Skip to main content

“அவருக்கு எதிராக வேட்பாளரை நிறுத்தியது ஏன்?” - காங்கிரசுக்கு குமாரசாமி கேள்வி

Published on 26/05/2023 | Edited on 26/05/2023

 

"Why field a candidate against him?" Kumaraswamy's question to Congress

 

தற்போது செயல்பட்டு வரும் நாடாளுமன்றக் கட்டடம் 96 ஆண்டுகளுக்கு முன்பு ஆங்கிலேயர்களால் 1927 ஆம் வருடம் கட்டி முடிக்கப்பட்டது. இந்நிலையில் நாடாளுமன்றக் கட்டடத்தின் கட்டுமானம், பாதுகாப்பு வசதிகள் குறைவு மற்றும்  இட வசதி குறைவு காரணமாக புதிய நாடாளுமன்றக் கட்டடம் கட்ட வேண்டும் என்ற கோரிக்கைகள் பல ஆண்டுகளுக்கு முன்பே எழுந்த நிலையில் புதிய கட்டடம் கட்டுவதற்கான திட்டத்திற்கு பிரதமர் மோடி கடந்த 2020 டிசம்பர் 10 ஆம் தேதி அடிக்கல் நாட்டினார்.

 

கட்டுமானப் பணிகள் முடிந்த நிலையில் புதிய நாடாளுமன்றக் கட்டடம் வருகிற மே 28-ம் தேதி சவார்க்கர் பிறந்த நாளன்று பிரதமர் மோடியால் திறந்து வைக்கப்பட உள்ளது. மேலும் நாடாளுமன்றக் கட்டட திறப்பு விழாவுக்கான பணிகள் தீவிரமாக நடைபெற்று வருகிறது. தொடர்ந்து காங்கிரஸ் கட்சியின் முன்னாள் தலைவர் ராகுல் காந்தி தனது ட்விட்டர் பதிவில், "புதிய நாடாளுமன்றக் கட்டடத்தை குடியரசுத் தலைவர் தான் திறந்து வைக்க வேண்டும். பிரதமர் அல்ல" எனப் பதிவிட்டிருந்தார். நாடாளுமன்றக் கட்டடத்தை பிரதமர் மோடி திறந்து வைப்பதற்கு பலரும் தங்களது கண்டனங்களைத் தெரிவித்து வருகின்றனர். புதிய நாடாளுமன்றக் கட்டடத்தில் சபாநாயகரின் இருக்கை அருகில் செங்கோல் ஒன்று நிறுவப்பட உள்ளது.

 

தொடர்ந்து திமுக, விசிக, மதிமுக உட்பட 19 எதிர்க்கட்சிகள் நாடாளுமன்றம் திறப்பு விழாவினை புறக்கணிப்பதாக கூட்டாக அறிவித்துள்ளன. அவர்கள் வெளியிட்ட அறிக்கையில், "நாட்டின் முதல் குடிமகனாக பழங்குடியினத்தைச் சேர்ந்த பெண் ஒருவர், தேர்ந்தெடுக்கப்பட்டதன் நோக்கத்தையே மோடி அரசு சீர்குலைத்துவிட்டது; குடியரசுத் தலைவர் ஒப்புதலின்றி நாடாளுமன்றமே செயல்பட முடியாது என்ற நிலை உள்ளபோது, அவர் இல்லாமல் புதிய நாடாளுமன்றத்தை திறப்பது அரசியலமைப்பை மீறும் செயல்" என எதிர்க்கட்சிகள் கண்டனம் தெரிவித்துள்ளன.

 

தொடர்ந்து பிரதமர் மோடி நாடாளுமன்றக் கட்டடத்தைத் திறந்து வைப்பதை எதிர்த்து உச்ச நீதிமன்றத்தில் பொதுநல மனுத்தாக்கல் செய்யப்பட்டுள்ளது. புதிய நாடாளுமன்றக் கட்டடத்தை ஜனாதிபதி திறந்து வைக்க ஆணையிடக் கோரியும்  புதிய நாடாளுமன்றக் கட்டடத்தை திறக்க ஜனாதிபதியை அழைக்காததின் மூலம் அரசியல் சட்டத்தை மக்களவைச் செயலகம் மீறி விட்டதாகவும் அந்த புகாரில் தெரிவிக்கப்பட்டுள்ளது.

 

இந்நிலையில் ஜனதா தள கட்சியின் தலைவரும் முன்னாள் கர்நாடக முதலமைச்சருமான குமாரசாமி, “இப்போது காங்கிரஸ் கட்சியினர் இந்திய ஜனாதிபதியின் மேல் மிகுந்த மரியாதையையும் பாசத்தையும் காட்டுகிறார்கள். பின் ஏன் ஜனாதிபதி தேர்தலின் போது அவருக்கு எதிராக வேட்பாளரை நிறுத்தினார்கள். ஆதிவாசிகளை பாஜகவினர் இழிவு படுத்துகிறார்கள் என காங்கிரஸ் கட்சியினர் சொல்கிறார்கள். காங்கிரஸ் கட்சியின் இத்தகைய செயல்கள் அனைத்தும் மக்களின் கவனத்தை திசை திருப்பவும் சமூகத்தில் ஒரு பிரிவினரின் வாக்குகளைப் பெற மட்டுமே” எனக் கூறியுள்ளார்.

 

 

சார்ந்த செய்திகள்

 

Next Story

கிரிவலம் முடித்துவிட்டு ஊருக்குத் திரும்பிய கர்நாடக பக்தர்கள் உயிரிழப்பு!

