Skip to main content

நடிகர் கார்த்தியின் கருத்தை வரவேற்கின்றோம்: ஈ.ஆர்.ஈஸ்வரன்

Published on 30/07/2020 | Edited on 30/07/2020
actor karthi

நடிகர் கார்த்தியின் சுற்றுச்சூழல் தாக்க மதிப்பீட்டு வரைவு அறிவிக்கைக்கு எதிரான கருத்தை வரவேற்கின்றோம் என்று கொங்குநாடு மக்கள் தேசிய கட்சியின் பொதுச்செயலாளர் ஈ.ஆர்.ஈஸ்வரன் கூறியுள்ளார்.

 

இதுதொடர்பாக அவர் வெளியிட்டுள்ள அறிக்கையில், “சுற்றுச்சூழல் தாக்க மதிப்பீட்டு வரைவு (EIA 2020) அறிவிக்கை மக்களின் ஜனநாயக உரிமை பறிப்பதாகவும், நாட்டின் சுற்றுச்சூழலுக்கு பெரும் அச்சுறுத்தலாக அமைந்திருப்பதாகவும் அனைத்து தரப்பினரிடமும் இருந்து எதிர்ப்புகள் எழுந்திருக்கும் நிலையில் நடிகர் கார்த்தி அவர்களும் புதிய அறிவிக்கை பற்றி தனது கருத்துகளை வெளியிட்டிருப்பதை கொங்குநாடு மக்கள் தேசிய கட்சி வரவேற்கிறது.

 

நடிகர்கள் தமிழக மக்களின் நலனுக்காக மத்திய அரசை எதிர்த்து குரல் கொடுத்தாலே அவர்கள் மீது அரசியல் சாயம் பூசி ஏளனம் செய்வது தமிழகத்திற்கு புதிதல்ல. தமிழக நடிகர் தமிழகத்தின் நலனுக்காக குரல் கொடுக்க முன் வந்தால் அவரது ரசிகர்கள் மட்டுமன்றி அனைத்து தரப்பும் அரவணைத்து ஆதரவு அளிக்க வேண்டும். ஆனால் ஒரு சிலர் தேவையில்லாத அரசியல் சாயத்தை பூசுவதால் தமிழக மக்களுக்காக நடிகர்கள் குரல் கொடுக்கவே அச்சப்படும் சூழல் உருவாகியிருக்கிறது. 

 

மத்திய அரசு எதை செய்தாலும் அதற்கு ஆதரவான நிலைப்பாட்டை நடிகர்கள் எடுக்க வேண்டுமென்ற நிலையை உருவாக்க முயற்சிக்கிறார்களா என்ற சந்தேகம் எழுகிறது. சுற்றுச்சூழல் பொறுத்தவரை எந்தநாட்டிலே ஒரு சட்டத்திருத்தம் கொண்டு வந்தாலும் இன்னும் ஒருபடி மேலே போய் சுற்றுச்சூழலை பாதுகாக்க வேண்டுமென்பதுதான் நோக்கமாக இருக்கும். இங்கு மட்டும் தான் சுற்றுச்சூழல் பாதுகாப்பை பலி கொடுக்கின்ற வகையிலே சட்டத்திருத்தம் கொண்டுவரப்பட்டிருக்கிறது. 

 

மக்களின் உணர்வுகளை புரிந்து கொண்டு சுற்றுச்சூழல் தாக்க மதிப்பீட்டு வரைவு அறிவிக்கையில் அச்சுறுத்தலாக இருக்கும் சரத்துகளில் சில மாற்றங்களை கொண்டு வர வேண்டுமென்று நடிகர் கார்த்தி அவர்கள் கூறியிருக்கிறார். இந்த அறிவிக்கை பற்றிய விழிப்புணர்வை தமிழக மக்களுக்கு ஏற்படுத்தியிருக்கிறார். தமிழக மக்கள் அனைவரும் ஒன்று சேர்ந்து போராடி இந்த சட்டத்தில் சில திருத்தங்களை கொண்டு வர வேண்டும். இந்த போராட்டத்திற்கு எந்த வித்தியாசமும் பார்க்காமல் ஆதரவு கொடுப்பவர்கள் யாராக இருந்தாலும் அவர்களை வரவேற்க வேண்டும்.

 

கரோனா பாதிப்பு காலத்தில் அரசாங்கம் நடிகர்களை விழிப்புணர்வுக்கு பயன்படுத்தியது நடிகர்கள் கூறும் கருத்துகள் மக்கள் மத்தியில் சென்று சேரும் என்ற காரணத்திற்காக மட்டும் தான். அதேபோல நடிகர் கார்த்தியின் கருத்துகள் விவாத பொருளாக மாறி சுற்றுச்சூழல் தாக்க மதிப்பீட்டு வரைவு அறிவிக்கை என்ன என்பதை மக்கள் தெரிந்து கொள்ளும் அளவிற்கு தாக்கத்தை உருவாக்கியிருக்கிறது. 

 

இதுபோன்ற மக்களுக்கு நன்மையளிக்கும் விஷயங்களில் நடிகர்கள் மட்டுமல்ல மற்ற எந்த துறையை சேர்ந்தவர்களாக இருந்தாலும் ஆதரவு கொடுத்தால் அதை வரவேற்போம். பிறர் மனங்களை புண்படுத்தும்படி சிலர் பேசுகின்ற பேச்சுக்களை கருத்துரிமை என்று கூறுபவர்கள் ஜனநாயக முறையில் தனது கருத்துகளையும், தமிழக மக்களின் உணர்வுகளையும் மத்திய அரசிற்கு தெரியபடுத்தும் வகையில் செயல்பட்ட நடிகர் கார்த்தி அவர்களுக்கு எங்களது வாழ்த்துகளையும், பாராட்டுகளையும் தெரிவித்துக்கொள்கிறோம். 

