Skip to main content

மோடி பெயரை அரவிந்த் கேஜ்ரிவால் ட்விட்டரில் பயன்படுத்தாதது ஏன்?

Published on 15/02/2018 | Edited on 15/02/2018

டெல்லியின் முதல்வராக அரவிந்த் கேஜ்ரிவால் பதவியேற்று மூன்று ஆண்டுகள் நிறைவடைந்துள்ள நிலையில், அவரது ஆட்சி குறித்து பல்வேறு விமர்சனங்கள் எழுந்துள்ளன. பா.ஜ.க.வைப் பற்றி பிரச்சார மேடைகளில் அதிகம் பேசி டெல்லியில் ஆட்சியைப் பிடித்தது ஆம் ஆத்மி கட்சி. ஆனால், கடந்த 11 மாதங்களாக தனது ட்விட்டர் பக்கத்தில் பிரதமர் மோடியைப் பற்றி ஒரு வார்த்தைகூட பதிவிடாமல் இருக்கிறார் அந்தக் கட்சியின் தலைவர் அரவிந்த் கேஜ்ரிவால்.

 

Modkej

 

டெல்லி முதல்வர் அரவிந்த் கேஜ்ரிவாலின் ட்விட்டர் கணக்கை 13 லட்சம் பேர் பின்தொடர்கின்றனர். தொடர்ந்து அரசியல் கருத்துகளை தன் ட்விட்டர் கணக்கில் பதிவிடும் அவர், மோடி பற்றி கடந்த வருடம் மார்ச் 9ஆம் தேதி கடைசியாக பதிவிட்டிருந்தார். அதற்கடுத்த 11 மாதங்களில் ஒருமுறை கூட அவர் மோடி என்ற வார்த்தையைக் கூட பயன்படுத்தவில்லை. இத்தனைக்கும் 2016ஆம் ஆண்டு 124 முறையும், 2017ஆம் ஆண்டு 33 முறையும் மோடி என்ற வார்த்தையை அவர் பயன்படுத்தியிருக்கிறார். 2017 மற்றும் 2018ஆம் ஆண்டுகளில் ஒருமுறைகூட மோடியின் கணக்கை தனது பதிவுகளில் டேக் செய்யவும் இல்லை. 2016ஆம் ஆண்டு 8 முறை மட்டுமே டேக் செய்திருக்கிறார்.

 

மத்திய அரசு குறித்து கருத்து தெரிவிப்பதில் இருந்து அரவிந்த் கேஜ்ரிவால் விலகியிருப்பதற்கு பல காரணங்கள் இருப்பதாக அரசியல் விமர்சகர்கள் தெரிவிக்கின்றனர். சமீபத்தில் ஆம் ஆத்மி கட்சியைச் சேர்ந்த 20 எம்.எல்.ஏ.க்களை குடியரசுத் தலைவர் தகுதிநீக்கம் செய்தது, டெல்லி சட்டமன்றத் தேர்தல் மாபெரும் வெற்றிபெற்ற பின் பஞ்சாப், கோவா சட்டமன்ற மற்றும் டெல்லி உள்ளாட்சித் தேர்தலில் கடும் பின்னடைவு ஆகியற்றை அவர்கள் காரணங்களாக முன்வைக்கின்றனர்.

 

Modkej

 

டெல்லியில் நெருக்கடி நிலையை ஏற்படுத்திய மோடி, சர்வாதிகாரி மோடி, ராணுவத்துக்கு எதிரான மோடி என்றெல்லாம் கடித்துத் துப்பிய அரவிந்த் கேஜ்ரிவால், இன்று மவுனம் காப்பதை அவரது அரசியல் வியூகம் என்கின்றனர் ஆம் ஆத்மியினர்.

 

இதுகுறித்து ஆம் ஆத்மி கட்சியைச் சேர்ந்த மூத்த தலைவர் ஒருவர், ‘இது எங்கள் தலைவர் எடுத்த தெளிவான முடிவு. மோடியைத் தாக்குவதை விட்டுவிட்டு ஆட்சியில் கவனம் செலுத்தவேண்டும் என எங்களை வலியுறுத்தியிருக்கிறார்’ என தெரிவித்துள்ளார்.

சார்ந்த செய்திகள்

Next Story

“நான்தான் பாலத்தை கட்டவேண்டும் என்பது பகவான் கிருஷ்ணரின் முடிவு” - பிரதமர் மோடி பெருமிதம்

Published on 26/02/2024 | Edited on 26/02/2024
 PM Modi proudly says It was Lord Krishna's decision that I should build the bridge

குஜராத் மாநிலத்தில், 4 வழி கொண்ட கேபிள் பாலம் ஒன்றை பிரதமர் மோடி நேற்று (25-02-24) திறந்து வைத்தார். நாட்டின் மிக நீண்ட பாலமான இந்த பாலத்திற்கு சுதர்சன் சேது அல்லது சுதர்சன் பாலம் என்று பெயரிடப்பட்டுள்ளது. இதையடுத்து, துவாரகா தீவுக்கு அருகில் உள்ள துவாரகா கடற்கரையில் மூழ்கி பிரதமர் மோடி பார்வையிட்டு பிரார்த்தனை செய்தார். மேலும் அவர், நீருக்கடியில், கிருஷ்ணருக்கு அடையாளமாக மயில் இறகுகளை கொண்டுசென்று காணிக்கையாக செலுத்தினார். இது தொடர்பான புகைப்படம் தற்போது சமூக வலைதளங்களில் வைரலாகி வருகிறது. 

