Skip to main content

இரக்கப்பட்றாதீங்கம்மா... காலவாரிவிட்றாதீங்கம்மா... தயாநிதி மாறன் பேச்சு

Published on 07/03/2019 | Edited on 07/03/2019

 

சென்னையில் நடந்த திமுக பொதுக்கூட்டத்தில் முன்னாள் மத்திய அமைச்சர் தயாநிதி மாறன் கலந்து கொண்டு பேசினார்.
 

அப்போது அவர், கஜா புயலால் பாதிக்கப்பட்ட மக்களை சந்திக்க மோடி வரவில்லை. ஸ்டெர்லைட் போராட்டத்தின் போது பொதுமக்கள் மீது போலீசார் துப்பாக்கிச்சூடு நடத்தியபோது மோடி வரவில்லை. ஜல்லிக்கட்டு போராட்டத்தின்போது மோடி வரவில்லை. நீட் தேர்வால் எங்களின் கிராமப்புற மாணவர்கள் எதிர்காலம் பாதிக்கப்படுகிறது என்று போராடியபோது மோடி வரவில்லை. ஆனால் தேர்தல் வருகிறது என்றதும் ஓடி வருகிறார்.

 

dayanidhi maran



சென்னை பொதுக்கூட்டத்தில், சென்ட்ரல் ரயில் நிலையத்திற்கு எம்.ஜி.ஆர். பெயர் சூட்டப்படும் என்று அறிவிக்கிறார் மோடி. நான்கரை வருடமாக ஏன் இதனை அறிவிக்கவில்லை. எதற்கெடுத்தாலும் தமிழக மக்களை போராட வேண்டிய நிலைக்கு தள்ளியது யார்? மத்திய அரசும், எடப்பாடி பழனிசாமி அரசும்தான். 
 

ஜெயலலிதா பெங்களூரு சிறைக்கு சென்றபோது, முதல் அமைச்சராக ஓ.பன்னீர்செல்வம் பதவியேற்கிறார். மற்ற அமைச்சர்களும் பதவியேற்கிறார்கள். ஜெயலலிதா பதவியேற்பை டிவியில் பார்ப்பார்கள் என்று அனைவரும் அழுதுக்கொண்டே பதவியேற்றார்கள். இந்த மாதிரி யாரும் பதவியேற்றிருக்க மாட்டார்கள். ஜெயலலிதா உயிரிழந்தபோது எந்த மந்திரியாவது அழுதார்களா? அவர்களுக்கு தேவை ஜெயலலிதாவால் பணம், பதவி. இரண்டு வருடம் கழித்து ஜெயலலிதாவுக்கு சிலை வைத்தார்கள். அந்த சிலையும் ஜெயலலிதாபோல் இல்லை என்று மாற்றினார்கள். 
 

போன வருஷம் பொங்கலுக்கு 100 ரூபாய் கொடுத்தார்கள். இந்த வருடம் திடீரென ஆயிரம் ரூபாய் கொடுக்கிறார்கள். திடீரென மக்கள் மீது ஏன் பாசம். அது யார் பணம். மக்கள் பணம். பால் வாங்கும்போது, பஸ் டிக்கெட் வாங்கும்போது, வத்திப்பெட்டி வாங்கும்போது நாம் கொடுக்கிற வரிப்பணம்தான் அது. மக்கள் செலுத்தும் வரிப்பணத்தை எடுத்து மக்களுக்கு கொடுக்கிறார்கள். 
 

