Skip to main content

தமிழ்நாடு தொழிலாளர் கல்வி நிலையத்தில் சேர விண்ணப்ப விநியோகம் தொடங்கியது!

Published on 25/04/2019 | Edited on 25/04/2019

தமிழ்நாடு தொழிலாளர் கல்வி நிலையத்தில் பி.ஏ - (தொழிலாளர் மேலாண்மை) ,எம்.ஏ - ( தொழிலாளர் மேலாண்மை) பட்டப்படிப்புகள் மற்றும்  பி.ஜி.டி.எல்.ஏ ( தொழிலாளர் நிர்வாகத்தில் முதுகலை மாலை நேர பட்டயப்படிப்பு ) , D.L.L & A.L . (தொழிலாளர் சட்டங்களும் , நிர்வாகவியல் சட்டமும் ) வார இறுதி பட்டய படிப்புகளும் நடத்தப்பட்டு வருகின்றனர். இதே போல் பி.ஏ (தொழிலாளர் மேலாண்மை) , எம்.ஏ (தொழிலாளர் மேலாண்மை) உள்ளிட்ட படிப்புகள் சென்னை பல்கலைக்கழகத்தால் அங்கீகரிக்கப்பட்டுள்ளன. மேலும் பி.ஜி.டி.எல்.ஏ மற்றும் டி.எல்.எல் உள்ளிட்ட படிப்புகள் தமிழக அரசின் அங்கீகாரத்துடன் நடைப்பெற்று வருகிறது என்பது குறிப்பிடத்தக்கது.

 

application



பி.ஏ (தொழிலாளர் மேலாண்மை) , எம்.ஏ (தொழிலாளர் மேலாண்மை) மற்றும் பி.ஜி.டி.எல்.ஏ ஆகி பட்ட மற்றும் பட்டயப்படிப்புகள் தொழிலாளர் நல அலுவலர் பதவிக்கு பிரத்யேக கல்வி தகுதியாக தமிழ்நாடு தொழிற்சாலைகள் தொழிலாளர் நல அலுவலர்கள் விதிகளில் வரையறுக்கப்பட்டுள்ளது . இக்கல்வி நிலையத்தில் பயின்ற மாணவர்கள் பல்வேறு தொழிற்சாலைகளில் தற்போது மனிதவள மேம்பாட்டு மேலாளராக பணிபுரியும் வாய்ப்பை பெற்றுள்ளனர். அதனைத் தொடர்ந்து இக்கல்வி நிலையத்தில் பயிலும் மாணவர்களுக்கு தொழிற்சாலை நிறுவனங்கள் வேலை வாய்ப்பில் முன்னுரிமை அளித்து வருவது குறிப்பிடத்தக்கது.   

தமிழ்நாடு அரசு தொழிலாளர் துறையில் தொழிலாளர் அலுவலர் மற்றும் தொழிலாளர் உதவி ஆணையர் உள்ளிட்ட பணியிடங்களுக்கு மேலே குறிப்பிட்ட கல்வி தகுதி முக்கியம் என தமிழக அரசு அரசாணையை வெளியிட்டது. இத்தகைய கல்வியை பயில விருப்பமுள்ள +2 முடித்த மாணவர்கள் பட்டப்படிப்பிற்கும் , ஏதேனும் பட்டப்படிப்பை முடித்த மாணவர்கள் முதுகலைப்பட்ட மற்றும் பட்டயப்படிப்புகளுக்கும் விண்ணப்பிக்கலாம். விண்ணப்பிப்பவர்கள் மதிப்பெண்கள் மற்றும் அரசு விதிகளின் படி தேர்ந்தெடுக்கப்படுவார்கள்.

விண்ணப்பங்கள் வழங்கும் தேதி : 15/04/2019 .  பி.ஏ (எல்.எம்) பூர்த்திச்செய்யப்பட்ட விண்ணப்பங்கள் பெறப்படும் இறுதிநாள் : 30/05/2019 மாலை 5.00 மணி வரை. எம்.ஏ/ பி.ஜி.டி.எல்.ஏ/ டி.எல்.எல் பூர்த்திச்செய்யப்பட்ட விண்ணப்பங்கள் பெறப்படும் இறுதிநாள் : 28/06/2019 மாலை 5.00 மணி வரை.  விண்ணப்ப கட்டணம் (நேரில்) - ரூபாய். 200. (SC/ST) விண்ணப்ப கட்டணம் (சாதிச்சான்றிதழை தாக்கல் செய்ய வேண்டும் ) - ரூபாய் 100.