அதன் பிறகு, துவாரகாவில் பல்வேறு நலத்திட்டங்களுக்கு அவர் அடிக்கல் நாட்டினார். இந்த நிகழ்ச்சியில் அவர் பேசியதாவது, “குஜராத்தில் நான் முதல்வராக இருந்த போது, நான் சுதர்சன் சேது திட்டத்தை, அப்போது இருந்த காங்கிரஸ் அரசிடம் முன்வைத்தேன். ஆனால், அவர்கள் அதற்கு செவி சாய்க்கவில்லை. சுதர்சன் பாலத்தை நான் கட்ட வேண்டும் என்பதை பகவான் கிருஷ்ணர் சாத்தியப்படுத்தியுள்ளார். இன்று துவாராகவிற்கு நான் ஒரு மயில் தோகையை எடுத்துச் சென்று சமர்ப்பித்துள்ளேன். இன்று என் கனவு நனவாகியதால் என் இதயம் உணர்ச்சிகளால் நிரம்பி வழிகிறது.

புதிய இந்தியாவுக்கான உத்தரவாதத்தை நான் மக்களுக்கு வழங்கியபோது, எதிர்கட்சிகள் என்னை கேலி செய்தனர். ஆனால் இன்று ஒவ்வொரு இந்தியனும் தங்கள் கண் முன்னே ஒரு புதிய இந்தியா கட்டப்படுவதை பார்க்க முடிகிறது. காங்கிரஸ், நீண்ட காலம் ஆட்சியில் இருந்த போதிலும் மக்களுக்கு எந்த ஒரு நன்மையும் செய்ய வேண்டும் என்ற எண்ணம் அவர்களுக்கு இல்லை. ஏனெனில் அவர்களின் முயற்சி அனைத்தும் ஒரு குடும்பத்தை மட்டும் முன்னேற்றுவதற்காகவே. இருந்தது. ஊழல்களை மறைத்து ஐந்தாண்டுகள் எப்படி அரசாங்கத்தை நடத்துவது என்பதில் மட்டுமே அவர்கள் கவனம் செலுத்தினார்கள். 2014க்கு முந்தைய 10 ஆண்டுகளில் இந்தியா பொருளாதாரத்தில் 11வது இடத்தில் இருந்தது. 

2014-ல் நீங்கள் அனைவரும் என்னை ஆசிர்வதித்து டெல்லிக்கு அனுப்பிய போது கொள்ளையடிக்கப்படாமல் நாட்டைக் காப்பாற்றுவேன் என்று வாக்குறுதி அளித்து காங்கிரஸ் ஆட்சியில் நடந்த அனைத்து ஊழல்களுக்கும் முற்றுப்புள்ளி வைத்துவிட்டு இப்போது இந்தியா உலகின் 5வது பெரிய பொருளாதாரமாக உள்ளது. இதன் விளைவுதான் இப்போது இந்தியாவில் நீங்கள் பார்க்கக்கூடிய கட்டுமான அற்புதங்கள்” என்று கூறினார்.

Next Story

விரைவில் தூத்துக்குடி வரும் மோடி

Published on 21/02/2024 | Edited on 21/02/2024
Modi will come to Tuticorin soon

விரைவில் பிரதமர் மோடி தமிழகத்தின் தூத்துக்குடி பகுதிக்கு வர இருக்கும் நிலையில், அவர் கலந்து கொள்ளும் நிகழ்ச்சி நடைபெறும் இடத்தில் மாவட்ட ஆட்சியர் உள்ளிட்ட முக்கிய அதிகாரிகள் பார்வையிட்டனர்.

வரும் பிப்ரவரி 28 ஆம் தேதி தமிழகத்தின் தூத்துக்குடி மாவட்டத்தில் பிரதமர் மோடி சுற்றுப்பயணம் மேற்கொள்ள இருக்கிறார். 28 ஆம் தேதி தூத்துக்குடி வ.உ.சி துறைமுகத்தில் நடைபெறும் விழாவில் கலந்துகொள்ள இருக்கிறார். இதற்காகப் பல்வேறு ஏற்பாடுகளை மாவட்ட காவல் கண்காணிப்பாளர் பாலாஜி சரவணன் மற்றும் மாவட்ட ஆட்சித் தலைவர் லட்சுமிபதி ஆகியோர் பார்வையிட்டு வருகின்றனர் .

விழா நடைபெறும் இடம், ஹெலிகாப்டர் இறங்கும் தளம், பந்தல் அமைப்பது உள்ளிட்ட ஏற்பாடுகள் குறித்து இன்று துறைமுக அதிகாரிகளிடமும் சேர்ந்து ஆலோசனை நடத்தப்பட்டது. தூத்துக்குடியில் பல்வேறு புதிய திட்டங்களுக்கு பிரதமர் மோடி அடிக்கல் நாட்ட இருக்கிறார் என்பதும் குறிப்பிடத்தக்கது.