உலகத்திலேயே எங்கும் நடக்காத அநியாயம் தமிழ்நாட்டில் நடக்கிறது. திடீரென இரண்டாயிரம் நிதி உதவி அளிப்பதாக கூறி, தற்போது கொடுத்து வருகிறார்கள். தேர்தல் என்றால் என்னென்ன வேலை பார்க்கிறார்கள். ஒரே ஒரு வேண்டுகோள். உங்கப் பணம் அதனை வாங்கிக்கொள்ளுங்கள். அதற்காக இரக்கப்பட்றாதீங்கம்மா... இரண்டாயிரம் கொடுத்தாங்க நல்லவங்கன்னு காலவாறிவிட்றாதீங்கம்மா... இத்தனை நாளா மக்களை கண்டுகொள்ளாதவர்கள். திடீரென தேர்தலுக்காக பொங்கலுக்கு ஆயிரம், சிறப்பு நிதி இரண்டாயிரம் என அறிவிக்கிறர்கள். இவ்வாறு பேசினார். 
 

 

 

சார்ந்த செய்திகள்

 

Next Story

அதிமுக திமுக காரசார விவாதம்; வாக்குவாதத்தில் முடிந்த நகர் மன்ற கூட்டம்!

Published on 22/07/2024 | Edited on 22/07/2024
DMK AIADMK political debate in Kallakurichi Municipal Council meeting

கள்ளக்குறிச்சி நகராட்சியில் சாதாரண நகர மன்ற கூட்டம் இன்று நடைபெற்றது. இந்த கூட்டம் நடைபெறுவதற்காக அனைத்து கவுன்சிலர்களுக்கும் ஏற்கனவே நகராட்சி கூட்டம் குறித்து நோட்டீஸ் அனுப்பப்பட்டது. அதை கண்ட அதிமுக கவுன்சிலர்கள் தமிழகத்தையே உலுக்கிய கள்ளச்சாராயம் சம்பவத்தில் கள்ளக்குறிச்சியில் 67 பேர் உயிரிழந்த நிலையில் அதற்கு ஒரு இரங்கல் தீர்மானம் இல்லாததாலும், மேலும் நகர மன்ற கூட்டத்தில் இரங்கல் தீர்மானத்தை எழுத்துப்பூர்வமாக நிறைவேற்ற வேண்டும் என்பதை வலியுறுத்தி கருப்பு சட்டை அணிந்து அதிமுக கவுன்சிலர்கள் நகராட்சி கூட்டத்தில் கலந்து கொண்டனர். இதை கண்ட சேர்மன் சுப்பராயலு  வாய்மொழியாக ஒரு நிமிடம் மௌன அஞ்சலி தெரிவிக்கப்படும் என தெரிவித்து கூட்டத்தை தொடங்கினார்.

இந்த கூட்டத்தில் பேசிய அதிமுக நகரச் செயலாளரும், 11-வது வார்டு கவுன்சிலருமான பாபு, “கள்ளச்சாராயம் குடித்து 67 பேர் உயிரிழந்த சம்பவம் பெரும் பரபரப்பு ஏற்படுத்திய நிலையில் அது தொடர்பாக ஒரு தீர்மானம் கூட நிறைவேற்றாமல் இரங்கல் தீர்மானம் இல்லாமல் இந்த கூட்டம் நடப்பதால் இதிலிருந்து நாங்கள் வெளியேறுகிறோம்” என்று கூட்டத்திலிருந்து வெளியேறினர். அப்போது நகராட்சி சேர்மன் சுப்புராயலு உடனடியாக எழுந்து மைக்கை பிடித்து மக்கள் முதல்வர் வாழ்க என கோஷம் எழுப்பினார்.

இதற்கு அதிமுக கவுன்சிலர்களும், “எதிர்க்கட்சித் தலைவர் எடப்பாடி பழனிச்சாமி வாழ்க...” என முழக்கம் எழிப்பினர். இதனால் திமுக கவுன்சிலர்களும், அதிமுக கவுன்சிலர்களும் தங்கள் தலைவர்கள் புகழைப் பாடிக்கொண்டு கோஷம் எழுப்பினர். மேலும் ஒரு கட்டத்தில் வாக்குவாதம் ஆக மாறி  பெரும் கூச்சல் குழப்பம் ஏற்பட்டது. அப்போது திமுக கவுன்சிலர்கள் தங்கள் ஆட்சியில் செய்த சாதனைகளை சொல்லியும் அதிமுக கவுன்சிலர்கள் இந்த திமுக ஆட்சியில் நிறைவேற்றப்படாத பல்வேறு குற்றச்சாட்டுகளை முன்வைத்தும் வலுவாக கோஷம் எழுப்பி மேஜயை தட்டி பயங்கர வாக்குவாதத்தில் ஈடுபட்டதால் கூட்டு அரங்கம் முழுவதும் பெரும் பரபரப்பு ஏற்பட்டது.

