Advertisment

“செங்கோட்டையன் தவெகவில் இணையும் போது பார்த்தேன்” - சீமான் பேச்சு

seema

Seeman's speech he saw Sengottaiyan when he joined TVk

நாம் தமிழர் கட்சியின் தலைமை ஒருங்கிணைப்பாளர் சீமான் இன்று (29-11-25) வழக்கறிஞர் ப.ப.மோகனுடன் இணைந்து செய்தியாளர்களைச் சந்தித்துப் பேசினார். அப்போது அவர், “அப்பாவி இஸ்லாமியர்களை சிறையில் இருந்து விடுவிக்கவாவது எனக்கு ஓட்டு போட்டு வெற்றி பெறச் செய்யுங்கள் என்று முதல்வர் வாக்கு கேட்டு வெற்றி பெற்றார். கடைசியாக அதற்கு ஆளுநர் ஒப்புதல் அளிக்கவில்லை என்று சொல்கிறார்கள். சிறையில் இருக்கும் இஸ்லாமிய கைதிகள் முன்விடுதலை தாருங்கள் என்று உச்ச நீதிமன்றம் போகும் போது நீதிமன்றமும் விடுதலை கொடுத்துவிட்டது. ஆனால், அவர்கள் வெளியே வந்தால் இந்து மத தலைவர்களுக்கு ஆபத்து ஏற்படும் என்று இந்த அரசு பதில் மனுத்தாக்கல் செய்கிறது. மேலும் ஏற்கெனவே விடுதலை ஆகி வெளியே சென்றவர்களை மறுபடியும் இந்த அரசு சிறையில் அடைத்திருக்கிறது. இது தான் சிக்கல். இதை எதிர்த்து வழக்கறிஞர் மோகன் ஐயாவும் சட்ட போராட்டம் நடத்த இருக்கிறார். நானும், சென்னையில் மிகப்பெரிய போராட்டம் நடத்த இருக்கிறேன்” என்று கூறினார்.

Advertisment

அதனை தொடர்ந்து தவெகவில் செங்கோட்டையன் இணைந்ததை நீங்கள் எப்படி பார்க்கிறீர்கள் என்று செய்தியாளர்கள் கேள்வி எழுப்பினர். அதற்கு அவர், “அவர் இணையும் போது பார்த்தேன். செங்கோட்டையனுக்கு வாழ்த்துக்கள். எல்லா கட்சியும் தன்னுடைய அணியை வலுப்படுத்த தான் போராடும். நானும் கூட்டணி வைத்திருக்கேன், 8 கோடி மக்களோடு. மற்றவர்கள் முடிவுக்கு நான் கருத்து சொல்ல முடியாது” என்று கூறினார்.

Advertisment

இதையடுத்து பேசிய அவர், “இரு கட்சிகளும் மாறி மாறி குற்றச்சாட்டுகள் வைக்கிறார்கள். . இது இன்றைக்கு நடக்கவில்லை. அரை நூற்றாண்டு காலம் இப்படி தான் நடக்கிறது. ஏமாளிகளாக நாங்கள் தான் இருக்கிறோம். திமுகவை பற்றி அதிமுக சொல்வது உண்மை, அதிமுகவை பற்றி திமுக சொல்வது உண்மை. நாங்கள் இரண்டு பேரும் சரியில்லை என்கிறோம். இந்த நாட்டில் குற்றவாளிகள் பாதுகாக்கப்படுவதும் குற்றங்கள் போற்றப்படுவதும் உருவாகியிருக்கிறது. தினந்தோறும் பாலியல் வன்கொடுமை, கொலை, கொள்ளை நடக்கிறது. இந்த குற்றத்திற்கெல்லாம் தாயாக மது இருக்கிறது. தெருக்கு தெரு டாஸ்மாக்கை திறந்து வைத்திருக்கிறார்கள். அமைச்சரவையில் இருக்கிறவர்கள் அதிகாரத்தோடு திருடுகிறார்கள், இவர்கள் அதிகாரமின்றி திருடுகிறார்கள்” என்று கூறினார். 

ntk seeman
Advertisment
இதையும் படியுங்கள்
Here are a few more articles:
Read the Next Article
Subscribe