Skip to main content

“இபிஎஸ் ஒப்புக்கொண்டது சரிதான்” - டிடிவி தினகரன்

Published on 27/03/2023 | Edited on 27/03/2023

 

“EPS is right to agree” - DTV Dhinakaran

 

தஞ்சையில் முன்னாள் அமைச்சர் காமராஜ் இல்லத் திருமண விழாவில் பேசிய முன்னாள் முதலமைச்சர் எடப்பாடி பழனிசாமி, “என்னைப்போல் ஒரு லட்சம் பழனிசாமி இந்த அதிமுகவில் உள்ளார்கள். எவராலும் அசைக்க முடியாது. இபிஎஸ் இல்லையென்றால் எவராவது இந்த கட்சியை ஆளுவார். அதிமுகவில் ஒன்றரைக் கோடி தொண்டர்கள் உள்ளார்கள். அவர்கள் இருக்கும் வரை யாராலும் அதிமுகவை தொட்டுப்பார்க்க முடியாது” எனக் கூறியிருந்தார். 

 

இந்நிலையில் திருச்சியில் அமமுக பொதுச்செயலாளர் டிடிவி தினகரன் இன்று செய்தியாளர்களை சந்தித்தார். அப்போது எடப்பாடி பழனிசாமியின் கருத்து குறித்து பேசிய அவர், “பதவி வெறியாலும் ஒரு சிலரின் சுயநலத்தாலும் ஜெயலலிதாவின் இயக்கம் தொடர்ந்து பலவீனமடைந்து கொண்டு உள்ளது. உண்மையான ஜெயலலிதாவின் தொண்டர்கள் ஒன்றிணைந்து மீட்டெடுப்போம் என சொல்லியுள்ளார்.

 

அதிமுகவில் ஒரு லட்சம் பழனிசாமி உள்ளார்கள் என எடப்பாடி பழனிசாமி சொல்லியுள்ளார். அதிமுகவில் ஒரு லட்சம் துரோகிகள் உள்ளார்கள் என்பதை அவர்களே ஒப்புக்கொள்கிறார்கள். அவர்கள் ஒப்புக்கொண்டது சரிதான். அமமுகவில் சில நிர்வாகிகள் அணி மாறுகிறார்கள். சிலருக்கு பதவி குறைப்பு நடந்தாலோ அல்லது சொந்த பிரச்சனையின் காரணமாக அவ்வாறு செய்கிறார்கள். அது அங்கொன்றும் இங்கொன்றும் நடக்கத்தான் செய்கிறது. உடனடியாக அவர்களை விட திறமையானவர்கள் அப்பதவியில் அமர்த்தப்படுகிறார்கள். 

 

ராகுல் காந்தியின் பதவி நீக்கத்தை கண்டித்து காங்கிரஸ் கட்சியினர் போராட்டத்தை நடத்துகின்றனர். 2013ல் முன்னாள் பிரதமர் மன்மோகன் சிங் ஆட்சியில் அரசியல் ரீதியாக பழிவாங்கல்கள் நடப்பதற்கான வாய்ப்புகள் இருப்பதால் தான் அந்த சட்ட திருத்தம் கொண்டு வரப்படுவதாக சொன்னார்கள். ஒருவர் பதவியில் இருக்கும் காலத்தில் அவருக்கு பதவி பறிபோனால் அவர் மேல் முறையீடு செய்து இறுதி தீர்ப்பு வரை அப்பதவியில் தொடரலாம் என்னும் நிலையை ராகுல் காந்திதான் ஒத்துக்கொள்ளாமல் இந்த சட்டம் கொண்டு வரப்பட்டது. அவர் கொண்டு வந்த சட்டம் அவரையே இன்று பாதித்துள்ளது. சட்டப்பூர்வமாக ஒரு நடவடிக்கை எடுக்கப்பட்டு தேர்தல் ஆணையம் பதவி நீக்கம் செய்து இருப்பதில் நாம் பதில் சொல்வதற்கு ஒன்றும் இல்லை” எனக் கூறினார்.

 


 

சார்ந்த செய்திகள்

 

Next Story

எம்.ஆர்.விஜயபாஸ்கர் ஜாமீன் மனு; காரசார விவாதங்களுக்குப் பிறகு மீண்டும் ஒத்திவைப்பு

Published on 21/06/2024 | Edited on 21/06/2024
mr vijayabhaskar bail plea adjourned again for the third time
எம்.ஆர்.விஜயபாஸ்கர்

கரூரில் சிபிசிஐடிக்கு மாற்றப்பட்ட 100 கோடி மதிப்புள்ள நில மோசடி வழக்கில் முன்னாள் அமைச்சர் எம்.ஆர்.விஜயபாஸ்கர் முன் ஜாமின் கேட்டு, கரூர் மாவட்ட நீதிமன்றத்தில் மனுத்தாக்கல் செய்திருந்த நிலையில், 3-வது முறையாக இருதரப்பு வாதங்களையும் கேட்ட மாவட்ட நீதிபதி சண்முகசுந்தரம் ஜாமீன் மனு மீதான விசாரணையை வருகின்ற 25-ஆம் தேதிக்கு ஒத்தி வைத்துள்ளார்.

