Skip to main content

"ஸ்டாலினுக்கு படிப்பறிவு இருக்கிறதா என்றெனக்கு சந்தேகம்" - ஹெச்.ராஜா 

Published on 19/04/2018 | Edited on 19/04/2018

பாரதிய ஜனதா கட்சியின் தேசிய செயலர் ஹெச்.ராஜா, 'இந்துக் கோவில்கள் மீட்புக் குழு' என்று ஒரு குழுவை அமைத்து அதன் செயல்பாடுகளில் ஒரு பகுதியாக மாநிலமெங்கும் உள்ள கோவில்களுக்குச் சென்று பார்வையிடுகிறார். நேற்று செம்பரம்பாக்கம் அருகிலுள்ள கோவிலில் செய்தியாளர்களிடம் பேசிய அவர் கூறியது...   

 

H.raja temple


"அறநிலையத் துறையும் ரெவின்யூ துறையும் இணைந்து கூட்டு சதி செய்து இந்துக் கோவில்களை திருடுகிறது. அமைச்சர்களோ, அதிகாரிகளோ இந்துக் கோவில்களுக்கு என்ன செய்கிறார்கள் என்று தெரியவில்லை. நான் சொல்றேன், உங்களால் திறம்பட செயலாற்ற முடியவில்லை. அதை எங்களிடம் கொடுத்துவிடுங்கள் நாங்கள் பார்த்துக்கொள்கிறோம். இந்துக் கோவில்களில் பல அரசு அதிகாரிகள் ரௌடிகள் போல் நடந்துகொள்கின்றனர். அவர்கள் என்ன இந்து கோவில்களுக்கு எஜமானா? இவர்கள் பக்தர்களை மதிப்பதில்லை, சேவகர்களை இவர்கள் வீட்டு வேலைக்காரர்கள் போல் நடத்துகிறார்கள். என்னிடம் பல புகார்கள் வந்துகொண்டு இருக்கிறது. இந்து மக்கள், அதிகாரிகளிடம் சென்று கும்பாபிஷேகம் நடத்த வேண்டும் என்று கேட்டால், அதற்கு அனுமதிகொடுக்க இந்த அதிகாரிகள் காசு கேட்கிறார்கள். தமிழகம் முழுவதும் இவ்வாறுதான் நடைபெறுகிறது. டாஸ்மாக்கும், கோவில்களும் தான் இந்த அரசு அதிகாரிகளுக்கு முதலீட்டில்லாமல் கொள்ளை அடிக்க கூடிய ஒன்றாக இருக்கிறது. 
 

இந்து கோவில்களுக்கு என்று 4,78,000 ஏக்கர் நன்செய், புன்செய் நிலங்கள் இருக்கின்றன. 33,000 கட்டிடங்கள் இருக்கிறது. 22,000க்கும் மேற்பட்ட மனைகள் இருக்கிறது. அதையெல்லாம் அவர்கள் காட்ட வேண்டாமா? கோடிக்கணக்கில் கோவிலை வைத்து சம்பாரிக்கிறார்கள். ஆனால், கோவில்களின் கட்டிடங்களைப்  பாருங்கள் எவ்வாறு இருக்கிறது என்று. அப்படி சரியாக செய்யமுடியவில்லை என்றால் ஓடிவிட வேண்டும். அரசாங்கம் கோவில்களை வைத்திருக்கக் கூடாது. இன்று இருக்கும் நிலையில் இந்துக்கள் வீதிக்கு வந்து போராட வேண்டும். இந்த இந்துக் கோவில்கள் மீட்புக்குழு அமைந்ததற்கு காரணமே இந்த திராவிட அமைப்புகள், கடவுள் நம்பிக்கை இல்லாதவர்கள் போன்ற கொள்ளைக் கூட்டத்திடம் இருந்து கோவில்கள் மீட்கப்பட வேண்டும். செம்பரம்பாக்கம் ஏரியை ஆக்கிரமித்து, கோவில் நிலத்தையும் ஆக்கிரமித்து இந்த செயின்ட் ஜான்ஸ் பள்ளி கட்டிடம் இருக்கிறது. நம் இந்து பிள்ளைகளை அவர்கள் மதம் மாற்றுகிறார்கள். அவர்களுக்கு நாம் நிலம் தரவேண்டுமா? இந்து கோவில்களை சரியாக பராமரித்தால், அதில் கிடைக்கும் லாபத்தில் இந்து ஏழை குழைந்தைகளுக்கு கல்வி வசதி செய்து தரலாம். சர்க்கார் கொடுக்காது எம்பெருமான் கொடுப்பார். 

