Skip to main content

நடிகர் ரஜினிகாந்துக்கு வழங்கப்பட்ட விருது! 

 

Award given to actor Rajinikanth!

தமிழ்நாடு மற்றும் புதுச்சேரி மண்டலத்தில் அதிகமாக வருமான வரி செலுத்தியதற்காக நடிகர் ரஜினிகாந்துக்கு விருது வழங்கப்பட்டுள்ளது. 

 

வருமான வரித்தினத்தை முன்னிட்டு, தமிழ்நாடு மற்றும் புதுச்சேரி மண்டலத்தில் அதிகளவில் வருமான வரி செலுத்தியவர்கள் மற்றும் வருமான வரித்துறையில் சிறப்பாகப் பணியாற்றியவர்களை கௌரவிக்கும் நிகழ்ச்சி, சென்னை ஆழ்வார்பேட்டையில் இன்று (24/07/2022) காலை நடைபெற்றது. சென்னை உயர்நீதிமன்றத்தின் தலைமை நீதிபதி முனீஸ்வர்நாத் பண்டாரி மற்றும் புதுச்சேரி மற்றும் தெலங்கானா ஆளுநர் டாக்டர் தமிழிசை சௌந்தரராஜன், வருமான வரித்துறை அதிகாரிகள் கலந்துக் கொண்ட இந்த நிகழ்ச்சியில், தமிழ்நாடு மற்றும் புதுச்சேரி மண்டலத்தில் அதிகளவில் வருமான வரிச் செலுத்திய நான்கு பேருக்கு விருதுகள் வழங்கப்பட்டன. 

Award given to actor Rajinikanth!

இந்த நிகழ்ச்சியில், அதிகமான அளவில் வருமான வரிச் செலுத்தியதற்காக, நடிகர் ரஜினிகாந்துக்கு விருது வழங்கப்பட்டது. நடிகர் ரஜினிகாந்த் சார்பில் அவரது மகள் ஐஸ்வர்யா, ஆளுநர் டாக்டர் தமிழிசை சௌந்தரராஜனிடம் இருந்து விருதைப் பெற்றுக் கொண்டார்.