Skip to main content

தனியார் விடுதியில் 5 வயது சிறுமி கொலை; மாந்திரீக மந்திரவாதியால் விபரீதம்

Published on 06/01/2019 | Edited on 06/01/2019

நாகையில் விடுதி ஒன்றில் 5 வயது சிறுமி தலையணையால் அழுத்தி கொல்லப்பட்ட சம்பவத்தில் தொடர்புடைய ஆண் மந்திரவாதி, பெண், ஒரு கைக்குழந்தை உட்பட 3 பேர் விஜயவாடா அருகே ரயில்வே தண்டவாளத்தில் ரயில் முன் பாய்ந்து தற்கொலை செய்துகொண்ட சம்பவம் பெரும் அதிர்ச்சியை ஏற்படுத்தியுள்ளது.

 

A 5-year-old girl was killed in a private hotel

 

 

வேளாங்கண்ணியில் உள்ள ஒரு தனியார் விடுதியில் அறை ஒன்றில் 5 வயது சிறுமி  கொல்லப்பட்ட சம்பவம் தொடர்பான விசாரணையில் சிசிடிவி கேமராவில் பதிவான சிசிடிவி காட்சிகளில் அதிக சிகை வைத்துக் கொண்ட ஆண் ஒருவர் தனது இடுப்பில் ஒரு குழந்தையை வைத்துக்கொண்டு நடந்துவர பின்னே ஒரு பெண் நடந்து வரும் காட்சிகள் பதிவாகியிருந்தது.

 

அதே விடுதியில் அவர்கள் தங்கி இருந்த அறையில் மூன்று நாட்கள் கடந்தபிறகு இவர்கள் தங்கியிருந்த அறையில் இருந்து துர்நாற்றம் வீசத் தொடங்கியது. இதனையடுத்து அந்த அறை திறக்கப்பட்டது. அறையில் 5 வயது சிறுமி தலையணையால் அழுத்தப்பட்டு கொலை செய்யப்பட்டிருந்தார். 

 

A 5-year-old girl was killed in a private hotel

 

மாந்திரீக சாமியார் கோபாலகிருஷ்ணன் தங்கும்விடுதியில்  அளித்த ஆதார் அட்டையின் நகலை கொண்டு விடுதியில் கொலை செய்யப்பட்ட சிறுமி நெல்வாய் கிராமத்தைச் சேர்ந்த கால் டாக்சி ஓட்டுநர் தனசேகரனின் மூத்த மகள் என்பதை போலீசார் கண்டறிந்தனர். எதற்காக இந்த சிறுமி கொல்லப்பட்டார் சாமியாருக்கும் இந்த கொலைக்கும் என்ன சம்பந்தம் போன்றவற்றை துப்பு துலக்க போலீசார் விசாரணையை தொடங்கினர்.

 

ஆனால் இதற்கிடையில் மாந்திரீக சாமியார் கோபாலகிருஷ்ணன், கால்டாக்ஸி ஓட்டுனரின் மனைவி ஜெயந்தி மற்றும் அவர்கள் கையில் வைத்திருந்த மற்றொரு 3 வயது குழந்தை என மூவரும் விஜயவாடாவில் ரயில் முன்பு பாய்ந்து தற்கொலை செய்து கொண்டனர் என்ற தகவல் அதிர்ச்சியை ஏற்படுத்தியுள்ளது.

 

murder

 

எதற்காக கொலை செய்தனர். பின்னர் எதற்காக ஆந்திரா சென்றனர் அதன் பின்னர் ஏன் தற்கொலை செய்து கொண்டனர் என்ற மர்மம் புரியாத புதிராகவே போலீசாருக்கு இருந்தது தற்கொலை செய்துகொண்ட 3 பேரின் சடலங்களும் வேலூர் மாவட்டம் நெல்வாய் கிராமத்திற்கு அனுப்பப்பட்டது. 

