Skip to main content

''அதிமுகவின் முன்னாள் ஒருங்கிணைப்பாளர் ஓபிஎஸ்...''-சி.வி.சண்முகம் பேட்டி

Published on 24/06/2022 | Edited on 24/06/2022

 

'' Former AIADMK coordinator OPS ... '' - CV Shanmugam interview



முரண், மோதல் என அதிமுகவில் ஒற்றைத் தலைமை தொடர்பான விவாதங்கள் கிளம்பி, கடைசியில் சலசலப்புடன் நேற்று வானகரத்தில் உள்ள ஒரு தனியார் திருமண மண்டபத்தில் அதிமுக பொதுக்குழு நடந்து முடிந்தது. இதனைத் தொடர்ந்து ஓபிஎஸ் நேற்று டெல்லி கிளம்பினார். ஜூலை 11 அதிமுக பொதுக்குழுவிற்கு அனுமதி தரக்கூடாது என டெல்லியில் உள்ள இந்திய தேர்தல் ஆணையத்தில் ஓபிஎஸ் சார்பில் அவரது தரப்பு வழக்கறிஞர்கள் மனுத்தாக்கல் செய்துள்ளனர்.

 

ஓபிஎஸ்ஸின் மனுத்தாக்கலை தொடர்ந்து சென்னையில் உள்ள இல்லத்தில் தனது ஆதரவாளர்களுடன் இபிஎஸ் ஆலோசனையில் ஈடுபட்டார். இந்த ஆலோசனையில் சி.வி.சண்முகம், எஸ்.பி.வேலுமணி, தங்கமணி, பொள்ளாச்சி ஜெயராமன், கே.பி.அன்பழகன், ஜெயக்குமார் ஆகியோர் பங்கேற்றனர். இந்நிலையில் வெளியே வந்த அவர்கள் கூட்டாக செய்தியாளர்களைச் சந்தித்தனர். சி.வி.சண்முகம் பேசுகையில், ''ஓபிஎஸ் பொதுக்குழு அறிவிப்பு மீது 5 குற்றச்சாட்டுகளை வைத்துள்ளார். எப்பொழுதும் தலைமை கழகத்தில் நடைபெறும் கூட்டத்தில் ரவுடித்தனமாக பேசுவதைப்போல  பேசியிருக்கிறார். நாங்கள் அதைப்பற்றி பேசவில்லை. ஆனால் அவர் வைத்துள்ள 5 கேள்விகளுக்கும் பதில் சொல்ல கடமைப்பட்டிருக்கிறோம். பொதுக்குழுவை யார் கூட்ட வேண்டும் என்ற அதிகாரம் கழக விதி எண் 19ல் சொல்லப்பட்டுள்ளது. ஆண்டுக்கு ஒருமுறை கண்டிப்பாக பொதுக்குழுவைக் கூட்ட வேண்டும். தேவைக்கேற்ப பொதுக்குழுவைக் கூட்ட ஒருங்கிணைப்பாளருக்கும் இணை ஒருங்கிணைப்பாளருக்கும் அதிகாரம் உண்டு.

 

'' Former AIADMK coordinator OPS ... '' - CV Shanmugam interview

 

மொத்தமுள்ள பொதுக்குழு உறுப்பினர்களில் ஐந்தில் ஒரு பங்கு உறுப்பினர்கள் பொதுக்குழுவை நடத்த வேண்டும் என கோரிக்கைவைத்துக் கையெழுத்திட்டு தலைமை கழகத்தில் கொடுத்தால் மனு கொடுக்கப்பட்ட தேதியிலிருந்து 30 நாட்களுக்குள் பொதுக்குழுவை கண்டிப்பாக நடத்த வேண்டும். எனவே பொதுக்குழு செல்லாது என ஓபிஎஸ் கூறியுள்ள கருத்து செல்லாது. 23 ஆம் தேதிவரை அதிமுகவின் ஒருங்கிணைப்பாளராக இருந்த தற்பொழுது அதிமுகவின் பொருளாளராக இருக்கக் கூடிய ஓபிஎஸ்ஸும், அதிமுகவில் முன்னாள் இணை ஒருங்கிணைப்பாளராக இருந்த தற்பொழுது தலைமை நிலையச் செயலாளராக உள்ள எடப்பாடி பழனிசாமியும் 02.06.2022 அன்று கையெழுத்திட்டு கொடுத்ததை அடுத்து 23.06.2022 அன்று பொதுக்குழு நடந்தது. அப்பொழுது தெரியாமல் ஓபிஎஸ் கையெழுத்து போட்டுவிட்டாரா?. நாட்டில் பல்வேறு பிரச்சனைகள் இருக்கும் காலகட்டத்தில் பொதுக்குழுவுக்கு தடை வேண்டும் என மனுத்தாக்கல் செய்தார்.  

