Skip to main content

’நீ, வா, போ!’ -நிருபர்களை அதட்டி, மிரட்டி ஒருமையில் பேசிய பிரேமலதா!

Published on 08/03/2019 | Edited on 08/03/2019

 

சென்னை  கோயம்பேட்டில் உள்ள தேமுதிக தலைமை அலுவலகத்தில் தேமுதிக பொருளாளர் பிரேமலதா இன்று  செய்தியாளர்களை சந்தித்தார்.

 

கூட்டணி விவகாரம் குறித்தும், அதிமுகவுடனும் திமுகவுடனும் ஒரே நேரத்தில் பேரம் பேசியதை அம்பலத்திய துரைமுருகன் குறித்த கேள்விகளுக்கு தொடக்கம் முதலே ஆத்திரத்துடன் திமுக தலைவர்கள் குறித்தும் கேள்வி எழுப்பிய நிருபர்களையும் ஒருமையில் பேசினார்.    கேள்வி கேட்ட நிருபர்களையே ’நீ எந்த தொலைக்காட்சி’ என்று எதிர்கேள்வி கேட்டுக்கொண்டே இருந்தார் பிரேமலதா.  முகம் தெரிந்த நிருபர்களை பெயர் சொல்லி நீ, வா, போ, என்றே பேசி அதட்டி, மிரட்டினார். 

 

p

 

ஒரு தொலைக்காட்சி நிருபரை பார்த்து, ’’இழுபறின்னு நேத்து நீதான சொன்ன... உனக்குத்தான் முதல் பதில்...எந்த இழுபறியும் இல்ல. எந்த குழப்பமும் இல்ல’’என்று பிரேமலதா சொன்னதும் சலசலப்பு உண்டானது.  அப்போதும், இரு செய்தியாளர்கள் கேள்வி கேட்க முற்பட்டபோது,  ’’நீ கேட்டுட்ட...நீ சொல்லு..’’என்று ஒரு  நிருபரை அதட்டி, இன்னொருவரை கேள்வி கேட்கச்சொன்னார்.  அந்த நிருபர், துரைமுருகன் கூறியது குறித்து கேள்வி எழுப்பியதுமே, ஆத்திரத்துடன் பிரேமலதா,  ‘’ உனக்கு காரணம் தெரியலன்னா நீ அங்க(துரைமுருகன்) போய் கேளு.  எங்கள பற்றி தெரியனும்னா இங்க கேளு’’ என்று வெடித்தார்.

 

அப்போது தேமுதிகவுக்கு கொள்கை கிடையாதா?ன்னு கேள்வி எழுப்பிய நிருபரை பார்த்து,  ’’இரு..இரு... கொள்கை கிடையாதுனு உனக்கு யார் சொன்னா?  எங்க கொள்கை என்னன்னு உனக்கு தெரியுமா? ’என்று ஆத்திரத்தை அடக்க முடியாத நிலைக்கு சென்றார் பிரேமலதா.

 

‘’நீங்க 24 மணி நேரமும் கேட்டுக்கு வெளியே நின்னுக்கிட்டே இருப்பீங்க.  அதுக்காக நாங்க உடனே சொல்லிடனுமா. இவ்வளவு நாள் வெயிட் பண்னேல்ல...இன்னும் இரண்டு நாள் வெயிட் பண்ணு’’என்று கூட்டணி குறித்த முடிவை கேட்ட நிருபரின் பெயரைச்சொல்லி கூறினார்.  

 

தொடர்ந்து கேள்வி எழுப்பிய நிருபரைப்பார்த்து,  ‘’நீயே ஏன் கேக்குற? வேற யாராவது கேளூங்க?’’என்றார்.

 

நீ, வா, போ, என்று பிரேமலதா  ஒருமையில் பேசியதற்கு நிருபர்கள் மத்தியில் சலசலப்பு ஏற்பட்டதும்,  வருத்தமோ, மன்னிப்போ கேட்காமல், தொடர்ந்து, ‘’நீங்க பாட்டுக்கு கேட்டுக்கிட்டே இருப்பீங்க.    நாங்க சொல்லிக்கிட்டே இருக்கணுமா’’ என்று அதட்டலாக கூறினார்.
 


 

சார்ந்த செய்திகள்

 

Next Story

'கேப்டன் நேரில் வருகை' - வெளியான வீடியோவால் தேமுதிக தொண்டர்கள் நெகிழ்ச்சி

Published on 19/06/2024 | Edited on 19/06/2024
nn

நடிகரும், தேமுதிக கட்சியின் நிறுவனமான விஜயகாந்த் மறைந்ததைத் தொடர்ந்து அக்கட்சியினர் கோயம்பேட்டில் உள்ள தலைமை அலுவலகத்தில் தினமும் அவருடைய  நினைவிடத்தில் மலர் தூவி பூஜை செய்து வருகின்றனர். அதேபோல் தினமும் அங்கு வரும் மக்களுக்கு உணவு வழங்கப்பட்டு வருகிறது.

இந்நிலையில் நேற்று (18/06/2024) செவ்வாய்க்கிழமை திடீரென தேமுதிக அலுவலகத்தில் நாகப் பாம்பு ஒன்று புகுந்தது. இதனை உடனடியாக கட்சியின் பொதுச் செயலாளரான பிரேமலதா விஜயகாந்துக்கு கட்சியின் தொண்டர்கள் தெரிவித்துள்ளனர். விஜயகாந்த் பாம்பு ரூபத்தில் வந்திருப்பதாகத் தெரிவித்ததோடு அதனை வீடியோவாகவும் பதிவு செய்தனர் தேமுதிக தொண்டர்கள்.