 

தற்கொலை செய்துகொண்ட  தனது மனைவி ஜெயந்தி வெளியில் கூட அதிகம் செல்ல மாட்டார் அவருக்கு எப்படி வேளாங்கண்ணி வரை செல்ல துணிவு வந்தது என்று எனக்கே தெரியவில்லை. கோபாலகிருஷ்ணனின் வீட்டில் மலையாள மாந்திரீகம் பற்றிய புத்தகங்களும் மாந்திரீகம் செய்வதற்கான பொருட்களும் எப்பொழுதுமே இருக்கும். அவர் பெண்களை வசியம் செய்வது, பேய் ஓட்டுவது, சாமி ஆடுவது என பல மாந்திரீக செயல்களில் ஈடுபடுபவர் எனவே தனது மனைவியை அவர் வசியம் செய்து தான் கூட்டி சென்று இருக்க வேண்டும்  என  தற்கொலை செய்துகொண்ட பெண் ஜெயந்தியின் கணவர் தனசேகரன் வாக்குமூலம் அளித்துள்ளார்.

 

murder

 

 

 

murder

 

இந்த சம்பவத்தில் தொடர்புடைய தற்கொலை செய்துகொண்ட சாமியார் கோபாலகிருஷ்ணன் ஜெயந்திக்கு பெரிய மாமனார் முறை.  இதனையடுத்து போலீசார் மேற்கொண்ட விசாரணையில் தற்கொலைக்கான காரணம் தெரியவந்துள்ளது. கால் டாக்ஸி ஓட்டுநரான தனசேகரன் இரவு பகல் பாராது வெளியூர்களுக்கு  டாக்ஸி ஓட்டுநர் பணி புரிய செல்வதால் அவரது மனைவிக்கு உதவிகளை செய்ய மாந்திரீக சாமியார் கோபாலகிருஷ்ணன் அடிக்கடி அவரது வீட்டிற்கு சென்றுள்ளார். இதனால் அப்பகுதியில் உள்ள மக்கள் ஜெயந்தியையும் மாந்திரீக சாமியார் கோபாலகிருஷ்ணனுக்கும் இடையே தவறான உறவு இருக்கின்றது என சந்தேகித்தனர். இதனையடுத்து பெரும் மன உளைச்சலுக்கு ஆளான ஜெயந்தியும், மாந்திரீக சாமியார் கோபாலகிருஷ்ணனும் நாகை வேளாங்கண்ணி சென்றுள்ளனர். அங்கு தங்கும் விடுதி ஒன்றில் அறை எடுத்து தங்கியிருந்த நிலையில் 5 வயது சிறுமி இடையூறாக இருப்பதாக எண்ணி தலையணையை வைத்து அழுத்தி கொலை செய்தனர். 

 

அதன் பின்பு அங்கிருந்து ஆந்திர மாநிலம் விஜயவாடா சென்ற அவர்கள் சிறுமியை கொலை செய்ததால் எப்படியும் காவல்துறையிடம் மாட்டிக் கொள்வோம் என முடிவு செய்து மன உளைச்சலின் வெளிப்பாடாக ரயிலின் முன் தற்கொலை செய்து கொண்டதாக காவல்துறை வட்டாரங்கள் தெரிவிக்கின்றது.

 

 

 

 

 

 

 

சார்ந்த செய்திகள்

 

Next Story

ரவுடி திருவேங்கடம் என்கவுண்டர்; ‘நடந்தது என்ன?’ -  காவல்துறை விளக்கம்!

Published on 14/07/2024 | Edited on 14/07/2024
Thiruvenkadam incident An explanation has been given by the Chennai Police

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்படார். இது தொடர்பாக 11 பேர் சரணடைந்த நிலையில் 11 பேரும் கைது செய்யப்பட்டு போலீஸ் கஸ்டடி காவலில் விசாரணைக்காக அனுமதிக்கப்பட்டனர். இந்த வழக்கில் கைது செய்யப்பட்ட ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது.

