Skip to main content

''காரில் செல்லும் போது கலைஞர் வேடிக்கையாகச் சொன்னார்...''- மேடையில் நினைவைப் பகிர்ந்த முதல்வர்

Published on 20/11/2022 | Edited on 20/11/2022

 

கீதா பவன் அறக்கட்டளையின் சார்பில் 11 வது ஆண்டு மாற்றுத்திறனாளிகளுக்கான இலவச திருமண நிகழ்வை தமிழக முதல்வர் மு.க.ஸ்டாலின் இன்று நடத்தி வைத்தார். உடன் கனிமொழி.எம்.பி. அமைச்சர் கீதா ஜீவன் உள்ளிட்டோர் கலந்து கொண்டனர்.

 

இந்த நிகழ்வின்போது மேடையில் பேசிய தமிழக முதல்வர் மு.க.ஸ்டாலின், ''நாட்டில் இப்பொழுது எப்படி மழை பெய்து கொண்டிருக்கிறது என்று உங்களுக்கு தெரியும். விடாமல் பெய்து கொண்டிருக்கிறது. எப்போது ஆட்சிக்கு வந்தோமோ அப்போதிலிருந்து மழை பொழிந்து வருகிறது. ஆட்சிக்கு வந்தவுடன் கரோனா அந்த கொடுமையிலிருந்து கொஞ்சம் மீண்டு வந்தோம். அதனைத் தொடர்ந்து ஒரு பத்து நாள் கூட இடைவெளி இல்லை மழைதான் தொடர்ந்து பெய்து கொண்டே இருக்கிறது. வேடிக்கையாக ஒரு உண்மை செய்தியைச் சொல்கிறேன். நான் 1996-ல் சென்னை மேயராக பொறுப்புக்கு வந்தேன். முதன்முதலாக மக்களால் தேர்ந்தெடுக்கப்பட்ட மேயராக நான் தான் பொறுப்புக்கு வந்தேன். நான் பொறுப்புக்கு வந்த அடுத்த நிமிஷமே மழை பெய்ய ஆரம்பித்து விட்டது. ஒரு 20 நாள் தொடர்ந்து மழை பெய்து கொண்டே இருந்தது. எந்த வேலையும் செய்ய முடியவில்லை.

 

மழையினால் பாதிக்கப்பட்ட பகுதிகளைப் பார்த்து சீர்படுத்திக் கொண்டிருந்தோம். அப்பொழுது முதல்வர் கலைஞர். முதல்வராகிய நானும் பார்வையிட வேண்டும், மக்களுக்கு ஆறுதல் சொல்ல வேண்டும் என்று சொன்னார். எனவே மாநகராட்சி வேனில் அவரை உட்கார வைத்து அவரையும் அழைத்துக் கொண்டு சென்னை முழுக்க சுற்றினோம். காரில் சென்று கொண்டிருக்கும் போது வேடிக்கையாக கலைஞர் சொன்னார் ''ஸ்டாலின் சென்னைக்கு மேயராக வந்தாலும் வந்தான் மழை பேயராக இருக்கிறது' என்றார். அது மாதிரி தண்ணீர் பிரச்சனைக்கு பிரச்சினையே இல்லை. அந்த அளவிற்கு மழை பெய்து கொண்டிருக்கிறது. அந்த மழையை சமாளித்துக் கொண்டிருக்கிறோம். கடந்தாண்டு மழை பெய்த போது என்ன நிலை? அது உங்களுக்கு தெரியும். இப்பொழுது என்ன நிலை என்று உங்களுக்கு தெரியும். முழுசா செய்து விட்டோம் என்று சொல்லவில்லை. 95 சதவீதம், 85 சதவிகிதம் தான் முடித்திருக்கிறோம். அதுவே மக்களிடத்தில் இன்று பெரிய பாராட்டைக் கொடுத்து இருக்கிறது. இன்னும் சில பணிகள் மிச்சம் இருக்கிறது. அதையும் வரக்கூடிய காலகட்டத்தில் செஞ்சு முடிப்போம் என்ற உறுதியை இந்த நேரத்தில் நான் எடுத்துச் சொல்கிறேன்'' என்றார்.

 

 

சார்ந்த செய்திகள்

Next Story

'எந்த சந்தேகமும் வேண்டாம்; இங்கு தான் போட்டியிடுவேன்'- திருமா பேட்டி

Published on 27/02/2024 | Edited on 27/02/2024
 'Don't be in any doubt; I will compete only here' - Mrs. Interview

நாடாளுமன்ற மக்களவைப் பொதுத் தேர்தல் விரைவில் நடைபெற உள்ளது. இதனை முன்னிட்டு அரசியல் கட்சிகள் சார்பில் தேர்தல் பணிகளை மேற்கொள்வதற்காக பல்வேறு குழுக்கள் அமைக்கப்பட்டு தீவிர ஆலோசனைகள் நடத்தப்பட்டு வருகின்றன. மேலும் நாடாளுமன்றத் தேர்தலுக்கான பணிகளை அரசியல் கட்சிகள் தற்போதே தீவிரப்படுத்தி வருகின்றன. இத்தகைய சூழலில் இந்தியத் தேர்தல் ஆணையமும் மக்களவைத் தேர்தல் முன்னேற்பாடுகள் குறித்து தொடர்ந்து ஆய்வு நடத்தி வருகிறது.