 

Banwarilal governors guide


ஸ்டாலினுக்கு படிப்பறிவு உள்ளதா என்று எனக்கு தெரியவில்லை. நேற்றைக்கு ஆளுநர் 'கவர்னர்ஸ் கைடு' புத்தகத்தை எடுத்து பத்திரிகையாளர் சந்திப்பில், கவர்னரின் வேலைகள் என்னென்ன என்று சொல்லியிருக்கிறார். பல்கலைக்கழகத்தின் வேந்தரை நியமிக்க மட்டுமல்ல ஒரு பியூனைக் கூட நியமிக்க மாநில அரசுக்கு உரிமையில்லை. ஒருவேளை அவர் ஆங்கிலத்தில் படித்ததால் தெரியவில்லை போல. இதற்கு முன் இருந்த கவர்னர்கள் போன்று ரிப்பன் கட் செய்பவர் என்று நினைத்துவிட்டார் போல. 
 

காவிரி பிரச்சனைக்கு தமிழ்நாட்டுக்கு உதவ மத்திய அரசாங்கம் நினைக்கிறது. ஆனால், நதி மாநிலங்களின் கட்டுப்பாட்டில் இருப்பதால், அது ஒரு முட்டுக்கட்டையாக இருக்கிறது. இந்த உண்மைகளையெல்லாம், மறக்கடித்து இந்த ஊடகங்கள் மக்களிடம் தூண்டிவிடுகின்றன. இதற்கு தான் ட்வீட் செய்துள்ளேன். இதற்கு முன்னர் இந்த திராவிடர்கள் எவ்வளவோ கேவலமாக பேசியிருக்கிறார்கள். அப்போது எல்லாம் கோபப்பட்டிருக்கிறோமா? இன்று ஒரு நல்லவரை கேள்வி கேட்கிறீர்கள். ஓஎஸ் மணியன், கோவில் இடங்களை ஆக்கிரமிப்பு செய்தவர்களுக்கு பட்டா வாழங்கப்படும் என்கிறார். சட்டம் தெளிவாக இருக்கிறது. கோவில் இடங்களை யாராலும் பராதீனம் செய்ய முடியாது. 500 ஏக்கரில் மணியன் ஊர் பக்கத்தில் சசிகலா நிலம் இருக்கிறது. அதை வேண்டுமானாலும் ஏழை விவசாயிகளுக்கு பட்டா போட்டு கொடுங்களேன். நான் வேண்டுமானாலும் விவசாயிகளை அழைத்து வருகிறேன்".          

 

சார்ந்த செய்திகள்

Next Story

பிரதமர் மோடிக்கு தேர்தல் ஆணையம் நோட்டீஸ்!

Published on 25/04/2024 | Edited on 25/04/2024
Election Commission notice to Prime Minister Modi

ராஜஸ்தான் மாநிலம் பன்ஸ்வாரா பரப்புரையில் பேசிய பிரதமர் மோடி, ''நாட்டின் சொத்தில் இஸ்லாமியர்களுக்கே முதல் அதிகாரம் என்று காங்கிரஸ் ஆட்சியில் சொன்னார்கள். இதனால் இந்துக்களின் சொத்துகள் போகிறது. இந்துக்களின் பணத்தை எடுத்து இஸ்லாமியர்களுக்கு கொடுக்க நினைக்கிறது காங்கிரஸ். இதன் பொருள் அவர்கள் இந்தச் செல்வத்தை அதிக குழந்தைகளைப் பெற்றவர்களுக்கும், ஊடுருவல்காரர்களுக்கும் பகிர்ந்தளிப்பார்கள்.

