Skip to main content

திமுகவில் இணைந்த அதிமுக ஒன்றிய கவுன்சிலர்கள்

Published on 19/03/2023 | Edited on 19/03/2023

 

AIADMK union councilors who joined DMK

 

திண்டுக்கல் மாவட்டத்தில் உள்ள வேடசந்தூர் சட்டமன்றத் தொகுதியை ஆளுங்கட்சியான திமுக கைப்பற்றியதன் மூலம் சட்டமன்ற உறுப்பினராக காந்திராஜன் இருந்து வருகிறார். அதுபோல் தொகுதியில் உள்ள மூன்று ஒன்றியத்தில்  குஜிலியம் பாறை ஒன்றியத்தை ஆளுங்கட்சி தக்க வைத்தது. மீதியுள்ள வடமதுரை, வேடசந்தூர் ஒன்றியத்தை  எதிர்க்கட்சியான அதிமுக தக்க வைத்திருந்தது.

 

இந்நிலையில் வேடசந்தூர் ஊராட்சி ஒன்றியத்தில் உள்ள 15 கவுன்சிலர்களில் ஆறு கவுன்சிலர்கள் ஆளுங்கட்சி திமுக தக்கவைத்து இருந்தது. மீதியுள்ள ஒன்பது ஒன்றிய கவுன்சிலர் பதவிகளை எதிர்க்கட்சியான அதிமுக கைப்பற்றியதின் மூலம் அதிமுகவைச் சேர்ந்த சாவித்திரி சுப்பிரமணி ஒன்றிய பெருந்தலைவராக தேர்ந்தெடுக்கப்பட்டார். அப்படி இருந்தும் அவர் மீது அதிமுக  கவுன்சிலர்களே கடந்த ஆறு மாதங்களுக்கு முன்பு நம்பிக்கை இல்லா தீர்மானம் கொண்டுவந்தனர்.

 

இதனால்  13 ஒன் றிய கவுன்சிலர்கள் ஆதரவோடு பெரும்பான்மை பலத்துடன் திமுகவை சேர்ந்த சௌடீஸ்வரி கோவிந்தன் ஒன்றிய பெருந்தலைவராக தேர்வு செய்யப்பட்டார். இதில் அதிமுக சேர்ந்த ஆறு ஒன்றிய கவுன்சிலர்கள் ஆளுங்கட்சிக்கு சாதகமாக செயல்பட்டனர் என்று கூறி அவர்களை கட்சி அடிப்படை உறுப்பினர் இருந்து நீக்கப்பட்டனர்.

 

AIADMK union councilors who joined DMK

 

இதனால் அதிமுக தலைமை மேல் அதிருப்தி அடைந்த ஒன்றிய கவுன்சிலர்களான மாரம்பாடி தேவசகாயம், சித்தூர் காளிமுத்து, புதுரோடு பார்த்திபன், விருதலைப்பட்டி ஜானகி, குட்டம் புஷ்ப வல்லி, கோவிலூர் சத்யபிரியா ஆகிய ஆறு கவுன்சிலர்கள் ஆளுங்கட்சியான திமுகவில் இணைய முன்வந்தனர். இந்த விஷயம் வேடசந்தூர் சட்டமன்ற உறுப்பினர் காந்திராஜன் மற்றும் வேடசந்தூர் தெற்கு ஒன்றிய செயலாளர் வீரா சாமிநாதன், வடக்கு ஒன்றிய செயலாளர் கவிதா பார்த்திபன், மாவட்ட இளைஞரணி துணை அமைப்பாளர் ரவிசங்கர் ஆகியோருக்கு தெரியவே உடனே அந்த ஆறு கவுன்சிலர்களையும் திமுகவில் சேர்க்க முடிவு செய்தனர்.

 

அதைத்தொடர்ந்து ஊரக வளர்ச்சித்துறை அமைச்சர் ஐ. பெரியசாமி மற்றும் உணவு மற்றும் வழங்கல்துறை அமைச்சர் சக்கரபாணி ஆகியோர் முன்னிலையில் ஆறு அதிமுக ஒன்றிய கவுன்சிலர்களும் திமுகவில் இணைந்தனர். அவர்களுக்கு அமைச்சர்கள் கட்சித் துண்டுகளையும் சாவுகளையும் அணிவித்து கட்சியில் இணைத்துக் கொண்டனர்.

 

 

சார்ந்த செய்திகள்

 

Next Story

'அவர் தமிழக நலனையே புறக்கணிக்கிறார்'- தமிழிசை கருத்து

Published on 23/07/2024 | Edited on 23/07/2024
'He is neglecting the welfare of Tamil Nadu' - Tamilisai opinion

நாடாளுமன்ற பட்ஜெட் கூட்டத்தொடர் நேற்று (22.07.2024) தொடங்கியது. இந்த பட்ஜெட் கூட்டத்தொடர் ஆகஸ்ட் 12 ஆம் தேதி வரை மொத்தம் 19 அமர்வுகளுடன் நடைபெறவுள்ளது. இந்நிலையில் 2024-25 ஆம் நிதி ஆண்டுக்கான முழு பட்ஜெட்டை நாடாளுமன்றத்தில் மத்திய நிதியமைச்சர் நிர்மலா சீதாராமன் இன்று (23.07.2024) காலை 11 மணிக்கு தாக்கல் செய்து உரை நிகழ்த்தினார். மத்திய அரசின் பட்ஜெட் குறித்து பல்வேறு அரசியல் தலைவர்களும் கருத்து தெரிவித்து வருகின்றனர்.

