Skip to main content

கல்விக்கடன்  விண்ணப்பத்தை நிராகரித்த வங்கி அதிகாரிகளுக்கு 1 லட்சம் அபராதம் - நீதிபதி எச்சரிக்கை

Published on 29/06/2018 | Edited on 29/06/2018
loan

 

கல்விக்கடன் பெற தகுதியுள்ளவர்களின் விண்ணப்பத்தை நிராகரித்த வங்கி அதிகாரிகளுக்கு 1 லட்சம் ரூபாய் அபராதம் விதிக்க முடியும் என சென்னை உயர் நீதிமன்ற நீதிபதி எஸ்.வைத்தியநாதன் எச்சரித்துள்ளார். 

 

12ஆம் வகுப்பில் மாநில பாடத்திட்டத்தில் படித்து 1017 மதிப்பெண்கள் பெற்ற திருவண்ணாமலை மாவட்ட ஆரணியை சேர்ந்த எஸ்.நவீன், சென்னை தாம்பரம் சாய்ராம் கல்லூரியில் சித்தா மருத்துவக் கல்லூரியில் ஹோமியோபதி படிப்பில் சேர்ந்துள்ளார். தனது படிப்புக்கு தேவையான கல்விக்கட்டணத்துக்கு கடன் கோரி 2016 மார்ச் 28ஆம் தேதி இந்தியன் வங்கி ஆரணி கிளையில் விண்ணப்பித்துள்ளார். அதை பரிசீலித்த வங்கி, அந்த கல்லூரியிலிருந்து படிப்பை முடித்து சென்றவர்கள் தொடர்பான விவரங்களை கல்லூரி பராமரிக்கவில்லை என்று கூறி நவீனின் விண்ணப்பத்தை 2016 அக்டோபர் 18ஆம் தேதி நிராகரித்தது.

 

தனது மனு நிராகரிக்கப்பட்டதை ரத்து செய்யக்கோரியும், தனக்கு கல்விக்கடன் வழங்க உத்தாவிடக்கோரியும் நவீன் தொடர்ந்த வழக்கு சென்னை உயர்நீதிமன்ற நீதிபதி முன்பு விசாரணைக்கு வந்தது.

 

அப்போது வங்கி தரப்பில், இதுபோன்ற காரணத்துக்காக வருத்தம் தெரிவித்ததுடன், இனிவரும் காலங்களில், 2015 ஆண்டின் இந்திய வங்கிகள் சங்கத்தின் கல்விக்கடன் திட்டத்தின் விதிகளின்படி கல்விக்கடன் வழங்கப்படும் என உத்தரவாதம் அளித்தது.

 

இதனை ஏற்று, நவீனின் மனுவை மீண்டு பரீசீலித்து முடிவெடுக்க உத்தரவிட்டு நீதிபதி வழக்கை முடித்து வைத்தார். மேலும், கல்வியில் சிறந்து விளங்கின்ற மாணவனாக நவீன் இருக்கும் நிலையிலும், கடனை திருப்பி செலுத்துவதற்கான முழு தகுதி அவரது தந்தைக்கு உள்ளபோதிலும், வங்கி அதிகாரிகள் கல்விக்கடன் மறுத்ததை கண்டித்த நீதிபதி, இதுபோன்ற செயல்பாட்டிற்காக ஒரு லட்ச ரூபாய் அபராதம் விதித்து அதை சம்பந்தபட்ட அதிகாரிகளிடம் வசூலிக்கலாம் என தெரிவித்துள்ளார்.   ஆனால் இதுபோன்று இனி நடக்காது என வங்கி அளித்த உத்தரவாதத்தை ஏற்று, அபராதம் விதிக்காமல் வழக்கை முடித்துவைப்பதாக தெரிவித்துள்ளார்.
 

சார்ந்த செய்திகள்

 

Next Story

வெளியான தரவரிசை பட்டியல்; பொறியியல் கலந்தாய்வு தேதி அறிவிப்பு

Published on 10/07/2024 | Edited on 10/07/2024
Publishth Rank List; Date Notification of Engineering Consulate

தமிழகத்தில் பொறியியல் படிப்பிற்கான தரவரிசை பட்டியல் தற்போது வெளியிடப்பட்டுள்ளது.  

