மயிலாடுதுறை திமுக வேட்பாளரை ஆதரித்து வாக்கு கேட்ட காதர்மொகிதின்...

மயிலாடுதுறை பாராளுமன்ற தொகுதி திமுக வேட்பாளர் ராமலிங்கத்திற்கு வாக்கு கேட்டு கும்பகோணம் அருகே உள்ள அய்யம்பேட்டைக்கு வந்திருந்த இந்திய யூனியன் முஸ்லீம் லீக் கட்சியின் தேசியத் தலைவர் காதர் மொகிதீன் பத்திரிக்கையாளர்களை சந்தித்து தொகுதி நிலவரம் குறித்தும், தமிழக நிலவரங்கள் குறித்தும் பேசினார்.

"திமுக காங்கிரஸ் தலைமையிலான கூட்டணி கட்சிகள் அமோக வெற்றி பெற்று, மத்தியில் காங்கிரஸ் தலைமையிலான ஆட்சியும், தமிழகத்தில் ஸ்டாலின் தலைமையிலான ஆட்சியும் விரைவில் நடைபெறும்.

கருத்து கணிப்பின் படி இந்திய அளவில் 311 இடங்களில் காங்கிரஸ் கூட்டணி வெற்றி பெற்று ஆட்சி அமைக்கும் என வருகிறது. செல்லும் இடமெல்லாம் திமுகவிற்கும் காங்கிரஸிற்கும் அமோக வரவேற்பு கிடைத்துள்ளது.

மதம் சார்ந்த பிரச்சனைகளில் அந்த மதத்தின் உள்ளவர்களே மத பிரச்சினையை தீர்த்துக் கொள்ள வேண்டும். இதற்கு மாறாக தமிழக அரசோ நீதிமன்றமோ மத சார்பான பிரச்சனைகளில் தலையிடுவது தவறு" என்றார்.