Skip to main content

“அன்று நாட்டுக்காக வரமுடியாதவர் இன்று ஓட்டுக்காக ஓடி வருகிறார்...” மோடி குறித்து திருச்சி சிவா

Published on 09/04/2019 | Edited on 09/04/2019

தஞ்சாவூர் நாடாளுமன்றத் தொகுதியில் உள்ள பேராவூரணி வேதாந்தம் திடலில், திமுக வேட்பாளர் எஸ்.எஸ்.பழனி மாணிக்கத்தை ஆதரித்து தேர்தல் பிரச்சாரப் பொதுக்கூட்டம் நடைபெற்றது.  கூட்டத்திற்கு திமுக பேராவூரணி ஒன்றிய பொறுப்பாளர் க.அன்பழகன் தலைமை வகித்தார். நகரச் செயலாளர் தனம் கோ. நீலகண்டன் வரவேற்றார். சேதுபாவாசத்திரம் வடக்கு திமுக ஒன்றிய செயலாளர் மு.கி.முத்து மாணிக்கம், தெற்கு ஒன்றியச் செயலாளர் வை. ரவிச்சந்திரன், முன்னாள் பேரூராட்சி தலைவர் என்.அசோக்குமார் ஆகியோர் முன்னிலை வகித்தனர். 

 

siva

 

கூட்டத்தில் மாநிலங்களவை உறுப்பினர் திருச்சி சிவா பேசியதாவது, "இங்கே தஞ்சை நாடாளுமன்ற தொகுதியில் போட்டியிடும் திமுக வேட்பாளர் எஸ்.எஸ்.பழனிமாணிக்கத்துக்கு வாக்குகள் கேட்டு வந்துள்ளோம். ஆளுகின்ற கட்சியும் வாக்குகள் கேட்டு வருவார்கள். நீங்கள் வாக்களிக்கும்போது, உங்களுக்கு உதவியவர்கள் யார்?  உங்களோடு உறுதுணையாக நின்றவர்கள் யார் என சிந்தித்து வாக்களியுங்கள். உங்களுக்கு தனி மரியாதை தரக்கூடிய வாக்குச்சீட்டு உங்கள் கையில் உள்ளது. விலைக்கு விற்பதற்கல்ல என்பதை வாக்காளர்கள் உணரவேண்டும். 
 

பொய்யான வாக்குறுதிகளை தந்து மக்களை ஏமாற்றிய மோடி தலைமையிலான பாஜக ஆட்சி அகற்றப்பட வேண்டும். பாஜகவை விமர்சித்த அதிமுகவின் தம்பிதுரையும், அன்வர் ராஜாவும், இன்றைக்கு மாநிலத்தில் 8 ஆண்டு காலம் மக்கள் விரோத ஆட்சி நடத்துபவர்களும் பல்லக்கில் ஏறி பவனி வருகிறார்கள். மீண்டும் அவர்கள்தான் வரவேண்டும் என்கிறார்கள். இது சந்தர்ப்பவாதம் அல்லவா? 
 

2014-ம் ஆண்டு நடைபெற்ற பாராளுமன்ற தேர்தலில் குஜராத் முதல்வராக இருந்த நரேந்திர மோடி நாடாளுமன்ற தேர்தலில் போட்டியிட்டபோது அளித்த வாக்குறுதி, வேலை இல்லாத் திண்டாட்டத்தை போக்குவேன். ஆண்டுக்கு 2 கோடி இளைஞர்களுக்கு வேலை தருவேன் என்பது. ஆனால், இப்போதுள்ள புள்ளிவிபரம் சொல்கிறது 6 கோடி பேர் வேலை இல்லாமல் உள்ளனர். ஒன்றரைக் கோடி பேர் இருந்த வேலையையும் இழந்துள்ளனர். 
 

பிஜேபி ஆட்சியில் இருந்தபோது இந்தியாவில் இருந்த பல்கலைக்கழகங்கள் 723, இப்போது இருப்பது 903. கூடியது 180, அதில் 140 தனியார் பல்கலைக்கழகங்கள். பல்கலைக்கழகங்கள் அதிகரித்திருப்பதால் வேலை வாய்ப்பு கூடியிருக்க வேண்டுமல்லவா? ஆனால் அதற்கு மாறாக பணியில் இருந்த 2 லட்சத்து 30 ஆயிரம் பேராசிரியர்கள் வேலை இழந்துள்ளனர். காரணம் தனியாருக்கு தாரை வார்த்துக் கொடுத்ததால், இருந்த வேலை வாய்ப்புகளும் பறிக்கப்பட்டது. வேலை தருவதாக மோடி தந்த வாக்குறுதி பொய்யாகிப்போனது. 
 


