கு சொந்தமாக கோடநாட்டில் எஸ்டேட் ஒன்று உள்ளது. இதில் அனுமதியின்றி கட்டடம் கட்டப்பட்டுள்ளதால் அதற்கு வரி செலுத்த வேண்டும், விதிகளை மீறி கட்டப்பட்ட கட்டடத்தை இடிக்க வேண்டும் எனக் கூறி கோத்தகிரி ஊராட்சி மன்றத் தலைவர் பொன்தோஸ் கடந்த 2007  ஆம் ஆண்டு நோட்டீஸ் ஒன்றை அனுப்பி இருந்தார். இதனை எதிர்த்து கோடநாடு எஸ்டேட் மேலாளர் ரவிச்சந்திரன் என்பவர் சென்னை உயர்நீதிமன்றத்தில் மனு ஒன்றைத் தாக்கல் செய்திருந்தார்.

இந்த மனு மீது உயர் நீதிமன்றம் கடந்த 2018 ஆம் ஆண்டு பிறப்பித்த உத்தரவில், கோடநாடு எஸ்டேட்டில் விதியை மீறி எந்தக் கட்டடமும் கட்டப்படவிலை என்றும்,   கோத்தகிரி ஊராட்சி மன்றத் தலைவர் பிறப்பித்த நோட்டீஸையும் ரத்து செய்திருந்தது. அதனைத் தொடர்ந்து இந்த உத்தரவை எதிர்த்து கோத்தகிரி ஊராட்சி மன்றத் தலைவர் சார்பில் மேல் முறையீடு செய்யப்பட்டது. 

 Permission to inspect Kodanadu Estate High Court action order

இந்நிலையில் இந்த மேல்முறையீட்டு மனு நீதிபதிகள் எஸ்.எம்.சுப்ரமணியம், குமரகுருபன் முன்னிலையில் இன்று (07.06.2024) விசாரணைக்கு வந்தது. அப்போது அரசு சார்பில் தலைமை வழக்கறிஞர் பி.எஸ்.ராமன் ஆஜரானார். அவர் வாதிடுகையில், “சொத்து வரி விதிப்பதற்கு மட்டுமே கோடநாடு எஸ்டேட் உள்ளே நுழைய அனுமதி கேட்கப்படுகிறது. 2008 ஆம் ஆண்டு முதல் கோடநாடு எஸ்டேட் உள்ளே யாரும் நுழைய முடியாத நிலை உள்ளது. கூடுதல் கட்டுமான பணிகள் மேற்கொண்டிருந்தால் எப்படி கண்டு பிடிப்பது.  கொடநாடு எஸ்டேட் உள்ளே சென்று ஆய்வு செய்தால்தானே அதன் விவரங்களைத் தெரிந்துகொள்ள முடியும்” எனத் தெரிவித்தார்.

இதற்கு சசிகலா தரப்பு மூத்த வழக்கறிஞர் ராஜகோபாலன் கடும் எதிர்ப்பு தெரிவித்தார். அவர் வாதிடுகையில், “2023 ஆம் ஆண்டு வரை சொத்து வரி செலுத்தப்பட்டுள்ளது. விதிகளை மீறி எந்தக் கட்டுமானங்களையும் மேற்கொள்ளவில்லை எனத் தனி நீதிபதிகள் உத்தரவில் தெரிவிக்கப்பட்டுள்ளது” எனக் குறிப்பிட்டார். அப்போது குறுக்கிட்ட நீதிபதிகள், “ஆய்வு செய்தால்தானே விதிமுறைகள் மீறப்பட்டுள்ளதா எனத் தெரியவரும். ஆய்வு செய்ய ஏன் எதிர்ப்பு தெரிவிக்கிறீர்கள்” எனக் கேள்வி எழுப்பினர். இதற்கு சசிகலா தரப்பு  வழக்கறிஞர், “அரசின் பழிவாங்கும் நடவடிக்கையின் காரணமாக 2021 ஆம் ஆண்டுக்கு  ஆட்சி மாற்றத்திற்கு பின் ஆய்வு செய்ய முயற்சி மேற்கொள்ளப்பட்டது” எனத் தெரிவித்தார். 

 Permission to inspect Kodanadu Estate High Court action order

இதனைப் பதிவு செய்துக்கொண்ட நீதிபதிகள், “கோடநாடு எஸ்டேட் ஆய்வு செய்ய அதிகாரிகளுக்கு முழு உரிமை உள்ளது. உரிய விதிமுறைகளைப் பின்பற்றி ஆய்வு செய்யலாம். ஆய்வின் போது நடுநிலையுடன் செயல்பட வேண்டும். யாரையும் தொந்தரவு செய்யக்கூடாது” என உத்தரவிட்டுள்ளனர்.