Skip to main content

“எங்கள் கைகள் பூப்பறிக்குமா என்பது மிரட்டலா?” - காட்டமான அமைச்சர் சேகர்பாபு

Published on 07/02/2023 | Edited on 07/02/2023

 

Minister Shekhar Babu press meet about seeman

 

பேனா சிலையை வைத்தால் உடைப்பேன் என சீமான் சொன்னால் அதனை வரவேற்க வேண்டும் என்று எதிர்பார்க்கிறீர்களா? என அறநிலையத்துறை அமைச்சர் சேகர்பாபு செய்தியாளர்களிடம் காட்டமாகத் தெரிவித்துள்ளார்.

 

அண்மையில் கலைஞர் நினைவாக கடலில் பேனா சின்னம் அமைப்பது தொடர்பான கருத்துக்கேட்புக் கூட்டத்தில் கலந்து கொண்டு நாம் தமிழர் கட்சியின் தலைமை ஒருங்கிணைப்பாளர் சீமான் 'பள்ளிகளை சீரமைக்க நிதி இல்லாத பொழுது 81 கோடியில் பேனா சின்னம் தேவையா? அப்படி பேனா சின்னம் வைத்தால் அண்ணா அறிவாலயத்திலேயே அல்லது வேறு இடத்திலோ வைத்துக் கொள்ளுங்கள். மீறி கடலில் வைத்தால் உடைப்பேன்' எனப் பேசியது பரபரப்பை ஏற்படுத்தியது.

 

அதனைத் தொடர்ந்து, இதுகுறித்த கேள்விக்கு அறநிலையத்துறை அமைச்சர் சேகர்பாபு,  “பேனாவை உடைத்தால் எங்கள் கை பூப்பறித்துக் கொண்டிருக்குமா?” எனப் பேசி இருந்தார். இந்த நிலையில், இன்று செய்தியாளர்களைச் சந்தித்த அவரிடம் மீண்டும் அது குறித்து செய்தியாளர்கள் கேள்வி எழுப்பினர். “அமைச்சர்கள் பொதுவெளியில் மிரட்டும் தொனியில் பேசுவதாக புகார்கள் எழுகிறதே?” என்ற கேள்விக்கு, “பேனாவை வைத்தால் உடைப்பேன் என்று சொன்னால் எங்கள் கைகள் பூப்பறித்துக் கொண்டிருக்குமா? நாங்கள் கம்முனு இருக்க வேண்டும் என்று சொல்கிறீர்கள? அவர் உடைக்கட்டும். அதை வரவேற்கிறோம் என்று நான் சொல்வேன் என்று எதிர்பார்க்கிறீர்களா? நீங்கள் கேட்கிற கேள்வியே அர்த்தமற்ற கேள்வி. அவர் அப்படி சொல்வார் அதற்கு நாங்கள் பதில் சொல்லாமல் கம்முனு இருக்க வேண்டுமா? அவர் உடைப்பேன் என்பது மிரட்டல் இல்லையாம். எங்கள் கைகள் பூப்பறிக்குமா எனச் சொல்வது தான் மிரட்டலா? எந்த வார்த்தை மென்மையானது, எந்த வார்த்தை கடுமையானது என்று உணராமல் கேள்விகளை எழுப்புவது நாகரீகமற்ற செயல்'' என்று காட்டமாகப் பதிலளித்தார். 

 

 

சார்ந்த செய்திகள்

 

Next Story

''கள்ளச்சாராய உயிரிழப்பு; ராகுலும், கார்கேவும் எங்கே போனார்கள்?'' - நிர்மலா சீதாராமன் கேள்வி

Published on 23/06/2024 | Edited on 23/06/2024
“Alcohol casualties; Where did Rahul and Kharge go?''-Nirmala Sitharaman asked

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

கள்ளக்குறிச்சி கள்ளச்சாராய மரணம் தொடர்பாக சிபிஐ விசாரணை வேண்டும் என தமிழக பாஜக வலியுறுத்தி வருகிறது. இந்நிலையில் கள்ளச்சாராய மரணம் தொடர்பான நடவடிக்கைகள் குறித்து மத்திய நிதியமைச்சர் நிர்மலா சீதாராமன் பல்வேறு கருத்துக்களை தெரிவித்துள்ளார். இது குறித்து நிர்மலா சீதாராமன் தெரிவித்துள்ளதாவது, ''கள்ளச்சாராயம் விற்றவர்களுடன் ஆளும் திமுகவிற்கு தொடர்பு இருப்பதால் முறையான விசாரணை நடக்காது. எனவே கள்ளச்சாராயத்தால் 56 பேர் உயிரிழந்த சம்பவம் குறித்து சிபிஐ விசாரணை நடத்த வேண்டும். 1971-ல் கடும் எதிர்ப்புகளுக்கு இடையே தமிழகத்தில் இருந்த பூரண மதுவிலக்கை நீக்கியது திமுக அரசு தான். கள்ளச்சாராய மரணம் தொடர்பாக தமிழக சட்டப்பேரவையில் விவாதத்தையும் தமிழக அரசு அனுமதிக்கவில்லை.