கஜா புயலால் இப்பகுதி மக்கள் வீடுகளை, தென்னந் தோப்புகளை, படகுகளை இழந்து வாழ வசதியற்று, கண்ணீர் வடித்தபோது எட்டிப் பார்க்காத, ஆறுதல்கூட கூறாத பிரதமர் மோடி, இப்போது வாக்குகளுக்காக 4 முறை தமிழகம் வந்துள்ளார். அன்றைக்கு நாட்டுக்காக வரமுடியாதவர் இன்று ஓட்டுக்காக ஓடி வருகிறார். ஆதாயத்துக்காக உங்களை தேடி வருபவர் உங்களுக்கு தேவையா. உங்களோடு சுகதுக்கங்களில் பங்குபெறும் நாங்கள் தேவையா?. 
 

5 ஆண்டு கால பாராளுமன்ற கூட்டத்தில் வெறும் 19 நாட்களுக்கு மட்டுமே வந்தவர்தான் பிரதமர் மோடி. கல்வியாளர்கள், எழுத்தாளர்கள், ஜனநாயகவாதிகள், ஏன் அவரது கட்சியைச் சேர்ந்த யஷ்வந்த் சின்ஹா உள்ளிட்ட பலர் இன்றைக்கு எச்சரித்துள்ளனர். மீண்டும் பிரதமர் மோடி வந்தால் நாடாளுமன்ற ஜனநாயகம் செத்துவிடும். அதிபர் ஆட்சி முறை வரும்” என்று பேசினார்.

 

 

 

சார்ந்த செய்திகள்

 

Next Story

'முதல்வர் பதவி விலக வேண்டும்' - ஆர்ப்பாட்டத்தை அறிவித்த அதிமுக

Published on 20/06/2024 | Edited on 20/06/2024
AIADMK announced the protest 'cheif minister must resign'

கள்ளக்குறிச்சியில் கள்ளச்சாராயம் குடித்து 40 க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இறப்புகளின் எண்ணிக்கையும் மணிக்கு மணி அதிகரித்து வருகிறது.

இந்தச் சம்பவத்தை அடுத்து தமிழ்நாடு முழுவதும் காவல்துறையினர் கள்ளச்சாராய சோதனைகளைத் தொடங்கியுள்ளனர். தற்போதைய நிலவரப்படி கள்ளக்குறிச்சி கள்ளச்சாராய சம்பவத்தில் உயிரிழப்பு 42 ஆக அதிகரித்துள்ளது. தற்போது வரை கள்ளச்சாராயம் அருந்திய சம்பவம் தொடர்பாக 90-க்கும் மேற்பட்டோர் கள்ளக்குறிச்சி, விழுப்புரம், சேலம், ஜிப்மர் ஆகிய மருத்துவமனைகளில் சிகிச்சை பெற்று வருகின்றனர்.  

இந்த வழக்கு சிபிசிஐடிக்கு மாற்றப்பட்டு சிபிசிஐடி போலீசார் வழக்குப்பதிவு செய்து விசாரணை மேற்கொண்டு வருகின்றனர். இதற்காக ஐந்து தனிப்படைகள் அமைக்கப்பட்டு தீவிர விசாரணை மேற்கொள்ளப்பட்டு வருகிறது. கள்ளச்சாராய மரண சம்பவம் எதிரொலியாக தமிழகத்தில் அனைத்து பகுதிகளிலும் கண்காணிப்புகள் தீவிரப்படுத்தப்பட்டுள்ளது. குறிப்பாக தென் தமிழகத்தில் பல்வேறு மாவட்டங்களில் சிறப்பு குழுக்கள் அமைக்கப்பட்டுள்ளது. வேலூர் மாவட்டத்தில் நடைபெற்ற தேடுதல் வேட்டையில் சட்ட விரோத மது விற்பனை தொடர்பாக 33 பேர் கைது செய்யப்பட்டுள்ளதாகத் தகவல்கள் வெளியாகியுள்ளது.