பின்னர் சிறிது நேரம் அலுவலக வளாகத்திலேயே ஊர்ந்து கொண்டிருந்த பாம்பு பின்னர் அங்கிருந்து வெளியே தப்பி சென்றது. இந்த வீடியோவை தேமுதிக நிறுவனர் விஜயகாந்த் தொடங்கி வைத்த 'கேப்டன் நியூஸ்' இணையதளபக்கத்தில் வெளியிடப்படுள்ளது. அதில் 'இன்று தலைமை  கழகத்திற்கு கேப்டன் நேரில் வருகை' எனக் கேப்சன் கொடுக்கப்பட்டு இந்த வீடியோ பகிரப்பட்டுள்ளது. மேலும் அதில், 'செவ்வாய்க்கிழமை தேமுதிக தலைமை அலுவலகத்திற்கு கேப்டன் எந்த வழியாக அலுவலகத்திற்கு வருவாரோ அதே வழியில் நாகம் வந்து, அவர் அமர்ந்திருந்த அறைக்கு சென்று, அங்கிருந்து வெளியேறியது' எனவும் குறிப்பிடப்பட்டுள்ளது. இதனை தேமுதிக தொண்டர்கள் நெகிழ்ச்சியுடன் சமூக வலைத்தளங்களில் பகிர்ந்து வருகின்றனர்.

Next Story

அதிமுக-தேமுதிக கூட்டணி முறிவா?;பாஜகவை நெருங்கும் பிரேமலதா

Published on 18/06/2024 | Edited on 18/06/2024
Will the AIADMK-DMK alliance break up?-Premalata approaching the BJP

விழுப்புரம் மாவட்டம் விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்துள்ளது. அரசியல் கட்சிகள் வேட்புமனு தாக்கலில் தீவிரம் காட்டி வரும் நிலையில், அதிமுக இந்த இடைத்தேர்தலை புறக்கணிக்க முடிவெடுத்துள்ளது. அதன் கூட்டணியில் இருக்கும் தேமுதிகவும் இடைத்தேர்தலை புறக்கணித்துள்ளது.

அதேநேரம் திமுக தலைமையிலான தனது கூட்டணியை நாடாளுமன்றத் தேர்தலிலும் அப்படியே அரவணைத்துக் கொண்டு சென்றார் முதல்வரும் திமுக தலைவருமான மு.க.ஸ்டாலின். அவரின் சாதுர்யமான அரசியலால் திமுக கூட்டணியில் எந்த முரண்பாடும் வரவில்லை. முக்கியமான முடிவுகள் அனைத்தையும் கூட்டணியினரோடு கலந்தாலோசித்து எடுத்து வருகிறார் ஸ்டாலின். இதனால் திமுக கூட்டணி உறுதியாக இருந்து வருகிறது. விக்கிரவாண்டி இடைத்தேர்தலில் திமுக வேட்பாளரை அறிவித்து பரப்புரை பணிகளை தொடங்கியுள்ளது.

அதேபோல், நாடாளுமன்றத் தேர்தலில் உருவான பாஜக-பாமக கூட்டணி, இடைத்தேர்தலிலும் தொடர்கிறது. இதற்காக இரு கட்சிகளும் கலந்துபேசி பாமக போட்டியிடும் என்றும், பாமகவின் வெற்றிக்கு பாஜக உதவும் என்றும் அக்கட்சியின் தலைமை அறிவித்தது. இந்நிலையில், நாடாளுமன்றத் தேர்தலில் உருவான அதிமுக-தேமுதிக கூட்டணி,தேர்தலுக்குப் பிறகு முறிந்து விட்டது என்கிறார்கள்.

அதாவது, விக்கிரவாண்டி இடைத்தேர்தலில் அதிமுக போட்டியிடுவதில்லை என்றும், தேர்தலைப் புறக்கணிக்கிறோம் என்றும் எடப்பாடி பழனிசாமி அறிவித்தார். தனது கூட்டணிக் கட்சியான  தேமுதிகவுடன் கலந்தாலோசிக்காமலே அதிமுகவினரிடம் மட்டும் ஆலோசித்து தன்னிச்சையாக அறிவித்தார் எடப்பாடி. இந்த முடிவு, தேமுதிக பிரேமலதாவை அதிர்ச்சியடைய வைத்தது. அதே சமயம், தனது கட்சி நிர்வாகிகளுடன் விவாதித்து, 'இடைத்தேர்தலை தேமுதிக புறக்கணிக்கிறது' என்று தன்னிச்சையாக அறவித்தார் பிரேமலதா.

ஆக, 'அதிமுக-தேமுதிக கூட்டணி உறவு, தேனிலவு முடிந்ததும் முறிந்து விட்டது. மத்தியில் பாஜக ஆட்சி மீண்டும் மலர்ந்திருப்பதால் பிரேமலதாவின் பார்வை பாஜக பக்கம் திரும்பியுள்ளது. பாஜகவின் மேலிடத் தலைவர்களை சந்திக்க முயற்சித்து வருகிறார் பிரேமலதா' என்கிறார்கள் தேமுதிக மாநில நிர்வாகிகள்.