கரூர் மாவட்டம், மேலக்கரூர் சார் பதிவாளர் முகமது அப்துல்காதர் கரூர் நகர போலீசில் கொடுத்த புகாரில், போலி சான்றிதழ் கொடுத்து 22 ஏக்கர் நிலத்தை பத்திரப்பதிவு செய்த ரகு என்பவர் மீதும், இந்த விவகாரத்தில் தன்னை மிரட்டியவர்கள் மீதும் நடவடிக்கை எடுக்க வேண்டும் என்று கூறியிருந்தார். இந்த 22 ஏக்கர் நிலம் சுமார் ரூ.100 கோடி மதிப்புடையது. இந்தப் புகாரின் மீது கரூர் நகர போலீசார் வழக்குப்பதிந்து விசாரணையைத் தொடங்கினர். 

mr vijayabhaskar bail plea adjourned again for the third time
பிரகாஷ்

இதேபோல், கரூர் மாவட்டம், வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி அலுவலகத்தில் புகார் அளித்தார். அதில், தோரணக்கல்பட்டி மற்றும் குன்னம்பட்டியில் தனக்கு சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர்.விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாக பத்திரப்பதிவு செய்து உள்ளனர் என்று கூறியிருந்தார்.

இந்த வழக்கு சிபிசிஐடிக்கு மாற்றப்பட்டது. இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர்.விஜயபாஸ்கர் முன்ஜாமீன் கேட்டு கரூர் நீதிமன்றத்தில் மனுத்தாக்கல் செய்தார். கடந்த 19ஆம் தேதி வழக்கு விசாரணைக்கு வந்தபோது ஜாமீன் மனு மீதான விசாரணை இன்று 21-ஆம் தேதி வந்த நிலையில், கடுமையான விவாதங்களுக்கு பிறகு மூன்று தரப்பு வாதங்களைக் கேட்ட மாவட்ட நீதிபதி சண்முகசுந்தரம் வருகின்ற 25ஆம் தேதிக்கு மனு மீதான விசாரணையை மீண்டும் 3வது முறையாக ஒத்தி வைத்துள்ளார்.

Next Story

‘கள்ளச்சாராய உயிரிழப்பு’ - அறிக்கை தர உயர்நீதிமன்றம் உத்தரவு!

Published on 21/06/2024 | Edited on 21/06/2024
High Court order to kallakurichi incident report! 

கள்ளக்குறிச்சியில் கள்ளச்சாராயம் குடித்து 40க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் அதிகரித்து வருகிறது. அந்த வகையில் கள்ளச் சாராயம் குடித்து உயிரிழந்தோர் எண்ணிக்கை 49 ஆக உயர்ந்துள்ளது. இதுவரையில் கள்ளக்குறிச்சி மருத்துவமனையில் 27 பேரும், சேலம் மருத்துவமனையில் 15 பேரும், விழுப்புரம் மருத்துவமனையில் 4 பேரும், புதுச்சேரி ஜிப்மர் மருத்துவமனையில் 3 பேர் என மொத்தம் 49 பேர் உயிரிழந்துள்ளனர். இதில் 4 பெண்களும் அடங்குவர். மேலும் 89 பேருக்கு மருத்துவமனையில் சிகிச்சை அளிக்கப்பட்டு வருகிறது.

இதற்கிடையே இந்தச் சம்பவத்தில் சிபிஐ விசாரணை வேண்டும் என அதிமுக சென்னை உயர்நீதிமன்றத்தில் நேற்று (20.06.2024) வழக்கு தொடரப்பட்டது. அதிமுக சட்டத்துறை செயலாளரும்,  ராதாபுரம் சட்டமன்றத் தொகுதியின் முன்னாள் உறுப்பினருமான இன்பதுரை இந்த வழக்கைத் தொடர்ந்திருந்தார். அந்த மனுவில், இறந்தவர்கள் உடலுக்கு நேர்மையாக பிரேதப் பரிசோதனை செய்ய நீதிமன்றம் உத்தரவிட வேண்டும்; கள்ளச்சாராய மரணம் தொடர்பாக சிபிஐ விசாரணை வேண்டும் எனவும் கோரிக்கை வைக்கப்பட்டது. 

High Court order to kallakurichi incident report! 

இந்நிலையில் இந்த மனு நீதிபதிகள் கிருஷ்ணகுமார் மற்றும் குமரேஷ் பாபு ஆகியோர் அடங்கிய அமர்வில் இன்று (21.06.2024) விசாரணைக்கு வந்தது. அப்போது அரசு சார்பில் வாதிடுகையில், “காவல்துறை அதிகாரிகள் மீது உரிய நடவடிக்கை எடுக்கப்பட்டுள்ளது” எனத் தெரிவிக்கப்பட்டது. இதனைப் பதிவு செய்துகொண்ட நீதிபதிகள், “கள்ளச்சாராய விற்பனையத் தடுக்க கடந்த ஓராண்டில் காவல்துறை எடுத்த நடவடிக்கை என்ன?. கள்ளச் சாராயம் தொடர்பாக தமிழகத்தில் எத்தனை வழக்குகள் பதிவு செய்யப்பட்டன.

கள்ளச் சாராய உயிரிழப்பு குறித்து அறிக்கை தர அரசுக்கு உத்தரவிடப்படுகிறது” எனத் தெரிவித்தனர். மேலும் நீதிபதி குமரேஷ் பாபு, “கள்ளச் சாராய மரணம் தொடர்பான செய்திகளை ஊடகங்கள் மூலம் தெரிந்துகொண்டேன்” எனத் தெரிவித்தார். மேலும் இந்த வழக்கை  ஜூன் 26 ஆம் தேதிக்கு நீதிபதிகள் ஒத்திவைத்தனர்.