அண்ணா தொழிற்சங்க பேரவைச் செயலாளர் நியமனம்!

அதிமுகவின் அண்ணா தொழிற்சங்க பேரவைச்செயலாளராக தமிழக போக்குவரத்துத் துறை அமைச்சர் எம்.ஆர்.விஜயபாஸ்கரை நியமித்து ஓபிஎஸ்- இபிஸ் அறிவித்துள்ளனர். அண்ணா தொழிற்சங்கப் பேரவையின் பணிகளை கவனிக்க ஏற்கனவே அறிவிக்கப்பட்டிருந்த குழு கலைக்கப்பட்டுள்ளது. அதைத் தொடர்ந்து அண்ணா தொழிற்சங்கப் பேரவை கன்வீனர் பொறுப்பில் இருந்து எஸ்.டி.கே.ஜக்கையன் விடுவிக்கப்பட்டுள்ளார்.

மேலும் அண்ணா தொழிற்சங்க பேரவை குழுவின் பொறுப்புகளில் இருந்து யு.ஆர். கிருஷ்ணன், சங்கரதாஸ் விடுவிக்கப்பட்டுள்ளனர். அதேபோல் அண்ணா தொழிற்சங்க பேரவைத் தலைவர் பொறுப்பில் தாடி மா.ராசு தொடர்ந்து செயல்படுவார். இவ்வாறு அதிமுகவின் ஒருங்கிணைப்பாளர் மற்றும் துணை ஒருங்கிணைப்பாளர் வெளியிட்டுள்ள அறிவிப்பில் குறிப்பிடப்பட்டுள்ளது.