மேலும் கள்ளச்சாராயம் குடித்து  உயிரிழந்த பட்டியலின மக்களுக்கு விரோதமாக நகராட்சி ஆணையரும் தமிழக முதல்வரும் செயல்படுவதாக அதிமுக கவுன்சிலர்கள் கோஷம் எழுப்பியவாறு வெளிநடப்பு செய்தனர். இதனால் அந்தப் பகுதியில் பெரும் பரபரப்பு ஏற்பட்டது. பின்னர் அதிமுக கவுன்சிலர் வெளியேறிய பின்பு திமுக கவுன்சிலர்கள் கலந்து கொண்ட கூட்டம் நடைபெற்றது.

Next Story

நீட் தேர்வு விவகாரம்; காங்கிரஸ் - திமுக முக்கிய முடிவு!

Published on 22/07/2024 | Edited on 22/07/2024
NEET Exam Issue; Congress - DMK important result

இளநிலை மருத்துவப் படிப்பிற்காக இந்த ஆண்டு நடைபெற்ற நீட் தேர்வில் முறைகேடு நடந்ததாகப் பல புகார்கள் எழுந்தது. அந்த வகையில், நீட் தேர்வின் வினாத்தாள் கசிவு, கருணை மதிப்பெண், 67 பேருக்கு முழு மதிப்பெண்கள், நீட் தேர்வின் போது ஏற்பட்ட குளறுபடிகள், ஆள்மாறாட்டம் செய்து நீட் தேர்வு எழுதியது, ஒரே பயிற்சி மையத்தைச் சேர்ந்த பல மாணவர்கள் நிறைய மதிப்பெண்கள் எடுத்தது எனத் தொடர்ச்சியாக பல்வேறு புகார் மனுக்கள் உச்சநீதிமன்றத்தில் தாக்கல் செய்யப்பட்டு வழக்குகள் குவிந்தன.

இந்நிலையில் நாடாளுமன்ற பட்ஜெட் கூட்டத்தொடர் இன்று (22.07.2024) தொடங்குகிறது. இந்த பட்ஜெட் கூட்டத்தொடர் ஆகஸ்ட் 12 ஆம் தேதி வரை மொத்தம் 19 அமர்வுகளுடன் நடைபெறவுள்ளது. இதனையொட்டி 2024-25 ஆம் நிதியாண்டுக்கான பட்ஜெட்டை மத்திய நிதியமைச்சர் நிர்மலா சீதாராமன் நாளை (23.07.24) தாக்கல் செய்ய உள்ளார்.

இந்த பரபரப்பான சூழ்நிலையில் நீட் தேர்வு முறைகேடு தொடர்பான விவகாரம், நீட் தேர்வுக்கான வினாத்தாள் விற்பனை ஆகியவை குறித்தும் திமுக மற்றும் காங்கிரஸ் கட்சியைச் சேர்ந்த எம்.பி.க்கள் மக்களவையில் எழுப்ப உள்ளனர்.  அதன்படி மக்களவையில் காங்கிரஸ் எம்.பி. மாணிக்கம் தாகூர், திமுக எம்.பி. கலாநிதி வீராசாமி ஆகியோர் இன்றைய கேள்வி நேரத்தில் எழுப்ப உள்ளதாக மாணிக்கம் தாகூர் எம்.பி. எக்ஸ் சமூக வலைத்தளத்தில் பதிவிட்டுள்ளார்.