நடிகர் அஜித்குமாரின் 'வலிமை' திரைப்படம் வெளியானது!

அஜித்குமார் நடிப்பில் உருவாகியுள்ள 'வலிமை' திரைப்படம் இந்தியாவில் பல்வேறு நகரங்களில் இன்று (24/02/2022) திரையரங்குகளில் வெளியாகியுள்ளது.

சதுரங்க வேட்டை, தீரன் அதிகாரம் ஒன்று, நேர்கொண்ட பார்வை ஆகிய படங்களைத் தொடர்ந்து ஹெச். வினோத் 'வலிமை' படத்தை இயக்கியுள்ளார். போனி கபூர் தயாரித்துள்ள இப்படத்தில் யோகி பாபு உள்ளிட்டோர் முக்கிய கதாபாத்திரங்களில் நடித்துள்ளனர். தமிழ், தெலுங்கு, கன்னடம், இந்தி உள்ளிட்ட மொழிகளில் வலிமை திரைப்படம் வெளியாகியுள்ளது.

கிட்டத்தட்ட இரண்டரை ஆண்டுகளுக்கு பிறகு அஜித்குமாரின் திரைப்படம் வெளியாகியிருக்கும் நிலையில், அவரது ரசிகர்கள் மகிழ்ச்சி அடைந்துள்ளனர். சென்னை, மதுரை உள்ளிட்ட நகரங்களில் அஜித்குமாரின் ரசிகர்கள் வெடித்தும், கேக் வெட்டியும் 'வலிமை' வெளியானதைக் கொண்டாடினர்.

பல மாவட்டங்களில் அதிகாலை 04.00 மணி முதலே காட்சிகள் திரையிடப்பட்டதால், அவரது ரசிகர்கள் விடிய விடிய திரையரங்குகளில் முகாமிட்டு கொண்டாட்டங்களில் ஈடுபட்டு வருகின்றன.