Skip to main content

10 பைசா பிரியாணியால் விபரீதம்! கரோனாவை மறந்த மக்கள்!!

Published on 12/10/2020 | Edited on 12/10/2020

 

10 paisa biriyani at tirichy

 

திருச்சி தில்லைநகர் சாலை ரோட்டில் உள்ள பிரபல பிரியாணி கடையில், 10 பைசா கொடுத்தால் பிரியாணி என அறிவித்து, தன் கடையின் விளம்பரத்திற்காக கரோனா சமூகப் பரவலை உருவாக்கும் வகையில் கூட்டம் கூட்டியதை போலிசார் கண்டுகொள்ளாதது மக்கள் மத்தியில் அச்சத்தை உருவாக்கியுள்ளது.

 

கரோனா என்னும் பெருந்தொற்றால் லட்சக் கணக்கான உயிர்கள் தமிழகத்தில் பலியாகின. இதனால் 6 மாதங்களாக ஊரடங்கு, பல தொழிலாளர்களின் வாழ்வாதாரம் பாதிப்பு என நிலைமை இருந்தது. கடந்த செப்டம்பர் மாதம் ஓரளவு ஊரடங்கில் தளர்வு அறிவித்தது அரசு. ஆனாலும் இன்னும் கரோனா தாக்கம் நாளுக்கு நாள் அதிகரித்து வருகிறது.


சமூக இடைவெளி, முகக்கவசம், கிருமி நாசினி என பல்வேறு பாதுகாப்பு முறைகளை மக்கள் பின்பற்ற வேண்டும் என அறிவுறுத்தி திருமண மண்டபங்கள், அரசியல் கட்சி கூட்டங்கள், ஆர்ப்பாட்டங்கள் என பல்வேறு நிகழ்சிகளில் 20 பேருக்கு மேல் கூடினாலே வழக்கு, அனுமதி மறுப்பு எனக் கடுமையாக நடவடிக்கைகளை காவல்துறை எடுத்து வருகிறது. 

 

ஆனால், இதை எல்லாம் காற்றில் பறக்கவிட்டு, 10 பைசா பிரியாணிக்காக கரோனா தொற்றை மறந்து சமுக இடைவெளியில்லாமல், ஒரே இடத்தில் 400க்கும் மேற்பட்டவர்கள் திரண்டதை, திருச்சி தில்லைநகர் போலீஸ் ஏனோ கண்டுகொள்ளவில்லை என அப்பகுதி மக்கள் குற்றஞ்சாட்டுகின்றனர். ஞாயிற்றுக்கிழமை என்றாலே பிரியாணி பிரியர்களுக்கு பிரியமான நாள், சாதாரணமாகவே ஞாயிற்றுகிழமைகளில் பிரியாணி சமைத்துச் சாப்பிடுபவர்கள்,10 பைசாவுக்கு பிரியாணி என்றால் விட்டு விடுவார்களா? திருச்சி தில்லைநகர் சாஸ்திரி ரோட்டில் பிரபலமான பிரியாணி கடை ஒன்று, செல்லாது என ஒதுக்கிய 10 பைசா கொண்டுவரும் முதல் 100 நபர்களுக்கு பிரியாணி என்ற அறிவிப்பு சமூக வலைதளங்களான ஃபேஸ்புக், வாட்ஸ் அப்பில் வைரலாக பரவ, கடை முன்பு சுமார் 400க்கும் மேற்பட்டோர் திரண்டனர். 

 

எங்கிருந்தோ வீட்டில் எப்போதோ போட்டு சேமித்து வைத்திருந்த 10 பைசாக்களை தேடி எடுத்து பிரியாணி வாங்க சமுக இடைவெளி இல்லாமல் பலர் முகக்கவசம் இல்லாமல் கரோனா குறித்து அச்சம் ஏதுமில்லாமல் வரிசையில் நெருக்கி அடித்து தள்ளி 100 பேரில் ஒருவராகச் செல்ல முயன்றனர். 400க்கும் மேற்பட்டோர் முந்தி அடித்துக் கொண்டு செல்ல, அவ்வழியே வந்த தில்லைநகர் போலீசார் கூட்ட நெரிசலையோ, சமுக இடைவெளி இல்லாததையோ, சமூக பரவலையோ கண்டுகொள்ளாமல் வழக்கம்போல் இந்த 10 பைசாகூட கொடுக்காமல், பிரியாணி வாங்க வி.ஐ.பி.போல் சென்று வாங்கிவந்ததுதான் கொடுமை. \

