Skip to main content

நேற்று அண்ணாமலை கையால் அவார்டு; இன்று காவல்துறையால் கைது - சிக்கலில் உமா கார்கி

Published on 20/06/2023 | Edited on 20/06/2023

 

Yesterday, Annamalai gave the award; Arrested by police today; Uma Kargi in trouble

 

பாஜகவிற்கு ஆதரவாகவும் திமுகவிற்கு எதிராகவும் பல்வேறு கருத்துகளை தனது சமூக வலைதள பக்கங்களில் பதிவிட்டு வந்தவர் உமா கார்கி. இவர் திராவிட இயக்கத் தலைவர்களையும் கடுமையாக விமர்சித்து வந்தார். நேற்று பாஜக மாநிலத் தலைவர் அண்ணாமலை உமா கார்கிக்கு சிறந்த சமூக செயற்பாட்டாளர் என்ற விருதையும் வழங்கி இருந்தார்.

 

இந்நிலையில் இன்று காலை உமா கார்கியை காவல்துறையினர் கைது செய்துள்ளனர். கடந்த சனிக்கிழமை நடிகர் விஜய் மாணவர்களுக்கான கல்வி விருது வழங்கும் விழாவில் கலந்து கொண்டு சிறந்த மதிப்பெண்களை பெற்ற மாணவர்களுக்கு பரிசுகளை வழங்கினார். முன்னதாக அவ்விழாவில் அவர் பேசுகையில் மாணவர்கள் அம்பேத்கர், பெரியார், காமராஜர் குறித்து படிக்க வேண்டும் என்று கூறியிருந்தார்.

 

சமூக வலைதளத்தில் நடிகர் விஜய்யின் இந்த கருத்துக்கு ஆதரவாகவும் விமர்சித்தும் கருத்துகள் வந்த வண்ணம் இருந்தன. உமா கார்கியும் இது குறித்து தனது ட்விட்டர் பக்கத்தில் கடுமையாக விமர்சித்திருந்தார். இது தொடர்பாக விஜய் ரசிகர்கள் மற்றும் விஜய் மக்கள் இயக்கத்தினர் காவல்துறையில் புகார் அளித்திருந்தனர். கோவையிலும் உமா கார்கி மீது புகார் ஒன்று பதியப்பட்டு இருந்தது. அதில், உமா கார்கி மக்களிடையே குழப்பத்தை ஏற்படுத்தும் வகையில் முதலமைச்சரையும் தமிழ்நாடு அரசையும் விமர்சித்துள்ளதாக தெரிவிக்கப்பட்டிருந்தது.

 

இதனை அடுத்து உமா கார்கி இன்று காலை காவல்துறையினரால் கைது செய்யப்பட்டுள்ளார். நேற்று அண்ணாமலை அவருக்கு விருது கொடுத்ததும் இன்று காவல்துறையினரால் கைது செய்யப்பட்டது குறித்தும் பாஜகவினர் உமா கார்கிக்கு ஆதரவாக கருத்துகளை பதிவிட்டு வருகின்றனர்.

 

 

 

சார்ந்த செய்திகள்

 

Next Story

'பட்டப்பகலில் கள்ளச்சாராய விற்பனை'-ஆர்ப்பாட்டத்தை அறிவித்த தொல்.திருமாவளவன் எம்.பி!

Published on 20/06/2024 | Edited on 21/06/2024
'Sale of adulterated liquor in broad daylight'-Vck announced the protest

கள்ளக்குறிச்சியில் கள்ளச்சாராயம் குடித்து 40 க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இறப்புகளின் எண்ணிக்கையும் மணிக்கு மணி அதிகரித்து வருகிறது.

இந்தச் சம்பவத்தை அடுத்து தமிழ்நாடு முழுவதும் காவல்துறையினர் கள்ளச்சாராய சோதனைகளைத் தொடங்கியுள்ளனர். தற்போதைய நிலவரப்படி கள்ளக்குறிச்சி கள்ளச்சாராய சம்பவத்தில் உயிரிழப்பு 43 ஆக அதிகரித்துள்ளது. தற்போது வரை கள்ளச்சாராயம் அருந்திய சம்பவம் தொடர்பாக 90-க்கும் மேற்பட்டோர் கள்ளக்குறிச்சி, விழுப்புரம், சேலம், ஜிப்மர் ஆகிய மருத்துவமனைகளில் சிகிச்சை பெற்று வருகின்றனர்.