Published on 22/06/2024 | Edited on 22/06/2024
devotees who returned to town after completing Girivalam lost their lives

திருவண்ணாமலை அணைக்கரை ரிங் ரோடு அருகில் கர்நாடகா பதிவெண்  கொண்ட காரில் திருவண்ணாமலை பௌர்ணமி கிரிவலம் முடித்துவிட்டு பெங்களூர் நோக்கி சென்றனர். திருவண்ணாமலை அடுத்த நல்லவன் பாளையத்திலிருந்து கீழ்நாத்தூர் நோக்கி இரண்டு சக்கர வாகனத்தில் இரண்டு வாலிபர்கள் திருவண்ணாமலை நகருக்குள் சென்றனர். 

அணைக்கரை ரிங் ரோடு அருகே காரும் இரு சக்கர வாகனமும் நேருக்கு நேர் மோதிக்கொண்டது. இந்த விபத்தில் சம்பவ இடத்திலேயே, முருகன் வயது 36 தந்தை பெயர் ராஜமாணிக்கம், சே அகரம் செங்கம் தாலுக்கா, விஜயகாந்த் வயது 32 தந்தை பெயர் நாராயணன் கீழாத்தூர் ஆகிய இரண்டு வாலிபர்கள் உயிரிழந்தனர்.

விபத்து நடந்தது நேற்று இரவு பௌர்ணமி கிரிவலம் என்பதால் பெரும் போக்குவரத்து நெரிசல் ஏற்பட்டது. நகரத்துக்குள் வரும் 9 சாலைகளும் பெரும் சிரமத்தை சந்தித்தனர். விபத்தால் புறவழிச்சாலையில் சுமார் அரை மணி நேரம் போக்குவரத்து பாதிக்கப்பட்டது. கூட்டத்தால் ஆம்புலன்ஸ் வர தாமதமானது. அதற்குள் இருவரும் இறந்துவிட்டனர். இறந்த உடல்களை திருவண்ணாமலை அரசு மருத்துவமனை மருத்துவக் கல்லூரிக்கு அனுப்பி வைக்கப்பட்டது.

திருவண்ணாமலை மேற்கு காவல் துறையினர் உடனடியாக சம்பவ இடத்திற்கு சென்று வழக்கு பதிவு செய்து விசாரிக்க தொடங்கினர். விபத்து நடந்த உடன் காரில் இருந்த டிரைவர் தப்பி ஓடியிருந்தார். விபத்து நடத்திய காரின் ஓட்டுநர் யார்? அவர் எங்கே சென்றார் என்ற கோணத்தில் காவல் துறையினர் தேடி வருகின்றார்கள். காரின் உரிமையாளரை வரவைத்து விசாரணை நடத்துகின்றனர்.

Next Story

“தமிழ்நாட்டைப் போல் நாமும் இருக்க வேண்டும்” - சித்தராமையா பேச்சு

Published on 21/06/2024 | Edited on 21/06/2024
Siddaramaiah speech We should be like Tamil Nadu

கர்நாடகம் எனப் பெயர் சூட்டி 50 ஆண்டுகள் ஆவதையொட்டி, கன்னடம் மற்றும் பண்பாட்டுத் துறையின் ஏற்பாட்டில் கன்னடத்தாய் என்று கூறப்படும் நாததேவி புவனேஸ்வரி அம்மனுக்கு வெண்கல சிலை அமைக்கப்படுகிறது. இதற்கான பூமி பூஜை, நேற்று (20-06-24) கர்நாடகா மாநிலம் விதான சவுதா மேற்கு நுழைவு வாயில் அருகே  நடைபெற்றது. இந்த விழாவில், அம்மாநில முதல்வர் சித்தராமையா கலந்துகொண்டு சிலை நிறுவுவதற்கான அடிக்கல்லை நாட்டி பேசினார்.

அதில் அவர், “கர்நாடக மாநிலத்தில், கன்னட சூழலை உருவாக்குவது அனைவரின் கடமை. அதற்கு கர்நாடகாவில் வாழும் மக்கள் அனைவரும் கன்னடம் கற்க வேண்டும். நாம் அப்படி அமைதியாக இருக்க முடியாது. கன்னடர்கள் அசிங்கமானவர்கள் இல்லை. கன்னடத்தின் மீது அனைவருக்கும் காதல் வளர வேண்டும். மற்ற மாநிலங்களில் உள்ள பெருந்தன்மைவாதிகள் போல் நாம் மாறக்கூடாது. நம் மொழி, நிலம், தேசம் ஆகியவற்றின் மீது மரியாதையையும், அபிமானத்தையும் வளர்க்க வேண்டும்.

கர்நாடகாவில் வசிப்பவர்கள் அனைவரும் கன்னடத்தில் பேச அனைவரும் முடிவு செய்ய வேண்டும். கன்னடம் தவிர வேறு எந்த மொழியும் பேசுவதில்லை என்று உறுதிமொழி எடுக்க வேண்டும். கன்னடர்கள் பெருந்தன்மை உடையவர்கள். அதனால் பிற மொழி பேசுபவர்கள் கூட கன்னடம் கற்காமல் வாழக்கூடிய சூழல் கர்நாடகாவில் உள்ளது. 

ஆனால், தமிழ்நாடு போன்ற பிற மாநிலங்களில், ​​உள்ளூர் மொழியைக் கற்காமல் அங்கே வாழ்வது எளிதல்ல. தமிழ்நாடு, ஆந்திரா, கேரளாவில் போன்ற மாநிலங்களில் அவர்களுடைய தாய்மொழியில்தான் பேசுவார்கள். அதனால், நாமும் நம் தாய்மொழியில் பேச வேண்டும். அது நம்மைப் பெருமைப்படுத்த வேண்டும்” என்று கூறினார். 

The website encountered an unexpected error. Please try again later.