Skip to main content

9 லட்சம் மாணவர்களின் கவலை; ஆளுநரின் அறிவிப்பும் அமைச்சரின் பேட்டியும்!

Published on 08/06/2023 | Edited on 08/06/2023

 

Concern of 9 lakh students; Governor's announcement and minister's interview!

 

நெல்லையில் உள்ள மனோன்மணீயம் சுந்தரனார் பல்கலைக்கழகத்தில் கடைசியாக 2021 ஆம் ஆண்டு பட்டமளிப்பு விழா நடந்தது. மேலும் சில பல்கலைக்கழகங்களுக்கு பட்டமளிப்பு விழா நடைபெறவில்லை. அதேபோல் 2022 ஆம் ஆண்டுக்கான பட்டமளிப்பு விழா அண்ணா பல்கலைக்கழகத்தில் நடந்தது. மற்ற பல்கலைக்கழகங்களில் பட்டமளிப்பு விழா நடைபெறவில்லை.

 

ஜூன் 16 ஆம் தேதி சென்னை பல்கலைக்கழகத்திற்கும், ஜூன் 28 ஆம் தேதி சேலம் பெரியார் பல்கலைக்கழகத்திற்கும், ஜூன் 19 ஆம் தேதி திருவள்ளுவர் பல்கலைக்கழகத்திற்கும், ஜூலை 7-ஆம் தேதி நாகையில் உள்ள ஜெயலலிதா மீனவப் பல்கலைக்கழகத்திற்கும் பட்டமளிப்பு விழா நடைபெற உள்ளது. மனோன்மணீயம் சுந்தரனார் பல்கலை., பாரதிதாசன் பல்கலை பட்டமளிப்பு விழா ஜூலை, ஆகஸ்ட் மாதங்களில் நடைபெறும் என்றும் தகவல் தெரிவிக்கப்பட்டுள்ளது.

 

இந்நிலையில் செய்தியாளர்களைச் சந்தித்த உயர்கல்வித்துறை அமைச்சர் பொன்முடி, “பட்டமளிப்பு விழாவிற்கு சிறப்பு விருந்தினர்கள் வருவார்கள். இதுவரை தமிழ்நாட்டை சேர்ந்தவர்கள் தான் சிறப்பு விருந்தினர்களாக கலந்து கொள்வார்கள். ஆனால் ஆளுநருக்கு மத்திய அமைச்சரிடம் தேதி வாங்கி அவர்களை அழைத்து வந்து நடத்த வேண்டும் என்ற எண்ணம் உள்ளது. அவர்கள் தேதி கொடுப்பதில் தாமதம் ஏற்படுகிறது. அதனால் பாதிக்கப்படுபவர்கள் மாணவர்கள். மத்திய அமைச்சர்கள் வந்தாலும் வரவில்லை என்றாலும் துணை வேந்தர்கள், தமிழக அமைச்சர்கள் என யாரையாவது அழைத்து நடத்துவதில் தவறு இருக்க முடியாது.

 

பாரதிதாசன் பல்கலைக்கழகத்தில் 2019-2020 ஆம் ஆண்டில் தேர்ச்சி பெற்ற மாணவர்களுக்குத்தான் கொடுத்துள்ளார்கள். பட்டப் படிப்புக்கான சான்று கொடுக்கவில்லை என்றால் மணவர்களுக்கு பாதிப்பு தான். சர்வதேச அளவில் படிப்பை மேம்படுத்த வேண்டும். இங்கிருப்பவர்கள் வெளியில் செல்ல வேண்டும். வெளியில் இருப்பவர்கள் இங்கு வர வேண்டும். வெளிநாடுகளுக்கு சென்று படிக்கும் தமிழ்நாட்டு மாணவர்கள் அதிகளவு இருக்கிறார்கள். வெளிநாட்டு கல்வி நிறுவனங்கள் டிகிரி சான்றிதழ் தான் கேட்கிறார்கள். எனவே அதை கொடுக்காததினால் மாணவர்களுக்கு பாதிப்பு உருவாகிறது. இதில் எங்களை கேட்பது இல்லை. தமிழ்நாடு அரசின் அறிவுறுத்தல் இல்லாமல் நடைபெறும் நிகழ்ச்சி இது.

 

இன்று மொத்தமாக 9 லட்சத்து 29 ஆயிரத்து 542 பேர் கல்வியில் தேர்ச்சி பெற்றுப் பட்டமளிப்பிற்காக காத்திருக்கிறார்கள். அண்ணா பல்கலைக்கழகத்தில் மட்டும் தான் 2022 ஆம் ஆண்டு பொறியியல் கல்வியில் தேர்ச்சி பெற்ற மாணவர்களுக்கு பட்டமளிப்பு விழா நடந்துள்ளது. மீதமுள்ள 12 பல்கலைக்கழகங்களில் 2022 ஆம் ஆண்டில் தேர்வு பெற்ற மாணவர்களுக்கு பட்டமளிப்பு விழா நடைபெறவில்லை” எனக் கூறினார்.

 

 

சார்ந்த செய்திகள்

 

Next Story

வெற்றி பெற்றதற்கான சான்றிதழைப் பெற்றுக்கொண்ட அன்னியூர் சிவா!

Published on 13/07/2024 | Edited on 13/07/2024
Anniyur Siva receiving the certificate of success

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்ததைத் தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். அதோடு 11 அரசியல் கட்சிகளின் வேட்பாளர்கள், 18 சுயேட்சைகள் என மொத்தம் 29 வேட்பாளர்கள் களத்திலிருந்தனர். அதிமுக, தேமுதிக ஆகிய இருகட்சிகளும் இந்த இடைத்தேர்தலைப் புறக்கணித்திருந்தது.