இத்தகைய சூழலில் தான் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் இந்த வழக்கு தொடர்பான திடுக்கிடும் தகவல்களையும், அதற்கான சதி திட்டம் தீட்டிய இடத்தில் நாட்டு வெடிகுண்டுகள் பதுக்கி வைக்கப்பட்டுள்ளது குறித்தும் தெரிவித்துள்ளார். இதனையடுத்து அவரை இன்று (14.07.2024) அதிகாலை புழல் வெஜிடேரியன் நகருக்கு அழைத்துச் சென்று தடயங்கள் ஏதேனும் உள்ளதா? என்பது குறித்து கண்டறிவதற்காக காவல்துறையினர் சென்றனர். அப்போது அவர்களின் பிடியில் இருந்து ரவுடி திருவேங்கடம் தப்பிச் சென்று, அப்பகுதியில் உள்ள இரும்பு தகடு வேயப்பட்ட சிறு கூரையின் உள்ளே பதுங்கிக் கொண்டு அங்கு மறைத்து வைத்திருந்த துப்பாக்கியால் காவல்துறையினரை நோக்கி சுட்டுள்ளார்.

Thiruvenkadam incident An explanation has been given by the Chennai Police

அப்போது சரணடையும்படி எச்சரிக்கை விடுத்தும் சரணடையாமல் வெளியே வர மறுத்து தப்பி செல்ல திட்டம் தீட்டியதாக தெரிகிறது. இதனால் வேறு வழியின்றி காவல்துறையினர் ரவுடி திருவேங்கடத்தை இரண்டு முறை துப்பாக்கியால் சுட்டதில் மார்பிலும், வயிற்றிலும் துப்பாக்கி குண்டு பாய்ந்ததில் சுருண்டு விழுந்துள்ளார். அதனைத் தொடர்ந்து அவரை மீட்டு மாதவரத்தில் உள்ள தனியார் மருத்துவமனை கொண்டு சென்றனர். அங்கு திருவேங்கடத்தின் உடலைப் பரிசோதித்த மருத்துவர்கள் ஏற்கனவே இறந்து விட்டதாக தெரிவித்துள்ளனர். பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் கொலை வழக்கில் தொடர்புடைய முக்கிய குற்றவாளியை காவல்துறையினர் துப்பாக்கியால் சுட்டு கொன்ற சம்பவம் சென்னையில் பெரும் பரபரப்பை ஏற்படுத்தியுள்ளது.

இந்நிலையில் இந்த என்கவுண்டர் சம்பவம் தொடர்பாக பெருநகர சென்னை காவல்துறை சார்பில் விளக்கம் அளிக்கப்பட்டுள்ளது. அதில், “பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் (52 வயது) கடந்த 5 ஆம் தேதி (05.07.2024) கொலை செய்யப்பட்டார். இது தொடர்பாக கே - 1 செம்பியம் காவல் நிலையத்தில் வழக்கு பதிவு செய்து விசாரணை மேற்கொள்ளப்பட்டது. இந்த விசாரணையில் சென்னை   குன்றத்தூர், பகுதியைச் சேர்ந்த கண்ணன் என்பவரின் மகன் திருவேங்கடம் (வயது 33) உட்பட 11 நபர்கள் கைது செய்யப்பட்டு சிறையில் அடைக்கப்பட்டனர். 

Thiruvenkadam incident An explanation has been given by the Chennai Police

இவ்வாறு கைது செய்யப்பட்ட திருவேங்கடம் உட்பட 11 நபர்கள் விசாரணைக்காக போலீஸ் காவலில் எடுக்கப்பட்டனர். அதில் திருவேங்கடம் இந்த கொலை வழக்கு தவிர இரண்டு கொலை வழக்குகள் மற்றும் வழிப்பறி, கொடுங்காய வழக்கு உள்ளிட்ட ஐந்து வழக்குகளில் சம்பந்தப்பட்டுள்ளார். அவரது வாக்குமூலத்தின் அடிப்படையில் இன்று (14.07.2024) அதிகாலை போலீஸ் காவலில் இருந்த திருவேங்கடத்தை இந்த வழக்கில் சம்பந்தப்பட்ட ஆயுதங்களை கைப்பற்ற எதிரி தங்கியிருந்த மணலியில் உள்ள வீட்டிற்கு தக்க பாதுகாப்புடன் அரசு வாகனத்தில் அழைத்து செல்லப்பட்டார். அவ்வாறு அழைத்து செல்லும்போது, இயற்கை உபாதைக்காக ரெட்டேரி ஏரிக்கரை ஆட்டு மந்தை செல்லும் வழியில் போலீஸ் வாகனத்தை நிறுத்தினர்.

