திறமையில்லாத நிர்வாகம் முடிந்தது... பாஜகவை கடுமையாக விமர்சித்த ப.சிதம்பரம்!

ஐ.என்.எக்ஸ் மீடியா வழக்கில் திகார் சிறையில் அடைக்கப்பட்டிருந்த காங்கிரஸ் மூத்த தலைவரும், முன்னாள் நிதி மந்திரியுமான ப.சிதம்பரத்துக்கு உச்ச நீதிமன்றம் வழங்கியது. இதனையடுத்து 106 நாட்கள் திகார் சிறையில் இருந்து வெளிவந்த சிதம்பரத்திற்கு காங்கிரஸ் தொண்டர்கள் உற்சாக வரவேற்பு அளித்தனர். இதன் பின்பு பாஜக ஆட்சியை அனைத்து மேடைகளிலும், பொதுக் கூட்டங்களிலும் கடுமையாக விமர்சித்து வருகிறார். இந்த நிலையில் தனது சமூக வலைதள பக்கத்தில் பாஜக அரசின் பொருளாதார நடவடிக்கைகள் பற்றி கடுமையாக விமர்சித்து காங்கிரஸ் கட்சியின் மூத்த தலைவரும், முன்னாள் மத்திய அமைச்சருமான ப.சிதம்பரம் கருத்து தெரிவித்துள்ளார்.

அதில், திறமையற்ற நிர்வாகத்தின் வட்டம் முடிந்தது. திரு நரேந்திர மோடியின் அரசாங்கம் 2014 ஜூலை மாதம் நுகர்வோர் விலை குறியீட்டு எண் (cpi) பணவீக்கத்துடன் 7.39% ஆக தொடங்கியது. 2019 டிசம்பரில் இது 7.35% ஆக இருந்தது. மேலும் உணவு பணவீக்கம் 14.12% ஆக உள்ளது. காய்கறி விலை 60% உயர்ந்துள்ளது. வெங்காயத்தின் விலை கிலோவுக்கு ரூ .100 க்கு மேல். இது பாஜக வாக்குறுதியளித்த "அச்சே தின்" என்றும் கூறியுள்ளார். CAA எதிர்ப்பு, NPR எதிர்ப்பு ஆர்ப்பாட்டங்களில் நாடு மூழ்கியுள்ளது. இருவரும் தெளிவான மற்றும் தற்போதைய ஆபத்தை முன்வைக்கின்றனர். பொருளாதாரம் நிலை நாட்டிற்கு இன்னும் பெரிய அச்சுறுத்தலாகும். வேலையின்மை அதிகரித்து வருமானம் குறைந்துவிட்டால், இளைஞர்கள் மற்றும் மாணவர்கள் கோபத்தில் வெடிக்கும் ஆபத்து உள்ளது.