Skip to main content

“நாம் கொஞ்சம் கவனமாக இருக்க வேண்டும்” - சீமான் எச்சரிக்கை

Published on 21/06/2023 | Edited on 21/06/2023

 

Seeman who commented on BJP

 

“பாஜகவினர் தமிழ்நாட்டில் அதிகப்படியாக தமிழ், செங்கோல் என்றெல்லாம் பேசுகிறார்கள். நாம் கொஞ்சம் கவனமாக இருந்து கொள்ள வேண்டும். ஏதோ ஒன்று நடக்கப் போகிறது” என சீமான் எச்சரிக்கை விடுத்துள்ளார்.

 

நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களைச் சந்தித்தார். அப்போது பேசிய அவர், “மணிப்பூரில் சட்டத்தின் ஆட்சி நடக்கும் என்றார்கள். அவ்ளோதான் முடிந்தது. நடக்கிறது பாருங்கள் சட்டத்தின் ஆட்சி. இங்கு அதிகப்படியாக தமிழ், செங்கோல் என்றெல்லாம் பேசுகிறார்கள். நாம் கொஞ்சம் கவனமாக இருந்து கொள்ள வேண்டும். ஏதோ ஒன்று நடக்கப் போகிறது. சீமான் பாட்டன் ராஜ ராஜ சோழன் என்கிறார். செங்கோலை தூக்கு எனத் தூக்கியுள்ளனர். செங்கோல் எங்கள் பாட்டன் கையில் வைத்திருந்ததா. உம்மிடி பங்காருவில் வைத்திருந்தது தானே. அதையேன் ராஜ ராஜ சோழனுடையது என்கிறீர்கள். 

 

சட்டத்தின் ஆட்சி நடைபெறும், சட்டமே எங்கள் வேதப்புத்தகம் என்றீர்கள். அந்த சட்ட சாசனத்தை அங்கு வைத்திருந்தீர்கள் என்றால் கேள்விகளே வராது. உயர்சாதி மக்களை பழங்குடி மக்களாக பட்டியலில் சேர்த்து பழங்குடி மக்களின் இட ஒதுக்கீட்டை பறிக்கும் போது கொந்தளிக்கிறார்கள். பொருளாதாரம் இன்று வரும், நாளை சென்றுவிடும். ஆனால் எவ்வளவு நாள் ஆனாலும் என் மீது பூசப்பட்ட சாதிய இழிவு மாறுமா. இளையராஜா போல் இசைமேதை உலகில் உண்டா? ஆனால் தலித்துக்கு சீட் கொடுத்தோம் என ராஜ்யசபாவில் சொல்கிறார்கள். அப்போ தகுதி பார்த்து கொடுக்கவில்லை. தலித் என்பதற்காக கொடுத்துள்ளீர்கள். என் மீது சுமத்தப்பட்ட இழிவு இன்னும் போகவில்லை.

 

மணிப்பூர் கலவரத்தில் அறுவடை செய்யப்போவது மோடி தான். அடுத்த தேர்தல் வந்தால் அவர் தான் வெல்வார். பாதிக்கப்படும் என்றால் கலவரத்தை கட்டுப்படுத்த முடியாதா. பின் ராணுவம் எதற்கு? காவல்துறை எதற்கு? பிரிவினைவாதம் என்பதே பாஜகவின் கொள்கை தான். அதனால் பாஜகவை மானுட குலத்தின் எதிரி என நாங்கள் சொல்கிறோம். பிணத்தின் மீது பிரச்சார மேடையைப் போட்டுப் பேசும். 

 

என்னுடைய மறு உருவம் பாஜக என்று வேண்டுமானால் சொல்லுங்கள். நான் ஏற்கிறேன். நான் முருகனை கும்பிட்டால் பாஜகவும் கும்பிடும். நான் வேலுநாச்சியாரை பேசினால் பாஜகவும் பேசும். நான் ஈழம் என்றால் பாஜகவும் பேசிப் பார்க்கும். நான் ராஜ ராஜ சோழனைப் பேசினால் பாஜகவும் பேசும். நான் தமிழ்ப்பாட்டன் என்றால் பாஜக இந்து மன்னன் என்று சொல்லும். அப்போது இந்து என்ற சொல்லே இல்லை. தமிழில் இந்து என்ற சொல் நிலவைத்தான் குறிக்கிறது” என்றார். 

 


 

சார்ந்த செய்திகள்

 

Next Story

'இளைஞர்கள் சீமான், விஜய் கட்சிக்கு செல்கிறார்கள்'- கார்த்தி சிதம்பரம் பேச்சால் பரபரப்பு

Published on 19/07/2024 | Edited on 19/07/2024
'Youngsters are going to Seeman, Vijay party' - Karthi Chidambaram's speech stirs up excitement