செய்தியாளர்களைச் சந்தித்த முதல்வர் மு.க.ஸ்டாலின் பேசுகையில், ''இரண்டு நாட்களுக்கு முன்பு ட்விட்டர் பக்கத்தில் பல கோரிக்கைகளை எடுத்து வைத்திருந்தேன். நிதிநிலை அறிக்கையில் இதுவெல்லாம் இடம்பெற வேண்டும்; இதையெல்லாம் எதிர்பார்க்கிறோம் என்று கோரிக்கைகளை வைத்திருந்தேன். மூன்று ஆண்டுகளாக விடுவிக்கப்படாமல் இருக்க கூடிய சென்னை மெட்ரோ ரயில் திட்டத்திற்கான நிதியை விடுவிக்க வேண்டும்; கோவை மற்றும் மதுரை மெட்ரோ ரயில் திட்டங்களுக்கான ஒப்புதலை விரைந்து வழங்க வேண்டும்; தமிழ்நாட்டில் ஏற்கனவே அறிவித்திருக்கக்கூடிய ரயில்வே திட்டங்களை விரைந்து செயல்படுத்த நிதி ஒதுக்கீடு செய்ய வேண்டும்; தாம்பரம் செங்கல்பட்டு இடையே மேம்பால விரைவு சாலை திட்டத்திற்கான ஒப்புதல் வழங்க வேண்டும் இப்படி சில கோரிக்கைகளை நான் எடுத்து வைத்திருந்தேன். ஆனால் எதையுமே நிதியமைச்சர் நிர்மலா சீதாராமன் இந்த பட்ஜெட்டில் அறிவிக்கவில்லை.

'He is neglecting the welfare of Tamil Nadu' - Tamilisai opinion

மைனாரிட்டி பாஜகவை மெஜாரிட்டி பாஜகவாக்கிய ஒரு சில மாநில கட்சிகளைத் திருப்திப்படுத்தும் வகையில் ஒரு சில மாநிலங்களுக்கு மட்டும் சில திட்டங்களை அறிவித்திருக்கிறார்கள். அறிவித்திருக்கிறார்களே தவிர அதையும் நிறைவேற்றுவார்களா என்பது சந்தேகம்தான் என்னைப்  பொறுத்தவரை. எப்படி தமிழ்நாட்டுக்கு மெட்ரோ ரயில் திட்டம் என்று அறிவித்துவிட்டு நிதி ஒதுக்காமல் இன்றுவரை ஏமாற்றி வருகிறார்களோ அதேபோல அந்த மாநிலங்களுக்கும் எதிர்காலத்தில் நடக்காது என்பதற்கு எந்த உத்தரவாதமும் கிடையாது. தமிழகத்தை மத்திய அரசு ஒட்டுமொத்தமாக புறக்கணித்திருப்பதை கண்டிக்கும் வகையில் நிதி ஆயோக் கூட்டத்தில் நான் பங்கேற்க வேண்டாம் என முடிவெடுத்து இருக்கிறேன். அதை நான் புறக்கணிக்க போகிறேன். நாளை திமுக எம்பிக்கள் நாடாளுமன்ற வளாகத்தில் போராட்டம் நடத்துவார்கள்'' என்றார்.

nn

இந்நிலையில் தமிழக முதல்வர் நிதி ஆயோக் கூட்டத்தை புறக்கணிப்பதை தமிழிசை விமர்சித்துள்ளார். இது குறித்து அவர் வெளியிட்டுள்ள அறிவிப்பில், 'நிதி ஆயோக் கூட்டத்தை புறக்கணிப்பதன் மூலம் முதல்வர் தமிழக மக்களின் நலனை புறக்கணிக்கிறார். அரசியல் ஆதாயத்திற்காக நிதி ஆயோக் கூட்டத்தை தமிழக முதல்வர் புறக்கணிப்பது என்பது மக்கள் நலனையே ஒட்டுமொத்தமாக புறக்கணிக்கும் செயலாகும்.நேரில் சந்தித்து விவாதித்து தேவையானதை தமிழக முதல்வர் பெற வேண்டும்' என தெரிவித்துள்ளார். அதேபோல் 2024 மத்திய பட்ஜெட் குறித்து சமூக வலைதளமான எக்ஸ் தளத்தில் கருத்து பதிவிட்டுள்ள நடிகர் பிரகாஷ்ராஜ் 'ஆந்திரா பீகாருக்கு பட்ஜெட்; மற்ற மாநிலங்களுக்கு அல்வா' என விமர்சித்துள்ளார்.

Next Story

மின் கட்டண உயர்வு, சட்ட ஒழுங்கு பிரச்சனையைக் கண்டித்து அதிமுக போராட்டம்! (படங்கள்)

Published on 23/07/2024 | Edited on 23/07/2024

 

தமிழகத்தில் முதல்வர் ஸ்டாலின் தலைமையிலான அரசால் சட்ட ஒழுங்கு சீர்கெட்டுள்ளதாக அதிமுக உள்ளிட்ட எதிர்க்கட்சிகள் தொடர்ந்து குற்றம் சாட்டி வருகிறது. இந்த நிலையில் அண்மையில் தமிழக அரசு மின் கட்டணத்தை உயர்த்திருந்தது. இதற்கு அதிமுக கடும் எதிர்ப்பினை தெரிவித்து வருகிறது. 

இந்த நிலையில் திமுக தலைமையிலான அரசு பதவியேற்று மூன்று ஆண்டுகளில் மூன்றாவது முறையாக மின்கட்டணத்தை உயர்த்தியுள்ளதைக் கண்டித்தும், தமிழகத்தின் சட்ட ஒழுங்கு பிரச்சனை ஆகியற்றைக் கண்டித்தும் சென்னை தங்க சாலை பேருந்து நிலையத்தில் அதிமுக சார்பில் முன்னாள் அமைச்சர் ஜெயகுமார் தலைமையில் போராட்டம் நடைபெற்றது.