சட்டமன்றத் தேர்தல்! அதிகாரிகளுடன் ஆலோசிக்கும் தலைமைத் தேர்தல் ஆணையர்!

எதிர்வருகிற நவம்பர் மாதத்திற்குள் பீஹார் மாநிலத்துக்கும், 2021-மே மாதத்திற்குள் தமிழ்நாடு, பாண்டிச்சேரி, கேரளா, மேற்கு வங்கம் உள்ளிட்ட மாநிலங்களுக்கும் சட்டமன்றத் தேர்தலை நடத்தியாக வேண்டும். இதற்காக முன்னெடுக்க வேண்டிய தேர்தல் பணிகள் குறித்து சக அதிகாரிகளுடன் விவாதித்திருக்கிறார் சுனில் அரோரா.

கரோனா பரவல் கட்டுக்கடங்காமல் அதிகரித்து வருவதும், அதனைத் தடுக்கும் நடவடிக்கைகளில் மாநில அரசுகள் சீரியஸ் காட்டி வருவதும் சட்டமன்ற தேர்தல்கள் நடக்குமா? என்கிற கேள்விக்குறி சமீபகாலமாக தேசிய அரசியலில் எதிரொலித்தபடி இருக்கிறது. இருப்பினும், மாநில அரசுகளைத் தொந்தரவு செய்யாமல், மாநிலத்தின் தலைமைத் தேர்தல் அதிகாரிகளுடன் விவாதிக்கத் திட்டமிட்டிருக்கிறாராம் சுனில் அரோரா.