தபால் மூலம் விண்ணப்பத்தை பெற விரும்புவோர்கள் (விண்ணப்ப கட்டணம் + தபால் கட்டணம் ரூபாய் 50யை) வங்கியில் செலுத்தி வரைவோலை "The  Director ,Tamilnadu  Institute Of Labour Studies , Chennai -600005" என்ற பெயருக்கு வங்கி வரைவோலை எடுத்து அனுப்பி விண்ணப்பத்தை பெற்றுக்கொள்ளலாம்.

மேலும் விவரங்களுக்கு : 
ஒருங்கிணைப்பாளர் (சேர்க்கை),
முனைவர். இரா.ரமேஷ்குமார் , உதவி பேராசிரியர் ,
தமிழ்நாடு தொழிலாளர் கல்வி நிலையம் ,
No 5 ,காமராசர் சாலை , 
சென்னை - 600 005.
Mobile No : 98841- 59410.
Lane Line No: 044 - 28440102 ,
 044- 28445778 , 
e-mail : tilschennai@tn.gov.in.


பி.சந்தோஷ், சேலம்.
 

சார்ந்த செய்திகள்

Next Story

'தமிழகத்தின் தேர்தல் முடிவுகள் அனைவரையும் ஆச்சரியத்தில் ஆழ்த்தும்'-மோடி ஆரூடம்

Published on 19/03/2024 | Edited on 19/03/2024
'The election results of Tamil Nadu will surprise everyone'-Modi Arudam

நாட்டின் 18வது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி நாடாளுமன்றத் தேர்தல் நடைபெற இருக்கிறது. இந்த நாடாளுமன்றத் தேர்தலின் வாக்குப்பதிவு எண்ணிக்கை, ஜூன் 4 ஆம் தேதி நடைபெறவுள்ளது. ஏற்கனவே தமிழகத்தில் உள்ள அரசியல் கட்சிகள் கூட்டணி, தொகுதிப் பங்கீடு எனத் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

தமிழகத்தில் முதற்கட்டமாக ஏப்ரல் 19ஆம் தேதி தேர்தல் நடைபெற இருப்பதால், தற்போதே தேர்தல் பரப்புரைகளுக்கான தீவிர முயற்சிகளை அரசியல் கட்சிகள் எடுத்து வருகிறது. இந்த நிலையில் இன்று சேலத்தில் பிரதமர் மோடி கலந்து கொள்ளும் பாஜக பிரச்சாரப் பொதுக்கூட்டம் நடைபெறுகிறது. பாமக, பாஜக கூட்டணியில் சேர்ந்திருக்கும் நிலையில், இன்று நடைபெறும் பிரச்சாரக் கூட்டத்தில் பாமக நிறுவனர் ராமதாஸ் அன்புமணி ராமதாஸ், ஏனைய கூட்டணி கட்சித் தலைவர்கள் கலந்து கொள்ள இருப்பதாக கூறப்படுகிறது.

இந்த நிலையில் பிரதமர் மோடி வெளியிட்டுள்ள எக்ஸ் பதிவில், 'தமிழ்நாட்டின் தேர்தல் முடிவுகள் அனைவரையும் ஆச்சரியத்தில் ஆழ்த்தப் போகிறது. எங்கள் கட்சி மாநிலம் முழுவதும் வலுவான சக்தியாக உருவாகி வருகிறது. இனி திமுகவை ஆதரிக்கும் மனநிலையில் மக்கள் இல்லை. கோயம்புத்தூரில் இருந்து மேலும் சில காட்சிகள் இங்கே' என கோயம்புத்தூரில் நடைபெற்ற பாஜக நிகழ்ச்சி குறித்த காட்சிகளை பிரதமர் மோடி வெளியிட்டுள்ளார்.

Next Story

கஞ்சா புழக்கத்தைக் கண்டுகொள்ளாத காவல்துறை! புகாரளித்தவர் மீது கொலை முயற்சி!