AIADMK announced the protest 'cheif minister must resign'

''இந்த மரணத்திற்கு பொறுப்பேற்று முதல்வர் மு.க.ஸ்டாலின் ராஜினாமா செய்ய வேண்டும். முதல்வர் ஸ்டாலினுக்கு ஆட்சி, அதிகாரம் மட்டுமே முக்கியமாக இருக்கிறது. மக்கள் மீது அவருக்கு அக்கறை இல்லை” எனக் கடுமையாக விமர்சனம் செய்து அதிமுக பொதுச்செயலாளர் எடப்பாடி பழனிசாமி பேசி இருந்தார். இந்தநிலையில் கள்ளச்சாராய மரணம் தொடர்பாக தமிழக அரசைக் கண்டித்து ஜூன் 24ஆம் தேதி அதிமுக ஆர்ப்பாட்டம் செய்ய இருப்பதாக எடப்பாடி பழனிசாமி அறிவித்துள்ளார். கள்ளச்சாராய புழக்கத்தை கட்டுப்படுத்த தவறியதற்கு பொறுப்பேற்று முதல்வர் மு.க.ஸ்டாலின் பதவி விலக வேண்டும் என வலியுறுத்தி ஜூன் 24ஆம் தேதி வருவாய் மாவட்ட தலைநகரங்கள் மற்றும் மாவட்ட தலைநகரங்களில் ஆர்ப்பாட்டம் நடைபெறும் என அதிமுக அறிவித்துள்ளது.

Next Story

தேர்தலில் வெற்றி; கோ பூஜை செய்து வழிபட்ட கதிர் ஆனந்த் எம்.பி

Published on 20/06/2024 | Edited on 20/06/2024
Kathir Anand MP, who worshipped God Pooja after winning the election

வேலூர் பாராளுமன்ற தொகுதியில் போட்டியிட்ட திமுக வேட்பாளர் எம்பி கதிர் ஆனந்த் 2,15,702 வாக்குகள் முன்னிலையில் வெற்றி பெற்றார். வேலூர் பாராளுமன்ற தொகுதியில் உள்ள ஆறு சட்டமன்றத் தொகுதிகளில் வாணியம்பாடி சட்டமன்றத் தொகுதியில் அதிகபட்சமாக 103364 வாக்குகளைப் பெற்று வெற்றி பெற்றார்.

இந்நிலையில் வாணியம்பாடி நகரப் பகுதிகளில் நன்றி தெரிவிக்க வந்திருந்த எம்பி கதிர் ஆனந்த் வாணியம்பாடி பெரிய பேட்டை பகுதியில் உள்ள அழகு பெருமாள் ஆலயத்தில் கோ பூஜை செய்து வழிபாடு நடத்தி பின்னர் அருகில் இருந்த தர்காவிற்கும் சென்று பிரார்த்தனை செய்தார். 

Kathir Anand MP, who worshipped God Pooja after winning the election

பின்னர் பேசிய கதிர் ஆனந்த், வேலூர் பாராளுமன்ற தொகுதி சுதந்திரம் பெற்ற நாள் முதலாய் இதுவரை யாரும் வெற்றி பெறாத வகையில் அதிகபட்ச வாக்குகளை அளித்து என்னை வெற்றி பெற செய்துள்ளனர். இதில் அதிகபட்சமாக வாணியம்பாடி மக்கள் அதிகப்படியான வாக்குகளை அள்ளித் தந்து என்னை வெற்றி பெற செய்துள்ளனர். என்னை இனி காட்பாடி கதிர ஆனந்த் என்று அழைக்காமல் வாணியம்பாடி கதிர் ஆனந்த் என்றே அழைக்கலாம் அந்த அளவுக்கு வாணியம்பாடி மக்களுக்கு என் மீது உரிமை உள்ளது எனவும், எனது அனைத்து வாக்குறுதிகளையும் நிச்சயம் நிறைவேற்றுவேன் எனவும் பொது மக்களிடையே திறந்தவெளியில் நின்று நன்றி தெரிவித்தார்.

பின்னர் வாணியம்பாடி பேருந்து நிலையம், கோனாமேடு, பெருமாள் பேட்டை, நியூடவுன், உள்ளிட்ட பகுதிகளில் வீதி வீதியாக சென்று பொதுமக்களுக்கு நன்றி தெரிவித்தார்.