பொறியியல் கல்லூரிகளில் மாணவர்கள் சேர்க்கைக்கான விண்ணப்பப் பதிவு கடந்த மே மாதம் 6ஆம் தேதி (06.05.2024) முதல் கடந்த 6 ஆம் தேதி (06.06.2024) வரை நடைபெற்றது. இதில் 2 லட்சத்து 49 ஆயிரத்து 918 மாணவர்கள் விண்ணப்பம் பதிவு செய்தனர். தொடர்ந்து மாணவர்களின் கோரிக்கைகளை ஏற்று தமிழ்நாடு பொறியியல் சேர்க்கைக்கான விண்ணப்ப பதிவு 10.06.2024 மற்றும் 11.06.2024 என இரண்டு நாட்கள் மேலும் நீட்டிக்கப்பட்டது. இதுவரை தமிழக முழுவதும் 2.50 லட்சம் மாணவர்கள் பொறியியல் படிப்புக்கு விண்ணப்பித்துள்ளனர்.

இந்நிலையில் தமிழகத்தில் பொறியியல் படிப்பு மாணவர் சேர்க்கைக்கான தரவரிசை பட்டியல் வெளியிடப்பட்டுள்ளது. இதனை தொழில்நுட்ப கல்வி இயக்கக ஆணையர் வீரராகவராவ் வெளியிட்டுள்ளார். சான்றிதழ் பதிவேற்றிய ஒரு லட்சத்து 55 ஆயிரம் பேருக்கு கட் ஆப் நிர்ணயிக்கப்பட்டு, அதனடிப்படையில் தரவரிசை பட்டியல் தயாரிக்கப்பட்டுள்ளது. www.tneaonline.org  என்ற இணையதளத்தில் பொறியியல் தரவரிசை பட்டியல் வெளியாகியுள்ளது. அண்ணா பல்கலைக்கழகத்திற்கு உட்பட்ட கல்லூரிகளில் பி.இ மற்றும் பி.டெக் படிப்புகளுக்கான ஆன்லைன் கவுன்சில் ஜூலை 22 ஆம் தேதி தொடங்க உள்ளது என தொழில்நுட்ப கல்வி இயக்கக ஆணையர் வீரராகவராவ் அறிவித்துள்ளார். அரசுப் பள்ளி மாணவர்களுக்கான கலந்தாய்வு 22ஆம் தேதி தொடங்கி நடைபெறும் எனவும், பொதுப் பிரிவு மாணவர்களுக்கான கலந்தாய்வு 29 ஆம் தேதி தொடங்கி நடைபெறும் என்றும் அறிவிக்கப்பட்டுள்ளது.

Next Story

இறைச்சிக் கடையில் கடன் தர மறுத்த உரிமையாளருக்கு  அரிவாள் வெட்டு!

Published on 19/06/2024 | Edited on 19/06/2024
beaten on butcher shop owner who refused to give loan

கள்ளக்குறிச்சி மாவட்டம் சங்கராபுரம் அருகே உள்ள லக்கி நாயக்கன்பட்டி கிராமத்தைச் சேர்ந்தவர் காதர். இவரது மனைவி ஷகீரா. இருவரும் சேர்ந்து அதே பகுதியில் இறைச்சி கடை நடத்தி வருகின்றனர். அந்த இறைச்சி கடைக்கு அதே பகுதியைச் சேர்ந்த ராஜா என்பவர் இறைச்சியைக் கடனாக கேட்டதாக கூறப்படுகிறது. இறைச்சியைக் கடனாக கொடுக்க முடியாது எனக் காதர் கூறியுள்ளார், இதனால் ஆத்திரமடைந்த ராஜா, தான் மறைத்து வைத்திருந்த அரிவாளால் காதர் மற்றும் அவரது மனைவி ஷகீராவை வெட்டியுள்ளார்.

beaten on butcher shop owner who refused to give loan

இந்தத் தாக்குதலில் படு காயமடைந்த இருவரையும் அப்பகுதியில் உள்ள பொதுமக்கள் மீட்டு புதுபட்டு அரசு ஆரம்ப சுகாதார நிலையத்திற்கு அழைத்துச் சென்று முதலுதவி சிகிச்சை அளிக்கப்பட்டு பின்னர் இருவரும் மேல் சிகிச்சைக்காக சங்கராபுரம் அரசு மருத்துவமனையில் அனுமதிக்கப்பட்டனர். அங்கு அவர்களுக்கு சிகிச்சை அளித்த மருத்துவர்கள், அவர்களை மேல் சிகிச்சைக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனர்.

இது குறித்து வடபொன்பரப்பி காவல் நிலையத்தில் புகார் தரப்பட்டது. அதனைத்தொடர்ந்து இறைச்சிக் கடைக்கார தம்பதியினரை வெட்டிய ராஜா என்பவரை போலீசார் காவல் நிலையத்திற்கு அழைத்து வந்து விசாரணை மேற்கொண்டு வருகின்றனர். இறைச்சி கடனாக தர மறுத்ததால் இறைச்சிக்கடை தம்பதியினரை அறிவாளால் வெட்டிய சம்பவம் அப்பகுதியில் பெரும் பரபரப்பை ஏற்படுத்தி உள்ளது.