 

இந்த வழக்கில் நீதிமன்றம் கொடுத்த அறிவுறுத்தலின் படி பொதுக்குழு நடைபெற்றது. உள்ளே மூன்று கார்களுக்கு மட்டும்தான் அனுமதி கொடுக்கப்பட்டது, ஓபிஎஸ், இபிஎஸ், அவைத்தலைவர் மற்றும் அவர்களின் பாதுகாப்பு வாகனங்கள். மற்றபடி நானாக இருந்தாலும் ஜெயக்குமார், பொள்ளாச்சி ஜெயராமன் என அனைவரும் கார் பார்க்கிங்கில் இருந்து முறையாக அடையாள அட்டையை காட்டி உள்ளே நுழைந்து பொதுக்குழுவில் பங்கேற்றோம். ஆனால் வைத்தியலிங்கம் சொகுசாக ஓபிஎஸ் காரில் வந்து உள்ளே சென்று அடையாள அட்டையை கூட காட்டவில்லை. ஆனால் எங்களை பொறுத்தவரை பொதுக்குழு சட்டவிதிகளின் படி நடத்தப்பட்டுள்ளது'' என்றார். அப்பொழுது பின்னே நின்றுகொண்டிருந்த ஜெயக்குமார் ''மீறல் இல்லன்னு சொல்லுங்க'' என சொல்ல, ''எனவே இதில் எந்தவித சட்டவிதி மீறலும் இல்லை'' என்றார் சி.வி.சண்முகம்.  மேலும் பேசிய அவர், ''அவைத்தலைவரை ஒருங்கிணைப்பாளர், துணை ஒருங்கிணைப்பாளர் சேர்ந்துதான் நியமிக்க வேண்டும் என்று இல்லை. அதிமுக சட்டவிதி 19 -ல் பிரிவு ஐந்தில் தலைமை கழகத்தின் பொதுக்குழு உறுப்பினர்கள் கூடி தலைமைக்கழகத்தின் அவைத்தலைவரை தேர்ந்தெடுக்க வேண்டும். நேற்றே ஒருங்கிணைப்பாளர், இணை ஒருங்கிணைப்பாளர் என்ற பதவிகள் காலாவதியாகிவிட்டது. இனி ஓபிஎஸ் அதிமுகவின் பொருளாளர் மட்டுமே. இபிஎஸ் தலைமை நிலையச் செயலாளர்'' என்றார்.

 

 

 

 

சார்ந்த செய்திகள்

 

Next Story

மின் கட்டண உயர்வு, சட்ட ஒழுங்கு பிரச்சனையைக் கண்டித்து அதிமுக போராட்டம்! (படங்கள்)

Published on 23/07/2024 | Edited on 23/07/2024

 

தமிழகத்தில் முதல்வர் ஸ்டாலின் தலைமையிலான அரசால் சட்ட ஒழுங்கு சீர்கெட்டுள்ளதாக அதிமுக உள்ளிட்ட எதிர்க்கட்சிகள் தொடர்ந்து குற்றம் சாட்டி வருகிறது. இந்த நிலையில் அண்மையில் தமிழக அரசு மின் கட்டணத்தை உயர்த்திருந்தது. இதற்கு அதிமுக கடும் எதிர்ப்பினை தெரிவித்து வருகிறது. 

இந்த நிலையில் திமுக தலைமையிலான அரசு பதவியேற்று மூன்று ஆண்டுகளில் மூன்றாவது முறையாக மின்கட்டணத்தை உயர்த்தியுள்ளதைக் கண்டித்தும், தமிழகத்தின் சட்ட ஒழுங்கு பிரச்சனை ஆகியற்றைக் கண்டித்தும் சென்னை தங்க சாலை பேருந்து நிலையத்தில் அதிமுக சார்பில் முன்னாள் அமைச்சர் ஜெயகுமார் தலைமையில் போராட்டம் நடைபெற்றது. 

Next Story

ஆஜரான எம்.ஆர்.விஜயபாஸ்கர்; அதிரடி உத்தரவிட்ட நீதிமன்றம்

Published on 22/07/2024 | Edited on 22/07/2024
nn

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.

மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகரக் காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது. அதே சமயம் இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார்.

இதற்கிடையே தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கடந்த 16 ஆம் தேதி (16.07.2024) கைது செய்யப்பட்டார். இத்தகைய பரபரப்பான சூழலில் எம்.ஆர். விஜயபாஸ்கருக்கு வரும் 31ஆம் தேதி வரை என 15 நாட்கள் நீதிமன்ற காவல் விதிக்கப்பட்டு திருச்சி மத்தியச் சிறையில் அடைக்கப்பட்டிருந்தார்.

இந்நிலையில் சிபிசிஐடி போலீசார் தாங்கள் தொடர்ந்த வழக்கு தொடர்பாக எம்.ஆர்.விஜயபாஸ்கரை போலீஸ் காவலில் எடுத்து விசாரிக்க வேண்டும் என ஏழு நாட்கள் அனுமதி கோரி மனுத்தாக்கல் செய்திருந்தது. குற்றவியல் நடுவர் நீதிமன்றத்தில் விசாரணைக்கு வந்த இந்த வழக்கில் இரண்டு மணி நேரம் விசாரணை நடைபெற்றது. விசாரணைக்குப் பின்னர் நீதிமன்ற நடுவர் பரத்குமார் இரண்டு நாட்கள் எம்.ஆர் விஜயபாஸ்கரை போலீஸ் காவலில் வைத்து விசாரிக்க சிபிசிஐடி போலீசாருக்கு அனுமதி அளித்து உத்தரவிட்டுள்ளார்.