இந்தத் தேர்தலில் பதிவான வாக்குகள் இன்று (13.07.2024) எண்ணப்பட்டன. காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்டது. அதனைத் தொடர்ந்து மின்னணு வாக்குப்பதிவு இயந்திரத்தில் பதிவான வாக்குகள் எண்ணப்பட்டது. இந்நிலையில் 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாக தேர்தல் ஆணையம் அதிகாரப்பூர்வமாக அறிவித்துள்ளது. 

Anniyur Siva receiving the certificate of success

இதனையடுத்து விக்கிரவாண்டி சட்டப்பேரவை தொகுதி இடைத்தேர்தலில் வெற்றி பெற்ற திமுக வேட்பாளர் அன்னியூர் சிவா வெற்றி பெற்றதற்கான சான்றிதழை தேர்தல் நடத்தும் அலுவலரிடம் இருந்து பெற்றுக்கொண்டார். அப்போது அமைச்சர் பொன்முடி,  நாடாளுமன்ற உறுப்பினர் ஜெகத்ரட்சகன், விழுப்புரம் மாவட்ட திமுக பொறுப்பாளர் கௌதம் சிகாமணி ஆகியோர் உடன் இருந்தனர்.

அதே சமயம் பாமக வேட்பாளர் சி.அன்புமணி 56 ஆயிரத்து 26 வாக்குகளும், நாதக வேட்பாளர் அபிநயா 10 ஆயிரத்து 479 வாக்குகளும் பெற்றனர். இந்தத் தேர்தலில் நாம் தமிழர் கட்சி சார்பாக போட்டியிட்ட அபிநயா டெப்பாசிட்டை இழந்துள்ளார். திமுக வேட்பாளர் அன்னியூர் சிவா வெற்றி சான்றிதழைப் பெற்ற பின் அமைச்சர் பொன்முடி செய்தியாளரை சந்தித்து பேசுகையில், “விக்கிரவாண்டி இடைத்தேர்தலில் திமுகவின் வெற்றிக்கு முதல்வர் மு.க.ஸ்டாலின்தான் காரணம். கடந்த 3 ஆண்டுகளில் திமுக அரசு நிறைவேற்றிய திட்டங்களால் வெற்றி பெற்றிருக்கிறோம்” எனத் தெரிவித்தார். 

Next Story

'ஆளுநருக்கு என் மீது பாசம் அதிகம்'-அமைச்சர் பொன்முடி பேச்சு

Published on 24/03/2024 | Edited on 24/03/2024
 'Governor has a lot of affection for me' - Minister Ponmudi's speech

சொத்துக் குவிப்பு வழக்கில் அமைச்சர் பொன்முடியின் தண்டனை உச்சநீதிமன்றத்தால் நிறுத்தி வைக்கப்பட்ட நிலையில் உச்ச நீதிமன்றத்தின் கண்டனத்திற்கு பிறகு ஆளுநர் அவருக்கு மீண்டும் பதவி பிரமாணம் செய்து வைத்தார்.

இந்நிலையில் விழுப்புரம் கூட்டத்தில் பொன்முடி பேசுகையில், 'ஆளுநருக்கு என் மேல் ரொம்ப பிடிப்பு, பாசம் அதிகம். ஏனென்றால் என்னுடைய நண்பர்கள் எல்லாம் சொன்னதைப்போல நான் கொஞ்சம் சமத்துவக் கொள்கை, சமதர்மக் கொள்கை இதெல்லாம் கொஞ்சம் பேசுற ஆளு. மத்த அமைச்சர்களை விட நான் தான் அவரிடம் நேரடியாக எல்லாவற்றிலும் தொடர்புடையவன். அதனால் என் மேல அவருக்கு பாசம், பற்று, பிரியம் எல்லாம் இருந்தது. உச்சநீதிமன்றத்தை தீர்ப்பு வந்ததற்கு பிறகு சட்டமன்ற உறுப்பினராக என்னை டிசம்பர் 19ஆம் தேதியிலிருந்து சபாநாயகர் அறிவித்துவிட்டார். அதற்கு பிறகு மார்ச் மாதத்தில் உத்தரவு எல்லாம் வந்த பிறகு முதலமைச்சர் எழுதிய கடிதத்தை அவர் உடனடியாக பார்த்து நான் அமைச்சராக பொறுப்பேற்கிறேன் என்று சொல்லி இருந்தால் சரி. அதைதான் அரசியலமைப்புச் சட்டத்தின் படி ஆளுநர் செய்ய வேண்டும்.

உண்மையான நிர்வாகத்தை நடத்துபவர் முதல்வர். ஆளுநர் பெயருக்கு நிர்வாகத்தை நடத்துபவர். கவர்னர் என்ன ஓட்டு போட்டா வந்தார். ஒரு நியமனம் செய்யப்பட்ட ஒருவர் மாநில அரசாங்கம் எதை சொல்லுகிறதோ அதை செய்ய வேண்டியதுதான் அவருடைய பொறுப்பு. அதுதான் அரசியலமைப்பு சட்டம் சொல்லுவது. இன்றுகூட கேரளாவில் ஏழு அரசியலமைப்பு சட்டங்களுக்கு கையெழுத்து போடாமல் ஆளுநர் இருக்கிறார் என்று சொல்லி கேரளாவினுடைய முதல்வர் உச்சநீதிமன்றம் சென்று இருக்கிறார் என்று சொன்னால் இந்த ஆளுநர்களை வைத்துக்கொண்டு எதிர்க்கட்சி ஆளுகின்ற மாநிலங்களையெல்லாம் ஆட்டிப் பார்க்கலாம் என்று நினைக்கின்ற இந்த ஒன்றிய அரசை நீங்கள் தூக்கி எறிய வேண்டுமா வேண்டாமா? என ஆவேசமாக கேள்வி எழுப்பினார்.