பூங்கொத்தை வாங்க மறுத்த எடப்பாடி...அதிர்ச்சியடைந்த நிர்வாகிகள்!

ஜனவரி 1ம் தேதி முதல் தமிழகத்தில் பிளாஸ்டிக் தடை நடைமுறைக்கு வந்தது. அரசு விதித்த தடையை மீறி பிளாஸ்டிக்கை கடையில் பயன்படுத்துவோர் மீது நடவடிக்கை எடுக்கப்பட்டு வருகிறது. இதனால் தமிழகத்தில் பிளாஸ்டிக் பயன்படுத்துவோரின் எண்ணிக்கை தற்போது குறைந்துள்ளதாக சொல்லப்படுகிறது. இந்த நிலையில், பிளாஸ்டிக் இருந்த பூங்கொத்தை தமிழக முதல்வர் எடப்பாடி பழனிச்சாமி வாங்க மறுத்துள்ளது சமூக வலைத்தளங்களில் பரவி வருகிறது. அதாவது கடந்த இரண்டு நாட்களுக்கு முன்பு தமிழ்நாடு வணிகர் சங்கங்களின் தலைவர் விக்கிரமராஜா மற்றும் நிர்வாகிகள் முதல்வர் எடப்பாடி பழனிச்சாமியை சந்தித்த போது முதல்வர் எடப்பாடிக்கு பூங்கொத்து கொடுத்துள்ளார்.