இந்நிலையில் 'சிதம்பரம் தொகுதியில் தான் போட்டியிடுவேன்' என விடுதலை சிறுத்தைகள் கட்சி தலைவர் திருமாவளவன் தெரிவித்துள்ளார். செய்தியாளர்களைச் சந்தித்த விடுதலைச் சிறுத்தைகள் கட்சி தலைவர் திருமாவளவன் பேசுகையில், ''அதிமுக இன்னும் கூட்டணியை உருவாக்கவில்லை. பாஜக கூட்டணிக்கு ஆட்கள் தேடிக் கொண்டிருக்கிறது. ஆகவே தமிழ்நாட்டை பொறுத்தவரையில் எதிர்க்கட்சிகளே இல்லை என்று சொல்லக்கூடிய அளவுக்கு அல்லது எதிர்க்கட்சி கூட்டணி இல்லை என்று சொல்லக்கூடிய அளவுக்கு நிலைமை உள்ளது.

நாங்கள் கேட்டிருப்பது நான்கு தொகுதிகள். அந்த நான்கு தொகுதிகளில் ஒரு தொகுதி பொதுத்தொகுதி. மூன்று தொகுதி தனித் தொகுதி என்ற கோரிக்கையை நாங்கள் வைத்துள்ளோம். ஆனால் 8, 10 கூட்டணிக் கட்சிகள் உள்ள ஒரு கூட்டணியில் இவ்வளவு தொகுதிகளைப் பெற முடியாது என்பதையும் நாங்கள் அறிவோம். சூழலுக்கு ஏற்ப முடிவு  செய்வோம். சிதம்பரம் என்னுடைய சொந்த தொகுதி. எனவே எந்த கேள்விக்கும், குழப்பத்திற்கும் இடம் இல்லை. இது என்னுடைய சொந்த தொகுதி. இதில் தான் நான் போட்டியிட முடியும்'' என்றார்.

Next Story

'கலைஞர் எனும் உலகத்தால் நாம் சுற்றுகிறோம்'- வீடியோ வெளியிட்ட தமிழக முதல்வர்

Published on 27/02/2024 | Edited on 27/02/2024

 

The Chief Minister of Tamil Nadu released the video 'We are surrounded by the world of artist

சென்னை கடற்கரை காமராஜர் சாலையில் சென்னைப் பல்கலைக் கழகத்தின் எதிரில், தமிழகத்தின் முன்னாள் முதல்வரான பேரறிஞர் அண்ணா 1969 பிப்ரவரி 3 ஆம் நாள் மறைந்த பின் அவருக்கு நினைவிடம் அமைக்கப்பட்டது. மேலும் தமிழகத்தின் முன்னாள் முதல்வரும், திமுக முன்னாள் தலைவருமான கலைஞர் தனது 95 வது வயதில் கடந்த 2018 ஆம் ஆண்டு ஆகஸ்ட் மாதம் 7 ஆம் நாள் மறைந்த பின்னர் அண்ணா நினைவிடம் அருகிலேயே நல்லடக்கம் செய்யப்பட்டு நினைவிடம் கட்டும் பணிகள் நடைபெற்று வந்தன. அதே சமயம் அண்ணா நினைவிடம் புதுப்பிக்கும் பணிகளும் நடைபெற்றன.

இந்நிலையில், அண்ணாவின் புதுப்பிக்கப்பட்ட நினைவிடத்தையும், கலைஞரின் புதிய நினைவிடத்தையும் தமிழ்நாடு முதலமைச்சர் மு.க. ஸ்டாலின் நேற்று  (26.11.2024) மாலை 7 மணி அளவில் திறந்து வைத்தார். பின்னர் அண்ணா மற்றும் கலைஞர் சிலைகள் மற்றும் நினைவிடங்களில் மலர் தூவி மரியாதை செலுத்தினார்.

இந்நிகழ்வில், திராவிடர் கழகத் தலைவர் கி. வீரமணி, விடுதலைச் சிறுத்தைகள் கட்சித் தலைவர் தொல். திருமாவளவன், கம்யூனிஸ்ட் கட்சிகளின் சார்பாக முத்தரசன், கே. பாலகிருஷ்ணன், மதிமுக பொதுச்சயலாளர் வைகோ உள்ளிட்ட அரசியல் கட்சித் தலைவர்கள், அமைச்சர்கள், சட்டமன்ற மற்றும் நாடாளுமன்ற உறுப்பினர்கள், நடிகர் ரஜினிகாந்த், கவிஞர் வைரமுத்து எனப் பலரும் கலந்து கொண்டனர்.

இந்நிலையில் கலைஞர் நினைவிடம் குறித்த வீடீயோவை எக்ஸ் சமூகவலைத்தளத்தில் பதிவிட்டுள்ள முதல்வர் மு.க.ஸ்டாலின், 'கலைஞர் எனும் உலகத்தால் நாம் சுற்றுகிறோம்! தமிழ்நாடு சுற்றுகிறது! கலைஞர் உலகு ஆள்வார்! உலகம் கலைஞர் பெயரை உச்சரித்துக் கொண்டே இருக்கும்! என்றென்றும்_கலைஞர்' என பதிவிட்டுள்ளார்.