இந்த வழக்கு சிபிசிஐடிக்கு மாற்றப்பட்டு சிபிசிஐடி போலீசார் வழக்குப்பதிவு செய்து விசாரணை மேற்கொண்டு வருகின்றனர். இதற்காக ஐந்து தனிப்படைகள் அமைக்கப்பட்டு தீவிர விசாரணை மேற்கொள்ளப்பட்டு வருகிறது. கள்ளச்சாராய மரண சம்பவம் எதிரொலியாக தமிழகத்தில் அனைத்து பகுதிகளிலும் கண்காணிப்புகள் தீவிரப்படுத்தப்பட்டுள்ளது. குறிப்பாக தென் தமிழகத்தில் பல்வேறு மாவட்டங்களில் சிறப்பு குழுக்கள் அமைக்கப்பட்டுள்ளது.

'Sale of adulterated liquor in broad daylight'-Vck announced the protest

ஏற்கனவே கள்ளக்குறிச்சி கள்ளச்சாராய மரண சம்பவத்தை கண்டித்து அதிமுக போராட்டம் அறிவித்திருக்கும் நிலையில் விடுதலை சிறுத்தைகள் கட்சி தலைவர் திருமாவளவன் வரும் 24ம் தேதி சென்னையில் ஆர்ப்பாட்டம் நடைபெறும் என அறிவித்துள்ளார். இது குறித்து அவர் தெரிவித்துள்ளதாவது, 'முழு மதுவிலக்கை அமல்படுத்தக்கோரி வரும் 24ம் தேதி சென்னையில் விசிக தலைமையில் ஆர்ப்பாட்டம் நடைபெற இருக்கிறது. பலர் உயிரிழந்த சம்பவத்தில் தொடர்புடையோர் மீது நடவடிக்கை எடுக்க வேண்டும். பட்டப்பகலில் கள்ளச்சாராயம் விற்பனை ஆகிறது. இது அதிகாரிகளுக்கு தெரியாமல் நடக்க வாய்ப்பில்லை. மெத்தனால் எளிதாக கிடைக்கும் பொருள் அல்ல, ஆனால் கள்ளச் சந்தையில் விற்பனை ஆகிறது' என தெரிவித்துள்ளார்.

Next Story

கள்ளச்சாராய மரணம்; உயிரிழப்பு எண்ணிக்கை 43 ஆக உயர்வு

Published on 20/06/2024 | Edited on 20/06/2024
counterfeiting liquor; The death toll rises to 43

கள்ளக்குறிச்சியில் கள்ளச்சாராயம் குடித்து 40 க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இறப்புகளின் எண்ணிக்கையும் மணிக்கு மணி அதிகரித்து வருகிறது.

இந்தச் சம்பவத்தை அடுத்து தமிழ்நாடு முழுவதும் காவல்துறையினர் கள்ளச்சாராய சோதனைகளைத் தொடங்கியுள்ளனர். தற்போதைய நிலவரப்படி கள்ளக்குறிச்சி கள்ளச்சாராய சம்பவத்தில் உயிரிழப்பு 43 ஆக அதிகரித்துள்ளது. தற்போது வரை கள்ளச்சாராயம் அருந்திய சம்பவம் தொடர்பாக 90-க்கும் மேற்பட்டோர் கள்ளக்குறிச்சி, விழுப்புரம், சேலம், ஜிப்மர் ஆகிய மருத்துவமனைகளில் சிகிச்சை பெற்று வருகின்றனர்.

இந்த வழக்கு சிபிசிஐடிக்கு மாற்றப்பட்டு சிபிசிஐடி போலீசார் வழக்குப்பதிவு செய்து விசாரணை மேற்கொண்டு வருகின்றனர். இதற்காக ஐந்து தனிப்படைகள் அமைக்கப்பட்டு தீவிர விசாரணை மேற்கொள்ளப்பட்டு வருகிறது. கள்ளச்சாராய மரண சம்பவம் எதிரொலியாக தமிழகத்தில் அனைத்து பகுதிகளிலும் கண்காணிப்புகள் தீவிரப்படுத்தப்பட்டுள்ளது. குறிப்பாக தென் தமிழகத்தில் பல்வேறு மாவட்டங்களில் சிறப்பு குழுக்கள் அமைக்கப்பட்டுள்ளது. வேலூர் மாவட்டத்தில் நடைபெற்ற தேடுதல் வேட்டையில் சட்டவிரோத மது விற்பனை தொடர்பாக 50 க்கும்  மேற்பட்டோர் கைது செய்யப்பட்டுள்ளதாக தகவல்கள் வெளியாகியுள்ளன.