Published on 15/03/2024 | Edited on 15/03/2024
allegations of police did not notice the circulation of cannabis

மதுரை - திருமங்கலம் அருகே மருது சேனை அமைப்பின் நிறுவனர் ஆதிநாராயணன் மீது  நான்கு பேர் கொண்ட கும்பல் பெட்ரோல் குண்டு வீசியதோடு, சுட்டுக் கொல்லவும் முயற்சித்துள்ளது.

இந்தக் கொலை முயற்சியின் பின்னணி என்ன?

திருமங்கலம் அருகிலுள்ள மையிட்டான்பட்டி கிராமத்தைச் சேர்ந்த ஆதிநாராயணன், மருது சேனை அமைப்பின் நிறுவனத் தலைவராக இருக்கிறார். கள்ளிக்குடி - கல்லுப்பட்டி சாலையில் இவருடைய அலுவலகம் உள்ளது. இவர், தனது அலுவலகத்திலிருந்து கள்ளிக்குடி – விருதுநகர் நான்குவழிச்சாலையில் மையிட்டான்பட்டிக்கு காரில் சென்றபோது, எதிர்திசையில் வந்த கார் மோதியது.

இதனைத் தொடர்ந்து காரில் வந்த கும்பல் பெட்ரோல் குண்டு வீசியுள்ளது. பெட்ரோல் குண்டு காரில் படாத நிலையில், காரை ஓட்டிவந்த டிரைவர், சாலை ஓரப்பள்ளத்தில் காரை விட்டு தப்பித்துள்ளார். அந்தக்கும்பல் மீண்டும் பெட்ரோல் குண்டு வீச முயற்சித்தபோது, எறிவதற்கு முன்பாகவே குண்டு வெடித்துள்ளது. உடனே,  அந்தக் கும்பல் அங்கிருந்து தப்பிஒடியது.

இச்சம்பவம் குறித்து கள்ளிக்குடி காவல்நிலையத்திற்கு தகவல் தெரிந்ததும், ஏ.டி.எஸ்.பி. மற்றும் காவல்துறையினர் சம்பவ இடத்துக்கு வந்து விசாரணை நடத்தினர். தடயவியல் நிபுணர்களும் வரவழைக்கப்பட்டு சோதனை நடந்தது. ஆதிநாராயணன் மீது நடத்திய கொலை முயற்சி,  அக்கட்சியின் நிர்வாகிகளுக்குத் தெரியவர, கொல்ல முயன்றவர்களைக் கைது செய்யக்கோரி, கள்ளிக்குடி – விருதுநகர் நான்கு வழிச்சாலையின் குறுக்கே காரை நிறுத்தி மறியல் போராட்டத்தில் ஈடுபட்டனர். காவல்துறை நடத்திய பேச்சுவார்த்தைக்குப் பிறகு மறியலைக் கைவிட்டனர்.

allegations of police did not notice the circulation of cannabis

இந்நிலையில் செய்தியாளர்களைச் சந்தித்த மருது சேனை அமைப்பின் நிறுவனர் ஆதிநாராயணன் “இரண்டு நாட்களுக்குமுன், விருதுநகர் மற்றும் கள்ளிக்குடி பகுதியில் காவல்துறையின் துணையோடு கஞ்சா புழக்கம் அதிகரித்து வருவது குறித்து, திருமங்கலம் டி.எஸ்.பி. அலுவலகத்தில் புகாரளித்தேன். நடவடிக்கை எடுக்கவும் வலியுறுத்தினேன். காவல்துறையினரின் துணையோடு, ஏற்கெனவே என்னுடைய அமைப்பின் பொருளாளரைக் கொலை செய்த ஞானசேகரின்  ஆதரவாளர்களை ஏவிவிட்டு, என்னைக் கொலை செய்யும் நோக்கத்தில்தான் பெட்ரோல் குண்டு வீசி, துப்பாக்கியாலும் சுட்டுக்கொல்வதற்கு முயற்சித்தனர். கார் டிரைவரின் சாமர்த்தியத்தால் நான் உயிர் பிழைத்தேன். இந்த விஷயத்தில் காவல்துறை அலட்சியம் காட்டுகிறது. குற்றவாளிகளை விரைந்து கைது செய்யவேண்டும். இல்லையென்றால், தமிழகம் முழுவதும் மிகப்பெரிய அளவில் போராட்டம் நடத்துவோம்.” என்றார்.