Skip to main content

தனியார் நிறுவனத்தில் போலி நகைகளை அடகு வைத்து 4.10 லட்சம் மோசடி

Published on 02/10/2023 | Edited on 02/10/2023

 

 4.10 lakh fraud by pawning fake jewelery in a private company

 

சேலத்தில் தனியார் நிறுவனத்தில் போலி நகைகளை அடகு வைத்து 4.10 லட்சம் ரூபாய் மோசடி செய்த சம்பவம் குறித்து காவல்துறையினர் விசாரித்து வருகின்றனர்.

 

சேலம் புதிய பேருந்து நிலையம் அருகே, தனியார் தங்க நகை அடகு நிறுவனம் இயங்கி வருகிறது. இதன் மேலாளராக ஓமலூர் கோட்டகவுண்டம்பட்டியைச் சேர்ந்த மதியழகன் (30) பணியாற்றி வருகிறார்.

 

இந்நிறுவனத்தில் கடந்த 2022ம் ஆண்டு டிசம்பர் 26ம் தேதி, அழகாபுரம் குடிநீர் வாரிய ஊழியர்கள் காலனியைச் சேர்ந்த அப்துல்காதர் (44) என்பவர் 28.50 கிராம் எடையுள்ள இரண்டு தங்க வளையல்களை அடகு வைத்து 1.18 லட்சம் ரூபாய் கடன் பெற்றார்.

 

அடுத்த நான்கு நாள்கள் கழித்து மீண்டும் வந்த அவர் 70.10 கிராம் எடையுள்ள 6 தங்க வளையல்களை அடகு வைத்து, 2.92 லட்சம் ரூபாய் கடன் பெற்றுச் சென்றார். 

 

இந்நிலையில், சில நாள்களுக்கு முன்பு அந்த நிறுவனத்தில் அடகு வைத்த நகைகள் தணிக்கை செய்யப்பட்டது. அப்போது அப்துல்காதர் அடகு வைத்த நகைகள் அனைத்தும் போலியானவை என்பதும், அதன் மூலம் 4.10 லட்சம் ரூபாய் கடன் பெற்று மோசடி செய்திருப்பதும் தெரிய வந்தது. 

 

இதையடுத்து மேலாளர் மதியழகன் அழகாபுரம் காவல்நிலையத்தில் அப்துல்காதர் மீது புகார் அளித்தார். அதன்பேரில் காவல்துறையினர் வழக்குப்பதிவு செய்து, விசாரித்து வருகின்றனர். 

 

சார்ந்த செய்திகள்

Next Story

குடிநீரில் கலந்த கழிவுநீர்; 50க்கும் மேற்பட்டோர் மருத்துவமனையில் சேர்ப்பு

Published on 04/04/2024 | Edited on 04/04/2024
sewage mixed with drinking water; More than 50 people were hospitalized

சேலம் மாவட்டம் வாழப்பாடி அருகே குடிநீர் குழாய் உடைந்து கழிவுநீர் கலந்த நிலையில் கழிவுநீர் கலந்த நீரை குடித்த 50க்கும் மேற்பட்டோர் வாந்தி, மயக்கம் என உடல் நலம் பாதிக்கப்பட்டு மருத்துவமனையில் அனுமதிக்கப்பட்டுள்ள சம்பவம் பரபரப்பை ஏற்படுத்தியுள்ளது.

சேலம் மாவட்டம் வாழப்பாடி பகுதியைச் சேர்ந்த முத்தம்பட்டி, ஏத்தாப்பூர், பெத்தநாயக்கன்பாளையம் உள்ளிட்ட பகுதிகளில் குடிநீரில் கழிவுநீர் கலந்துள்ளதாக தெரிகிறது. இதில் 50க்கும் மேற்பட்டோர் வாந்தி, மயக்கம் காரணமாக மருத்துவமனையில் அனுமதிக்கப்பட்டுள்ளனர். குடிநீர் குழாயில் ஏற்பட்ட திடீர் உடைப்பு காரணமாக அதில் கழிவுநீர் கலந்ததும் அந்த நீரை பயன்படுத்தியதால் பலருக்கு உடல்நலம் பாதிக்கப்பட்டதும் தெரியவந்துள்ளது. இது குறித்து அதிகாரிகள் உடனடியாக நடவடிக்கை எடுக்க வேண்டும் என கிராம மக்கள் கோரிக்கை வைத்துள்ளனர்.

Next Story

அ.தி.மு.க. நகரச் செயலாளர் வீட்டில் ரூ.50 லட்சம் பறிமுதல்; வருமானவரித் துறை அதிரடி!

Published on 03/04/2024 | Edited on 03/04/2024
Income tax depat 50 lakh seized from ADMK city secretary house

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களை தொடங்கியுள்ளன.

இந்நிலையில், தேர்தலில் வாக்களிக்க வாக்காளர்களுக்கு பணப்பட்டுவாடா செய்வது குறித்து வருமான வரித்துறையினருக்கு புகார் தெரிவிக்கப்பட்டுள்ளது. இதனையடுத்து, சேலம் மாவட்டம் தாரமங்கலம் அ.தி.மு.க. நகரச் செயலாளர் பாலசுப்பிரமணியம் என்பவரின் வீடு மற்றும் நகைக் கடையில் 5 மணி நேரத்திற்கு மேலாக வருமான வரித்துறை அதிகாரிகள் சோதனை நடத்தி வருகின்றனர். இந்த சோதனையின் போது ரூ. 50 லட்சம் ரொக்கம் பறிமுதல் செய்யப்பட்டுள்ளது. மேலும் பாலசுப்பிரமணியத்தின் வீட்டில் இருந்து தங்கக் கட்டிகள் மற்றும் ஆவணங்களை வருமானவரித் துறையினர் கைப்பற்றியுள்ளனர்.

அதே சமயம் சேலத்தின் முக்கிய வீதிகளான சின்னக்கடைவீதி, பெரிய கடைவீதி உள்ளிட்ட பகுதிகளில் உள்ள வியாபாரிகளிடம் அ.தி.மு.க. வேட்பாளர் விக்னேஷுக்கு ஆதரவாக அக்கட்சியின் பொதுச் செயலாளர் எடப்பாடி பழனிசாமி இன்று காலை வாக்கு சேகரித்தது குறிப்பிடத்தக்கது.