Skip to main content

பால் சப்ளை செய்யும் டேங்கர் லாரிகள் தொடர்பான டெண்டர்!- ஆவின் நிர்வாக இயக்குநருக்கு உயர்நீதிமன்றம் உத்தரவு! 

Published on 01/03/2020 | Edited on 01/03/2020

ஆவின் நிறுவனத்துக்கு பால் சப்ளை செய்ய, 303 டேங்கர் லாரிகளை வாடகைக்கு பெறுவது தொடர்பான டெண்டர் மீது எப்போது உத்தரவு பிறப்பிக்கப்படும் என்று விளக்கமளிக்க தமிழ்நாடு கூட்டுறவு பால் உற்பத்தியாளர்கள் கூட்டமைப்பு நிர்வாக இயக்குனருக்கு சென்னை உயர்நீதிமன்றம் உத்தரவிட்டுள்ளது.
 

ஆவின் நிறுவனத்துக்கு பால் கொண்டு செல்வதற்காக, 303 டேங்கர் லாரிகளை வாடகைக்கு பெறுவது தொடர்பாக 2019 ஆகஸ்டில், தமிழ்நாடு கூட்டுறவு பால் உற்பத்தியாளர்கள் கூட்டமைப்பு டெண்டர் கோரியது.

aavin supply lorry tenders chennai high court

அனைத்து நடைமுறைகளும் முடிந்த நிலையில், டெண்டர் இறுதி செய்யப்படாமல் உள்ளதால், டெண்டர் முடிவுகளை வெளியிட தமிழ்நாடு கூட்டுறவு பால் உற்பத்தியாளர்கள் கூட்டமைப்புக்கு உத்தரவிடக் கோரி நாமக்கல்லைச் சேர்ந்த நவீதா டிரான்ஸ்போர்ட் என்ற நிறுவனம் சென்னை உயர்நீதிமன்றத்தில் வழக்கு தொடர்ந்தது.

இந்த வழக்கை விசாரித்த நீதிபதி சி.வி.கார்த்திகேயன், பால் டேங்கர் லாரி டெண்டர் தொடர்பான உத்தரவுகள் எந்த தேதியில் வெளியிடப்படும் என்பது குறித்து, தமிழ்நாடு கூட்டுறவு பால் உற்பத்தியாளர்கள் கூட்டமைப்பு நிர்வாக இயக்குனர் வள்ளலார் மற்றும் இணை நிர்வாக இயக்குநர் மணிவண்ணன் ஆகியோர் தனித்தனியாக விளக்க மனு தாக்கல் செய்ய உத்தரவிட்டு, விசாரணையை மார்ச் 6-ம் தேதிக்கு தள்ளிவைத்தார்.

 

சார்ந்த செய்திகள்

 

Next Story

‘பாலியல் தொல்லையால், சம்பந்தப்பட்ட பெண்கள் மட்டும் பாதிக்கப்படுவதில்லை...’ - நீதிமன்றம் வேதனை

Published on 15/06/2024 | Edited on 15/06/2024
court anguish incident affects not only the women concerned

நீலகிரி மாவட்ட காவல் கண்காணிப்பாளர் அலுவலகத்தில் மோகன கிருஷ்ணன் என்பவர் பணியாற்றி வந்துள்ளார். இந்த அலுவலகத்தில் உதவியாளராக பணியாற்றிய பெண்ணுக்கு, மோகன கிருஷ்ணன் பாலியல் தொல்லை கொடுத்ததாக விசாகா கமிட்டியில் புகார் அளிக்கப்பட்டிருந்தது. அங்கு நடைபெற்ற விசாரணையில் மோகன கிருஷ்ணன் பாலியல் தொந்தரவு கொடுத்து வந்தது உறுதி செய்யப்பட்டது.

இதனைத் தொடர்ந்து, மோகன கிருஷ்ணன் மீது வழக்கு பதிவுசெய்து போலீசார் கைது செய்தனர். இந்த நிலையில், தன் மீதான பாலியல் புகாரை எதிர்த்து மோகன கிருஷ்ணன் சென்னை உயர்நீதிமன்றத்தில் மனுத்தாக்கல் செய்திருந்தார். அந்த மனுவை விசாரித்த நீதிபதி பரதசக்கரவர்த்தி கூறியதாவது, ‘பணியிடங்களில் பாலியல் தொல்லையால், சம்பந்தப்பட்ட பெண்கள் மட்டும் பாதிக்கப்படுவதில்லை. இந்தச் சம்பவங்கள் ஒட்டுமொத்த பெண்கள் மத்தியிலும் தாக்கத்தை ஏற்படுத்துகிறது.