 

Ad

 

இதில் ஒரு விஷயம் என்னவென்றால் பழையது என ஒதுக்கப்பட்ட 10 பைசாவின் மதிப்பு தற்போது 500 ரூபாய் ஆக 100 பேருக்கு என்ற கணக்கின்படி 50,000 சம்பாதித்து 20,000 செலவு செய்து, 30,000 ரூபாய்  லாபம் பார்த்த அந்த 10 பைசா பிரியாணி சூட்சுமம் தெரியாமல் சமுக இடைவெளியின்றி திரண்ட எத்தனை பேருக்கு கரோனா தொற்று ஏற்படப்போகிறதோ? காவல்துறை அலட்சியம் குறித்து மாநகர காவல் ஆணையர் நடவடிக்கை எடுத்து, பிரியாணி கடைகளின் இது போன்று உயிரோடு விளையாடும்  விளையாட்டை தடுப்பார்களா என சமூக ஆர்வலர்கள் கேள்வி எழுப்பினர்.

 

 

 

சார்ந்த செய்திகள்

Next Story

திருச்சி ரயில் நிலையத்தில் கட்டுக்கட்டாக பணம் பறிமுதல்!

Published on 28/03/2024 | Edited on 28/03/2024
Arbitrary seizure of money at Trichy railway station!

திருச்சி ரயில் நிலையத்தில் போலீஸார் மேற்கொண்ட சோதனையில் ரூ. 1.44 லட்சம் ரொக்கம் பறிமுதல் செய்யப்பட்டுள்ளது.

திருச்சி ஜங்ஷன் ரயில் நிலையத்தில் ரயில்வே போலீஸார் சோதனையில் ஈடுபட்டிருந்தனர். காரைக்குடியில் இருந்து திருச்சி நோக்கி வந்த ரயிலில் போலீஸார் மேற்கொண்ட சோதனையில், இளைஞர் ஒருவர் கட்டுக்கட்டாக பணத்தாள்களை வைத்திருந்தார். அவரிடம் போலீஸார் விசாரித்தபோது,. அவர் மதுரை அவனியாபுரம் பகுதியை சேர்ந்த நாகவேல்ராஜா (25) என்பதும், மளிகை பொருட்கள் மொத்த வியாபாரம் செய்யும் நிறுவனத்தில் வேலை செய்து வருவதும், மளிகை பொருட்கள் அனுப்பிய வகையில், நிலுவையில் இருந்த பணத்தை வசூல் செய்து வந்ததாகவும் தெரிவித்தார். அவர் வைத்திருந்த ரூ.1 லட்சத்து 44 ஆயிரத்து 618 ரொக்கத்துக்கான ஆவணங்கள் ஏதும் அவரிடம் இல்லை.

இதைத்தொடர்ந்து ரயில்வே போலீசார் அந்த பணத்தை பறிமுதல் செய்து பறக்கும்படை அலுவலர் வினோத்ராஜ் மூலம் திருச்சி மேற்கு வட்டாட்சியர் அலுவலகத்தில் ஒப்படைத்தனர்.

Next Story

“எதிரணி வேட்பாளர் போல் எங்கிருந்தோ வந்தவன் அல்ல நான்” - அ.தி.மு.க. வேட்பாளர் பிரச்சாரம்

Published on 28/03/2024 | Edited on 28/03/2024
AIADMK candidate Karuppaiya campaign in Trichy

திருச்சி நாடாளுமன்றத் தொகுதியில் அதிமுக வேட்பாளர் கருப்பையா திருவரங்கம்  ரெங்கநாதர் கோவில் ரெங்கா ரெங்கா கோபுரம் முன் சாஷ்டாங்கமாக விழுந்து வணங்கி தனது பிரச்சாரத்தை நேற்று மாலை தொடங்கினார். இந்த வாக்கு சேகரிப்பு நிகழ்ச்சிக்கு வடக்கு மாவட்டச் செயலாளர் பரஞ்ஜோதி தலைமை தாங்கிப் பேசினார்.

