Skip to main content

ரஜினி கட்சியில் மு.க.அழகிரி? ரஜினியை குழப்பும் பாஜக... மு.க.அழகிரி ஏற்படுத்திய பரபரப்பு!

Published on 18/11/2019 | Edited on 18/11/2019

தமிழக அரசியலில் நிலவும் வெற்றிடத்தை ரஜினி நிரப்புவார் என்று மு.க.அழகிரி, போற போக்கில் ஒருபரபரப்பை ஏற்படுத்தி விட்டார். கலைஞர் இறந்த சமயம், தமிழகத்தில் நல்ல தலைவர்களுக்கு வெற்றிடம் ஏற்பட்டிருக்கு என்று முதலில் பேசியவர் ரஜினி தான். அதற்கு கலைஞர் பிறந்தநாள் விழாவிலேயே, பதில் கொடுத்த மு.க.ஸ்டாலின், கலைஞரின் வெற்றிடத்தை நிரப்ப நான் இருக்கேன் என்று அழுத்தம் திருத்தமாக கூறினார். நாடாளுமன்றத் தேர்தலில் தி.மு.க. மிகப்பெரிய அளவில் வெற்றியும் பெற்றது. ஆனாலும் ரஜினி, அண்மையில் தன் போயஸ் தோட்ட வீட்டில் நிருபர்களிடம் பேசியபோதும், இன்னும் அந்த வெற்றிடம் நிரப்பப்படாமலேயே இருக்கு என்று அதே கருத்தை ரிபீட் செய்தார். 
 

rajini



அப்படி எந்த வெற்றிடமும் இல்லை என்று  அவருக்கு முதல்வர் எடப்பாடி உள்ளிட்டோர் பதில் சொன்ன நிலையில்தான், 13-ந் தேதி சென்னை ஏர்போர்ட்டில் நிருபர்களின் பார்வையில் சிக்கிய மு.க.அழகிரி, அரசியல் வெற்றிடத்தை ரஜினி நிரப்புவார் என்று கூறினார். அதே நேரத்தில், ரஜினி கட்சி ஆரம்பித்தால் நீங்க சேருவீர்களான்னு கேள்வி கேட்டதுக்கு  அழகிரி எந்த பதிலும் கூறவில்லை. ரஜினியைப் பொறுத்தவரை, புதிய அரசியல் கட்சியைத் தொடங்கும் முடிவை தள்ளி வைத்து கொண்டே செல்கிறார். காரணம், அவரைக் குறிவைக்கும் பா.ஜ.க.தான் அவரைப் புதுக்கட்சியைத் தொடங்காமல், தங்கள் கட்சியில் எப்படியாவது இணைய வேண்டும் என்று  நிர்பந்தங்களைக் கொடுத்து அவரைக் குழப்பி வருவதாக சொல்கின்றனர். 

 

 

சார்ந்த செய்திகள்

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார். 

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.