புழல், செம்பரம்பாக்கம், பூண்டி ஏரிகளில் உபரிநீர் திறப்பு அதிகரிப்பு!

வடகிழக்கு பருவமழை தொடங்கியுள்ள நிலையில், வங்கக் கடலில் ‘டிட்வா’ புயல் உருவாகியது. இந்த புயல், தென்மேற்கு வங்கக்கடல் மற்றும் அதனை ஒட்டி இருக்கக்கூடிய இலங்கை கடற்கரை வழியாக வடக்கு வடமேற்கு திசையை நோக்கி நகர்ந்து, நாளை (30.11.2025)  அதிகாலையில், வட தமிழ்நாடு, புதுச்சேரி மற்றும் அதனை ஒட்டியுள்ள தெற்கு ஆந்திரப் பிரதேச கடற்கரையை நோக்கி நகரக்கூடும் என்று தெரிவிக்கப்பட்டது. இதன் காரணமாக, தமிழக கடலோர மாவட்டங்கள், காவிரிப்படுகை மாவட்டங்கள், வட கடலோர மாவட்டங்களுக்கு மிகக் கனமழைக்கான எச்சரிக்கை விடுக்கப்பட்டது.

அதிலும் குறிப்பாக, ஒரு சில இடங்களில் அதிக கனமழை பெய்ய வாய்ப்பு உள்ளதால் தமிழகத்திற்கு இரு நாட்களுக்கு ரெட் அலர்ட் எச்சரிக்கையும் விடுக்கப்பட்டது. இந்த வலுவடைய உள்ள நிலையில், தமிழகத்தில் உள்ள பல்வேறு இடங்களில் கனமழை மற்றும் மிகக் கனமழை பெய்து வருகிறது. இந்நிலையில் கனமழை எச்சரிக்கையையடுத்து ஏரிக்கு நீர்வரத்து அதிகரிக்கப்படும் என்பதால் புழல் ஏரியில் இருந்து உபரி நீர் திறப்பு ஆயிரம் கன அடியாக அதிகரிக்கப்பட்டுள்ளது. இதனால் கரையோரம் வசிக்கும் பொதுமக்கள் பாதுகாப்பாக இருக்க அறிவுறுத்தப்பட்டுள்ளனர். 

அதே சமயம் டித்வா புயலால் ஏற்பட்ட கனமழை காரணமாக செம்பரம்பாக்கம்   ஏரிக்கான நீர்வரத்து அதிகரித்த நிலையில் தற்போது 24 கன அடி கொள்ளளவு கொண்ட செம்பரம்பாக்கம் நீர்மட்டம் 21.72 கன அடியாக உள்ளது. இதனால் பாதுகாப்பு கருதியும், முன்னெச்சரிக்கை நடவடிக்கையாகவும் அணையிலிருந்து திறக்கப்படும் உபரி நீரின் அளவு 1200 கன அடியாக அதிகரிக்கப்பட்டுள்ளது. ஏற்கனவே கரையோர பகுதிகளில் வசிக்கக்கூடிய மக்களைப் பாதுகாப்பாக வெளியேற்றும்படி உத்தரவு பிறப்பிக்கப்பட்டுள்ளதாகக் கூறப்படுகிறது. மேலும் பூண்டி அணையிலிருந்து  பூண்டி அணைகளில் இருந்து திறக்கப்படும்  நீரின் அளவு உயர்த்தப்பட்டு 2500 கன அடி உபரிநீர் திறக்கப்பட்டுள்ளது.