தமிழ்நாடு காங்கிரஸ் கட்சி சார்பில் தமிழ்நாடு முழுவதும் கட்சி நிர்வாகிகளை சந்திக்கவும் அவர்களின் கருத்துக்களை கேட்கவும் மாவட்டம் தோறும் காங்கிரஸ் கட்சியின் செயல்வீரர்கள் கூட்டம் நடத்தப்பட்டு வருகிறது. அதேபோல, புதுக்கோட்டையில் காங்கிரஸ் கட்சி செயல்வீரர்கள் கூட்டம் ஒரு தனியார் திருமண மண்டபத்தில் மாநிலத் தலைவர் செல்வப்பெருந்தகை தலைமையில் நடந்தது. கூட்டத்தில் மாஜி திருநாவுக்கரசர், சிவகங்கை தொகுதி எம்பி கார்த்தி சிதம்பரம், அறந்தாங்கி சட்டமன்ற உறுப்பினர் ராமச்சந்திரன் உட்பட பலர் கலந்து கொண்டனர். கரூர் தொகுதி ஜோதிமணி எம்.பி கலந்து கொள்ளவில்லை. கூட்டத்தில்,  சிவகங்கை எம்.பி கார்த்தி சிதம்பரம் பேச்சு சலசலப்பை ஏற்டுத்தியுள்ளது.

அவர் பேசுகையில், ''தமிழ்நாட்டில் கூட்டணி கட்சிகளால் தான் நாம் வெற்றி பெற்றிருக்கிறோம் என்பதை மறுக்க முடியாது. அதனால், நம் கட்சியில் பலம் இல்லை என்று கூறவில்லை. தற்போது நடந்து முடிந்த நாடாளுமன்றத் தேர்தலில் நம் தலைவர் ராகுல் காந்தி தலைமையில் ஆட்சி அமைய வேண்டும் என்று சிறுபான்மையின மக்கள் விரும்பினார்கள். அதனால்  காங்கிரஸ் கூட்டணிக்கு வாக்களித்தார்கள். தமிழ்நாட்டில் ஒரு நேரத்தில் காங்கிரஸ் கட்சி முதலிடத்தில் இருந்தது. தற்போது 3-வது இடத்தில் இருப்பதாக சொல்லிக் கொள்கிறோம். அதே நேரத்தில்  நம் கட்சியை சில கட்சிகள் தொட்டுவிடும் நிலையில் உள்ளது. கட்சியில் எம்.பிகளை  மட்டுமே வைத்துக் கொண்டு கட்சி வளர்ந்துவிட முடியாது. உள்ளாட்சி தேர்தல்களில் உள்ளாட்சி பிரதிநிதிகள், எம்எல்ஏகள் அதிக அளவில் இருந்தால் தான் கட்சி வளரும். வளர்க்க முடியும்.

தமிழ்நாட்டில் ஒரு காலத்தில் காங்கிரஸ் கூட்டணியில் இருந்த கட்சி (திமுக) தற்போது ஆட்சியில் இருந்தாலும், ஆட்சியில் காங்கிரஸ் இடம்பெற முடியவில்லை என்பதை நாம் உணர வேண்டும். தேர்தலில் நம்மை பயன்படுத்திக் கொள்ளும் கட்சிகள் தேர்தல் முடிந்ததும் விட்டுவிடுகிறார்கள். கூட்டணி கட்சிகள் நம்மை கண்டுகொள்ளவில்லை என்று காங்கிரஸ் கட்சியினர் சங்கடப்படுகிறார்கள். ஆனால், திமுகவோடு கூட்டணி வைத்திருக்கும் விடுதலை சிறுத்தைகள், இடதுசாரி கட்சிகள் பொது மக்களின் அடிப்படை தேவைகளை, பிரச்சனைகளை பற்றி அறிந்து அவர்களுக்காக பேசி தங்கள் கட்சியின் தனித்தன்மையை வெளிப்படுத்துகிறார்கள்.

அதேபோல, நம்முடைய கருத்தை ஆழமாக பதிவு செய்தால்தான் மக்கள் நம்மை திரும்பிப் பார்ப்பார்கள். மக்களிடம் மக்கள் மனதில் நாம் இடம்பிடிக்க வேண்டும். அதற்கு நாம் அடித்தட்டு மக்களின் மக்கள் பிரச்சினைகள், உரிமைகளுக்காக பேச வேண்டும். இளைஞர்கள் நம் கட்சியைவிட  சீமான், விஜய் கட்சிக்கு செல்கிறார்கள். மக்களின் கவனத்தை இளைஞர்களின் கவனத்தை ஈர்க்க இன்று பல கட்சிகள் வந்துவிட்டது. அதனால் காங்கிரஸ் கட்சியில் இளைஞர்களுக்கான மாற்றம் வேண்டும்'' என்று பேசினார். இந்தப் பேச்சு கூட்டத்தில் சலசலப்பை ஏற்படுத்தியது.

Next Story

ஆம்ஸ்ட்ராங் கொலை வழக்கு; பாஜக நிர்வாகி அஞ்சலை கைது

Published on 19/07/2024 | Edited on 19/07/2024
nn

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர். 

nn

தொடர்ந்து பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இந்நிலையில் ஆம்ஸ்ட்ராங் வழக்கு தொடர்பாக தேடப்பட்டு வந்த முன்னாள் பாஜக நிர்வாகி அஞ்சலை கைது செய்யப்பட்டுள்ளதாக தகவல்கள் வெளியாகியுள்ளது. அதேநேரம் ஐஸ் ஹவுஸ் பகுதியைச் சேர்ந்த எல்லப்பன் என்ற ரவுடியையும் பிடித்து போலீசார் விசாரணை மேற்கொண்டு வருவதாகவும் தகவல்கள் வெளியாகி உள்ளது.