அப்போது பாதுகாப்பில் இருந்த காவலர்களை தள்ளிவிட்டு திருவேங்கடம் தப்பி ஓடிவிட்டார். உடனடியாக பாதுகாவலாக சென்ற காவலர்கள் அவரை பிடிக்க முயற்சித்தும் பிடிக்க இயலவில்லை. புழல் காவல் நிலைய எல்லைக்குட்பட்ட வெஜிடேரியன் வில்லேஜ் என்ற இடத்தில் மறைந்திருந்த திருவேங்கடத்தை பிடிக்க முயற்சித்தபோது  தான் மறைத்து வைத்திருந்த கள்ளத்துப்பாக்கியை எடுத்து காவலர்களை நோக்கி சுட்டுள்ளார். உடனடியாக காவல் ஆய்வாளர் திருவேங்கடத்தை தற்காப்பிற்காக துப்பாக்கியால் சுட்டதில், காயமடைந்த திருவேங்கடம் உடனடியாக மெரிடியன் மருத்துவமனைக்கு அழைத்து செல்லப்பட்டார். அவரை பரிசோதித்த மருத்துவர்கள் அவர் இறந்துவிட்டதாக தெரிவித்தனர். இது சம்பந்தமாக எம் - 3 புழல் காவல் நிலையத்தில் வழக்கு பதிவு செய்யப்பட்டு முதல் தகவல் அறிக்கை நீதிமன்ற நிதிபதி விசாரணைக்காக அனுப்பப்பட்டுள்ளது” எனத் தெரிவித்துள்ளார். 

Next Story

டிஜிட்டல் பேனரால் ஏற்பட்ட தகராறு; போலீசார் குவிப்பு

Published on 14/07/2024 | Edited on 14/07/2024
Dispute caused by Digital Banner; Police build up

டிஜிட்டல் பேனரால் ஏற்பட்ட தகராறில் கோவில் பண்டிகை கலவரக்காடான சம்பவம் கரூரில் பரபரப்பை ஏற்படுத்தியுள்ளது.

கரூர் மாவட்டம் குளித்தலை பொய்யாமணி அம்பேத்கர் நகரில் காளியம்மன் கோவில் ஒன்று உள்ளது. இந்தக் கோவிலில் கடந்த பன்னிரண்டாம் தேதி கும்பாபிஷேக விழா நடைபெற்றது. கும்பாபிஷேக விழாவை முன்னிட்டு கிராமத்தைச் சேர்ந்த ஒரு தரப்பினர் குறிப்பிட்ட இடங்களில் வரவேற்பு அளிக்கும் வகையில் டிஜிட்டல் பேனர்கள் வைத்திருந்தனர். அந்த டிஜிட்டல் பேனரை மாற்றுச் சமூகத்தைச் சேர்ந்த இளைஞர் ஒருவர் கிழித்ததாகக் கூறப்படுகிறது. இதனால் ஏற்பட்ட வாக்குவாதம் தகராறாக மாறியது.

இதில் இரண்டு தரப்பு மோதி கொண்ட நிலையில் நான்கு பேர் காயமடைந்து குளித்தலை அரசு மருத்துவமனையில் அனுமதிக்கப்பட்டுள்ளனர். ஒரு சாரார் சாலையில் அமர்ந்து போராட்டத்தில் ஈடுபட்டுள்ளனர். இதனால் அந்தப் பகுதியில் அதிகப்படியான போலீசார் பாதுகாப்புக்காக குவிக்கப்பட்டுள்ளனர். இதனால் அந்தப் பகுதியில் பரபரப்பு ஏற்பட்டுள்ளது.