நீங்கள் கஷ்டப்பட்டு சம்பாதித்த பணம் ஊடுருவல்காரர்களுக்கு செல்ல வேண்டுமா? இதை நீங்கள் அங்கீகரிக்கிறீர்களா? பெண்கள் வைத்திருக்கும் தங்கத்தைக் கணக்கிட்டு, அந்தச் செல்வத்தை பங்கீடு செய்வோம் என்று காங்கிரஸின் தேர்தல் அறிக்கை கூறுகிறது. மன்மோகன் சிங் தலைமையிலான அரசு, முஸ்லீம்களுக்கு செல்வத்தில் முதல் உரிமை உண்டு என்று கூறியது. இந்த நகர்ப்புற நக்சல் சிந்தனை என் தாய்மார்கள் மற்றும் சகோதரிகளின் மாங்கல்யத்தைக் கூட விட்டுவைக்காது.." எனச் சர்ச்சையாக பேசினார். இஸ்லாமியர்கள் ஊடுருவல்காரர்கள் என நாட்டின் பிரதமர் மோடி பேசிய பேச்சுக்கு நாடு முழுவதும் பலத்த கண்டனம் எழுந்து வருகிறது.

முன்னதாக பிரதமர் மோடியின் இத்தகைய வெறுப்பு பேச்சுக்கு தேர்தல் ஆணையம் உரிய நடவடிக்கை எடுக்க வேண்டும் எனக் காங்கிரஸ் கட்சியின் மூத்த தலைவர்கள் அபிஷேக் மனு சிங்வி, சல்மான் குர்ஷித், குர்தீப் சத்பால் ஆகியோர் தேர்தல் ஆணையத்திற்கு நேரில் சென்று புகார் மனு அளித்திருந்தனர். அந்த மனுவில், ‘சமூகங்களுக்கு இடையே வெறுப்பை பரப்பும் வகையில் பேசிவரும் பிரதமர் மோடி மீது நடவடிக்கை எடுக்க வேண்டும்’ என குறிப்பிடப்பட்டிருந்தது.

இந்நிலையில் தேர்தல் பரப்புரையில் மதத்தை தொடர்புபடுத்தி பேசியதாக பிரதமர் மோடிக்கு மக்கள் பிரதிநிதித்துவச் சட்டத்தின் பிரிவு 77 கீழ் தேர்தல் ஆணையம் நோட்டீஸ் அனுப்பியுள்ளது. அதாவது பாஜக தலைவர் ஜேபி நட்டாவிற்கு அனுப்பட்டுள்ள இந்த நோட்டீஸில் வரும் 29 ஆம் தேதி காலை 11 மணிக்குள் தேர்தல் ஆணையம் பதிலளிக்க உத்தரவிடப்பட்டுளது. அதே போன்று பாஜக அளித்த புகாரில் காங்கிரஸ் எம்.பி. ராகுல்காந்திக்கும் தேர்தல் ஆணையம் நோட்டீஸ் அனுப்பியுள்ளது. மேலும் அரசியல் கட்சிகள் தங்கள் வேட்பாளர்கள், குறிப்பாக நட்சத்திர பேச்சாளர்களின் பேச்சு அதிக பொறுப்புடன் இருக்க வேண்டும். உயர் பதவிகளில் இருப்பவர்களின் பிரச்சார உரைகள் மிகவும் கடுமையான விளைவுகளை ஏற்படுத்தும் என்று தேர்தல் ஆணையம் தெரிவித்துள்ளது. 

Next Story

“ரூ.4 கோடிக்கும் எனக்கும் சம்பந்தம் இல்லை” - நயினார் நாகேந்திரன்!

Published on 25/04/2024 | Edited on 25/04/2024
I have nothing to do with Rs. 4 crore Nayanar Nagendran

சென்னை எழும்பூர் ரயில் நிலையத்தில் இருந்து திருநெல்வேலிக்கு செல்லும் ரயிலில் தாம்பரம் ரயில் நிலையத்தில் கடந்த 6 ஆம் தேதி (06.04.2024) இரவு உரிய ஆவணங்களின்றி கொண்டு செல்ல முயன்றதாக சுமார் ரூ. 4 கோடி மதிப்பிலான ரொக்கம் பறக்கும் படையினரால் பறிமுதல் செய்யப்பட்டது. இதனையடுத்து இந்தப் பணத்தை எடுத்து வந்த புரசைவாக்கம் தனியார் விடுதி மேலாளரும் பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர். அப்போது திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்த பணத்தைக் கொண்டு செல்ல முயன்றதாக மூவரும் வாக்குமூலம் கொடுத்ததாகத் தகவல் வெளியாகி இருந்தது.