அப்போது பரஞ்ஜோதி பேசுகையில், திருச்சி பாராளுமன்ற தொகுதியில் போட்டியிடும் எடப்பாடியாரின் ஆசி பெற்ற அதிமுக வேட்பாளர் கருப்பையாவை பெருவாரியான வாக்குகள் வித்தியாசத்தில் அமோக வெற்றி பெறச் செய்ய வேண்டும். அவர் வெற்றி பெற்றால் திருச்சி பாராளுமன்ற தொகுதி மக்களின் குரலாக நிச்சயம் பாராளுமன்றத்தில் குரல் கொடுப்பார். மக்களின் வளர்ச்சி திட்டங்களுக்கு பாடுபடுவார் என்றார்.

திருச்சி தெற்கு மாவட்ட அதிமுக செயலாளர் ப.குமார் பேசியபோது, ஸ்ரீரங்கம் மண் இங்கு இருப்பவர்கள் மட்டுமல்லாமல் உலகத்தில் இருப்பவர்கள் யார் இங்கு வந்தாலும் அவரை உயரே தூக்கி விடுகின்ற மண். எனவே நிச்சயம் கருப்பையாவையும் உயரே கொண்டு வரும். அவர் மக்கள் பணி சிறப்பாக செய்வார். திருச்சி நாடாளுமன்ற தொகுதியில் வெற்றிடம் ஏற்பட்டுள்ளது. அந்த வெற்றிடத்தை நிரப்புகின்ற தகுதி அதிமுகவிற்கு மட்டும்தான் உள்ளது என்பதை பொதுமக்கள் நிரூபிப்பார்கள். கருப்பையா திருச்சியிலிருந்து மக்கள் பணி ஆற்றுவார் என உறுதியளிக்கின்றோம் என்றார்.

முன்னாள் அமைச்சர் விஜயபாஸ்கர் பேசுகையில், திருச்சி நாடாளுமன்ற தொகுதி எதை எதிர்பார்க்கிறதோ எதை ஆழமாக வேண்டும் என்று நினைக்கின்றதோ நாடாளுமன்ற உறுப்பினர் எப்படி சிறப்பாக செயல்பட வேண்டும் என நம்புகிறார்களோ அந்த நம்பிக்கைக்கு பாத்திரமாக உங்களுடைய உணர்வுகளுக்கு பாத்திரமாக உழைக்கக் கூடியவர் இளைஞர் கருப்பையா. உங்களை தாங்கியும் பிடிப்பார். உங்களுக்காக பாராளுமன்றத்தில் ஓங்கியும் குரல் கொடுப்பார் என்றார்.

ரெங்கா ரெங்கா கோபுரத்திற்கு முன்பாக வேட்பாளர் கருப்பையா பேசுகையில், எதிர் அணியில் நிற்கும் வேட்பாளரை போல் எங்கிருந்தோ வந்து தேவைக்காக ரெங்க நாதரையும் மக்களையும் சந்திக்கக் கூடியவர் நான் அல்ல. இந்த மண்ணின் மைந்தன் ஆகிய நான் மக்களுக்கு சேவை செய்ய வேண்டும். மக்களின் உரிமைகளை நாடாளுமன்றத்தில் ஒலிக்க செய்ய வேண்டும் என்பதற்காகவே போட்டியிடுகிறேன் என்றார்.

பிரச்சாரத்தில் முன்னாள் அமைச்சர் விஜயபாஸ்கர், மாவட்டச் செயலாளர்கள் குமார், பரஞ்சோதி, சீனிவாசன், அமைப்புச் செயலாளர்கள் ரத்தினவேல், மனோகரன், முன்னாள் அமைச்சர் வளர்மதி, சிறுபான்மை பிரிவு மாவட்டச் செயலாளர் புல்லட் ஜான், மீனவர் அணி பேரூர் கண்ணதாசன், இளைஞரணி மாவட்ட துணை செயலாளர் தேவா, ஜெயலலிதா பேரவை துணைச் செயலாளர் வி.என்.ஆர்.செல்வம், தமிழரசன், ஒன்றிய செயலாளர்கள் முத்துக்கருப்பன், ஜெயக்குமார், கோப்பு நடராஜ், பகுதி செயலாளர்கள் டைமன் திருப்பதி, சுந்தர்ராஜன், பொதுக்குழு உறுப்பினர் பிரியா சிவகுமார் மற்றும் கூட்டணிக் கட்சி நிர்வாகிகள், தொண்டர்கள் திரளாக கலந்து கொண்டனர்.