புதுக்கோட்டையில் அடுத்தடுத்து பிடிப்பட்ட கள்ள நோட்டு கும்பல்... ரூ. 7.14 லட்சத்துடன் 3 பேர் பிடிபட்டனர்!!

இந்த நிலையில், புதுக்கோட்டையில் மேலும் பலர் கள்ள நோட்டுகளை புழக்கத்தில் விடுவதாக கிடைத்த தகவலின்படி போலீசார் அந்த கும்பலை தேடி வந்தனர். இந்த நிலையில் புதுக்கோட்டை பெருமாள் கோயில் அருகே உள்ள மார்க்கெட் காய்கறி கடையில் காய்கறி வாங்கும்போது கே.எல்.கே.எஸ் நகரை சேர்ந்த என்.ஜயராமன் (52) ரூ. 500 கள்ள நோட்டை கொடுத்து மாற்ற முயன்றுள்ளார்.

இது குறித்து காய்கறி கடை உரிமையாளர் சரவணன் கணேஷ் நகர் காவல் நிலையத்தில் புகார் அளித்தார். விரைந்து வந்த போலீசார் ஜயராமனை பிடித்து விசாரித்ததில், கள்ள நோட்டுகளை இவர்களே அச்சடித்து புழக்கத்தில் விட்டு வந்தது தெரியவந்தது.

அதன்படி, கட்டுக்கட்டாக கள்ள நோட்டுகளை அச்சடித்து புழக்கத்தில் விட்டு வந்த ஜயராமன், காந்தி நகர் 6-ம் வீதியை சேர்ந்த எம்.வேலு(50), பனையப்பட்டியை சேர்ந்த கே.பழனியப்பன்(53) ஆகியோரை கணேஷ்நகர் போலீஸார் நேற்று செய்தனர்.