பணியிடங்களில் பாலியல் தொல்லை நெறிபிறண்ட செயல் மட்டுமல்லாமல், மறைமுக சமூக பிரச்சனையாகவும் உள்ளது. பணியிடத்தில் பெண்களுக்கான அதிகாரத்தை மட்டுப்படுத்துவதுடன் மன, உடல் ரீதியாகவும் பெண்களைப் பாதிக்கிறது’ எனத் தெரிவித்தார். மேலும், மோகனகிருஷ்ணன் தரப்பு சாட்சியை விசாரணை செய்யவில்லை என்பதால் மீண்டும் விசாரித்து அறிக்கை தர வேண்டும் என நீதிபதி ஆணை பிறப்பித்துள்ளார். 

Next Story

 கிராமத்தில் கூட்டுறவு பால் சங்கம் செயல்படுமா? - பொதுமக்கள் எதிர்பார்ப்பு

Published on 10/06/2024 | Edited on 10/06/2024
People expect that cooperative dairy society will work in the village
கோப்புப்படம்

வேலூர் மாவட்டம் பேரணாம்பட்டுக்கு அருகே ஏரிகுத்தி கிராமம் உள்ளது. இப்பகுதியில் ஆவின் நிறுவனத்திற்கு சொந்தமான கூட்டுறவு பால் சங்கம் சுமார் 50 ஆண்டுகளுக்கு மேல் செயல்பட்டு வந்தது. இக்கிராமத்தில் 500க்கும் மேற்பட்டோர் 1000 கால்நடைகளை வளர்த்து வருகின்றனர். இதனால் இக்கிராமத்தில் மட்டும் தினந்தோறும் சுமார் 2000 லிட்டர் பால் கொள்முதல் நடைபெறுகிறது. அவ்வாறு பெறப்படும் பாலை அருகில் உள்ள கூட்டுறவு பால் சங்கத்தில் செலுத்தி வந்தனர். 

அதன் பின்னர் மெல்ல மெல்ல சங்க பணிகள் தொய்வடைந்தன. தற்பொழுது 20 ஆண்டுகளாக கூட்டுறவு பால் சங்கம் செயல்படுவதில்லை என்று பொதுமக்கள் குற்றம் சாட்டுகின்றனர். இது குறித்து அப்பகுதி மக்கள் கூறுகையில், ஏரிகுத்தி கிராமத்தில் கூட்டுறவு பால் சங்கம் செயல்பட்டு வந்தது. தற்பொழுது பால் சங்கம் செயல்படுவதில்லை. இதனால் கிராமத்தில் உள்ள பால் வியாபாரிகள் பொதுமக்களிடம் பெறப்படும் பாலை சில்லறை விற்பனை செய்துவிட்டு மீதம் உள்ள பாலை தனியார் பால் நிறுவனங்களுக்கு தினந்தோறும் ஏற்றுமதி செய்கின்றனர். 

பால் வியாபாரிகள் எங்களுக்கு லிட்டர் ஒன்றுக்கு 20 முதல் 25 ரூபாய் வரை தான் கொடுக்கின்றனர். இந்தத் தொகையானது கால்நடைகளுக்கு தீவனம் வாங்குவதற்கும் மருத்துவ செலவு பார்ப்பதற்கும் சரியாக உள்ளது. இதே போல் அருகில் உள்ள கொத்தப்பள்ளி ஓங்குப்பம் உள்ளிட்ட கிராம மக்கள் சுமார் 12 கிலோமீட்டர் தொலைவில் உள்ள துலக்கண்குட்டை கிராமத்திற்கு சென்று தனியாருக்கு பாலை ஏற்றுமதி செய்து வருகின்றனர். இதனால் கால்நடை வைத்திருப்போர் வருமானம் குறைவு என்பதால் கால்நடைகளை விற்று வருகின்றனர். மேலும் பால் உற்பத்தியும் கணிசமாக குறைந்துள்ளது. 

புது வாழ்வு திட்ட மூலம் பால் பெற்று தனியாருக்கு விற்று வந்தனர். தற்பொழுது புது வாழ்வு திட்டமும் 5 வருடமாக செயல்படவில்லை. மேலும் பால் வியாபாரிகள் பாலை பெற்றுக் கொண்டு மாதம் ஒருமுறை அல்லது இரண்டு மாதத்திற்கு ஒரு முறை தான் எங்களுக்கு சேர வேண்டிய நிலுவை தொகையை கொடுக்கின்றனர். மீண்டும் ஏற்கனவே இருந்தது போல் அரசின் கூட்டுறவு பால் சங்கம் செயல்பட்டால் கிராம மக்கள் உட்பட சுற்றுப்புற பகுதி மக்கள் பாலை அரசுக்கு செலுத்தி அரசிடம் வரும் மானியத்தின் மூலம் எங்கள் வாழ்வாதாரத்தை பெருக்கிட வழிவகை செய்ய வேண்டும் என்கிறார்கள்.