“Alcohol casualties; Where did Rahul and Kharge go?''-Nirmala Sitharaman asked

பாஜக சார்பில் இந்த விவகாரத்தில் சிபிஐ விசாரணை வேண்டும் என நான் வலியுறுத்துகிறேன். இந்த விவகாரத்தை சிபிஐ விசாரணை செய்தால் தான் உண்மையை வெளியே வரும். மாநில அரசுக்கு இதில் உள்ள தொடர்பு காரணமாக போலீஸ் விசாரணையில் விவரங்கள் முழுமையாக வெளியே வராது. தமிழ்நாட்டில் தொடர்ச்சியாக கள்ளச்சாராய விற்பனை அதிகரித்து வருகிறது. அரசு அமைப்பான டாஸ்மாக் வருடா வருடம் அதிக அளவில் மதுபானங்களை விற்பனை செய்து வருகிறது. தமிழகத்தில் எல்லா இடங்களிலும் மது ஆறாக ஓடுகிறது. கள்ளக்குறிச்சி விவகாரத்தில் குடியிருப்புகள் உள்ள பகுதியிலேயே சாராயம் விற்றது மிகவும் வருந்ததக்கதாக உள்ளது. விஷச் சாராயத்தால் 56 பேர் உயிரிழந்த இந்த சம்பவம் குறித்து காங்கிரஸ் கட்சி கருத்து கூறாதது ஏன்? ராகுல் காந்தி, மல்லிகார்ஜுன கார்கே இதுவரை கருத்து கூறாதது ஏன்? சட்டப்பூர்வமாக மதுபானம் விற்கப்படும் தமிழகத்தில் எப்படி கள்ளச்சாராய மரணம் நேரிட்டது. இதுகுறித்து கருத்து கூறாமல் ராகுல் காந்தி எங்கே போனார்?'' எனக் கேள்வி எழுப்பியுள்ளார் நிர்மலா சீதாராமன்.

Next Story

பாஜக சிபிஐ விசாரணை கேட்பதின் நோக்கம் என்ன?-ஆர்.எஸ்.பாரதி பேட்டி

Published on 23/06/2024 | Edited on 23/06/2024
What is the mystery of BJP asking for CBI investigation?-RS Bharati interview

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

கள்ளக்குறிச்சி கள்ளச்சாராய மரணம் தொடர்பாக சிபிஐ விசாரணை வேண்டும் என பாஜக வலியுறுத்தி வருகிறது. இந்தநிலையில் சிபிஐ விசாரணை வேண்டும் எனக் கூறுவது குற்றவாளிகளை பிடிப்பதை தாமதப்படுத்தும் செயல் என திமுகவின் அமைப்பு செயலாளர் ஆர்.எஸ்.பாரதி தெரிவித்துள்ளார். புதுக்கோட்டையில் செய்தியாளர்களைச் சந்தித்த திமுக அமைப்புச் செயலாளர் ஆர்.எஸ்.பாரதி பேசுகையில், ''பாஜக இந்த விவகாரத்தில் சிபிஐ விசாரணை வேண்டும் என கேட்பதற்கே காரணம் நோக்கம் புரிகிறது. அவர்களுடைய ஆட்கள் யாராவது இதில் சம்பந்தப்பட்டிருந்தால் அவர்களை காப்பாற்றுவதற்காக இதைக் கேட்கிறார்களோ என்ற சந்தேகம் வருகிறது. மத்திய அரசு நினைத்தால் தேவைப்படுவோர் மீது இ.டி ரெய்டு விடுகிறார்கள். கட்சி மாறியவுடன் வாபஸ் பெறுகிறார்கள். சிபிஐ கேஸ் போடுகிறார்கள் கட்சி மாறியவுடன் வாபஸ் பெறுகிறார்கள். சிபிசிஐடி விசாரணையிலேயே உண்மை தெரிந்துவிடும். நேர்மையான விசாரணைக்காக ஓய்வு பெற்ற நீதிபதி தலைமையில் கமிஷன் அமைக்கப்பட்டுள்ளது'' என்றார்.