இந்தச் சம்பவம் தொடர்பாக நயினார் நாகேந்திரன் ஆஜராகி பதிலளிக்கும்படி காவல்துறை தரப்பில் சம்மன் அனுப்பப்பட்டிருந்தது. ஆனால் நயினார் நாகேந்திரன் விசாரணைக்கு ஆஜராகாத நிலையில் விசாரணைக்கு ஆஜராக பத்து நாட்கள் அவகாசம் வேண்டும் என நயினார் நாகேந்திரன் தரப்பில் காவல்துறைக்கு பதில் கடிதம் கொடுக்கப்பட்டிருந்தது. அதேசமயம் இந்த பணத்தை நயினார் நாகேந்திரன் உறவினர் முருகன், இவரின் நண்பர்களான ஆசைத்தம்பி, ஜெய்சங்கர் ஆகிய 3 மூவரும் கொடுத்து அனுப்பியதாக தெரிவித்திருந்தனர். இதனடிப்படையில் போலீசார் முருகன், ஆசைத்தம்பி, ஜெய்சங்கர் ஆகியோருக்கு சம்மன் அனுப்பி இருந்தனர். இதனையடுத்து இவர்கள் நேற்று முன்தினம் (23.04.2024) தாம்பரம் காவல் நிலையத்தில் நேரில் ஆஜராகி இருந்தனர்.

அப்போது நயினார் நாகேந்திரன் உறவினர் முருகன் காவல்துறையில் அளித்த வாக்குமூலத்தில், “தனக்கும் கைப்பற்றப்பட்ட பணத்திற்கும் எவ்வித சம்பந்தம் இல்லை. நயினார் நாகேந்திரன் உதவியாளர் மணிகண்டன் 3 நபர்கள் பணம் கொண்டு வருகிறார்கள். எனவே இவர்களின் பாதுகாப்பிற்காக இருவரை அனுப்ப கேட்டுக்கொண்டதால் தான் தன்னிடம் வேலை பார்க்கும் ஆசைத்தம்பி, ஜெய்சங்கர் என இருவரை அனுப்பி வைத்தேன். சென்னையில் 4 ஹோட்டல்களை வாடகைக்கு எடுத்து நடத்தி வருகிறேன். அதில் ஆசைத்தம்பி, ஜெய்சங்கர் இருவரும் பணியாற்றி வருகின்றனர்” என தெரிவித்துள்ளார். இந்த வாக்குமூலத்தின் அடிப்படையில் நயினார் நாகேந்திரன், மணிகண்டனுக்கு காவல் துறை சார்பில் சம்மன் அனுப்பப்பட்டதாக தகவல் வெளியாகி இருந்தது.

இந்நிலையில் சென்னை தியாகராயர் நகரில் நயினார் நாகேந்திரன் செய்தியாளர்களைச் சந்தித்தார். அப்போது அவர் பேசுகையில், “இந்த விவகாரத்தில் முழுக்க முழுக்க என்னை டார்கெட் செய்கின்றனர். இது ஒரு அரசியல் சூழ்ச்சி ஆகும். ரூ.4 கோடியை எங்கேயோ பிடித்துவிட்டு என் பெயரையும் சேர்த்து பயன்படுத்துகின்றனர். தமிழகத்தில் சுமார் 200 கோடிக்கும் மேல் பணம் பறிமுதல் செய்யப்பட்ட நிலையில் ரூ. 4 கோடி பறிமுதல் செய்யப்பட்டது குறித்து விசாரிக்கின்றனர். கைப்பற்றப்பட்ட இந்த பணத்திற்கும் எனக்கும் சம்பந்தம் இல்லை. தாம்பரம் காவல் நிலையத்தில் மே 2 ஆம் தேதி விசாரணைக்கு ஆஜராக உள்ளேன்” எனத் தெரிவித்தார்.