Skip to main content

“எந்த மாநில முதல்வரும் இப்படி பேசுவது கிடையாது..” - அண்ணாமலை

Published on 19/08/2022 | Edited on 19/08/2022

 

"No state chief minister talks like this." - Annamalai

 

புதுக்கோட்டையில் நடைபெறும் பாஜக கட்சிக் கூட்டத்தில் பங்கேற்பதற்காக விமானம் மூலம் பாஜக மாநிலத் தலைவர் அண்ணாமலை திருச்சிக்கு வந்தார். அங்கு அவர் செய்தியாளர்களைச் சந்தித்தார். 

 

அப்போது அவர், “பா.ஜ.க., ஆர்.எஸ்.எஸ் உடன் கூட்டணி வைக்கவோ, சமரசம் செய்து கொள்வதற்கோ, திமுகவிற்கு குறைந்தபட்ச தகுதி வேண்டும். குடும்ப ஆட்சி நடத்தக்கூடாது, ஊழலற்ற ஆட்சி நடத்த வேண்டும், நல்லாட்சி புரிய வேண்டும் என்பதே அந்த குறைந்தபட்ச தகுதிகளாகும். இந்த மூன்று தகுதிகளுமே இல்லாத திமுக அரசு எப்படி குறைந்தபட்ச ஆதரவு கூட்டணி குறித்து பேசுவார்கள்? எந்த காலத்திலும் பாஜகவுடன் கூட்டணி வைப்பதற்கு திமுகவிற்கு தகுதி கிடையாது.

 

டெல்லி சென்ற தமிழக முதல்வர் ஸ்டாலின், தான் டெல்லி செல்வது பாஜகவுடன் சமரசம் செய்து கொள்வதற்கோ, குனிந்து கும்பிடுவதற்கோ அல்ல என தெரிவித்துள்ளார். டெல்லி செல்லும் எந்த மாநில முதல்வரும் இதுபோல கூறுவது கிடையாது.

 

தமிழகத்தின் நிதி நிலைமை அதலபாதாளத்தில் உள்ளது. தமிழகத்திற்கு 6 லட்சம் கோடி கடன் உள்ளது. திமுக ஆட்சிக்கு வந்த ஒரு வருட காலத்தில் ஒரு லட்சம் கோடி கடன் சுமை ஏறி உள்ளது. தற்போது இவ்வாண்டு கடன் 1.20 லட்சம் கோடியாக இருக்கும் என கணக்கிடப்பட்டுள்ளது. எந்த ஒரு மாநிலமும் டாஸ்மாக் வருமானத்தில் வாழ்ந்ததாக சரித்திரம் கிடையாது.

 

திமுக கொடுத்த 508 வாக்குறுதிகளில் நூற்றுக்கு மேற்பட்டவை இலவச அறிவிப்புகள் தான். இதே நிலை தொடர்ந்தால் இலங்கையை போல் தமிழகமும் நிதி நிலைமையால் தள்ளாடும் நிலை வரும். பொதுமக்கள் சுயமாக உழைத்து முன்னேறி வருகிறார்கள். அரசை நம்பி இல்லை எனவே தமிழகம் தப்பித்து கொண்டுள்ளது” என்று தெரிவித்தார். 

 

 

சார்ந்த செய்திகள்

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார். 

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.