 

யார் சொல்கிறார்கள் என்பதை பற்றி விமர்சனம் செய்யாமல் இந்த திருத்தங்கள் சுற்றுச்சூழலுக்கு எதிரானது என்பதை புரிந்துகொண்டு மத்திய அரசு மாற்றத்தை கொண்டு வருவதற்கு முன்வர வேண்டும்.” இவ்வாறு கூறியுள்ளார்.

 

 

சார்ந்த செய்திகள்

 

Next Story

ரசிகர்களுக்கு நன்றி தெரிவித்த கார்த்தி

Published on 27/05/2024 | Edited on 27/05/2024
karthi thanked his fans

'ஜப்பான்' படத்தைத் தொடர்ந்து நலன் குமாரசாமி இயக்கத்தில் நடித்து வருகிறார் கார்த்தி. இது கார்த்தியின் 26வது படமாக உருவாகிறது. மேலும் பிரேம் குமார் இயக்கத்திலும் ஒரு படம் நடித்துள்ளார். இப்படம் அவரது 27வது படமாக உருவாகிறது. 

இந்நிலையில் கார்த்தியின் பிறந்தநாளை முன்னிட்டு இரு படக்குழுவும் படத்தின் அப்டேட்டை வெளியிட்டிருந்தனர். அதே சமயம் கடந்த 25ஆம் தேதி கார்த்தியின் 47வது பிறந்தநாளை முன்னிட்டு அவரது ரசிகர்கள் சென்னை ராஜீவ் காந்தி அரசு பொது மருத்துவமனையில் நடந்த இரத்த தானம் முகாமில் சுமார் 150 பேர் இரத்த தானம் செய்தார்கள். 

மேலும் எழும்பூர் குழந்தைகள் மருத்துவமனையில் இன்று பிறந்த 100 குழந்தைகளுக்கு உடை மற்றும் தாய்மார்களுக்குப் பரிசு பெட்டகம் கொடுத்து இருக்கிறார்கள். இதையடுத்து இரத்த தானம் மற்றும் பரிசு வழங்கிய ரசிகர்களுக்கு ஆடியோ மூலமாக நன்றி தெரிவித்தார். கார்த்தியின் ரசிகர்கள் கடந்த இரண்டு வாரங்களாக அன்னதானம், நீர் மோர் வழங்குதல், ஆகிய நிகழ்ச்சிகளை நடத்தி வருகிறார்கள் என்பது குறிப்பிடத்தக்கது. 

Next Story

‘வா வாத்தியார்’ - ஃபர்ஸ்ட் லுக்குடன் வெளியான சைலண்ட் அப்டேட்

Published on 25/05/2024 | Edited on 25/05/2024
karthi va vaathiyar update

'ஜப்பான்' படத்தைத் தொடர்ந்து நலன் குமாரசாமி இயக்கத்தில் நடித்து வருகிறார் கார்த்தி. இது கார்த்தியின் 26வது படமாக உருவாகிறது. மேலும் பிரேம் குமார் இயக்கத்திலும் ஒரு படம் நடித்துள்ளர். இப்படம் அவரது 27வது படமாக உருவாகிறது. 

இந்த நிலையில் கார்த்தி இன்று தனது பிறந்தநாளைக் கொண்டாடி வருகிறார். இதையொட்டி ரசிகர்கள், திரைப் பிரபலங்கள் உள்ளிட்ட பலர் வாழ்த்து தெரிவித்து வருகின்றன. அந்த வகையில் பிரேம் குமார் படக்குழு படத்தின் தலைப்பு மற்றும் பிறந்தநாள் வாழ்த்துப் போஸ்டரை நேற்று மாலை வெளியிட்டது. மெய்யழகன் என்ற தலைப்பில் உருவாகும் இப்படத்தில் அரவிந்த்சாமி ஸ்ரீதிவ்யா, ராஜ்கிரண், ஜெயபிரகாஷ் உள்ளிட்டோர் நடித்துள்ளனர். சூர்யா, ஜோதிகாவின் 2டி நிறுவனம் இப்படத்தைத் தயாரிக்க கோவிந்த் வசந்தா இசையமைக்கிறார்.

இதனைத் தொடர்ந்து தற்போது நலன் குமாராசாமி படக்குழு தற்போது படத்தின் ஃபர்ஸ்ட் லுக் போஸ்டரை வெளியிட்டுள்ளது. அதில் போலீஸ் கெட்டப்பில் கார்த்தி இடம் பெறுகிறார். ‘வா வாத்தியார்’ என்ற தலைப்பில் உருவாகும் இந்தப் படத்தில், கார்த்திக்கு ஜோடியாக தெலுங்கு இளம் நடிகை க்ரித்தி ஷெட்டி நடிக்கிறார். மேலும் ராஜ்கிரண், சத்யராஜ், ஜி.எம்.சுந்தர் உள்ளிட்டோர் நடிக்கின்றனர். ஸ்டுடியோ கிரீன் தயாரிக்கும் இப்படத்திற்கு சந்தோஷ் நாராயணன் இசையமைக்கிறார். இப்படம் விரைவில் வெளியாகவுள்ளதாக தெரிவிக்கப்பட்டுள்ளது.

இந்தப் படத்தின் பூஜை வீடியோ கடந்த மார்ச் 8ஆம் தேதி வெளியானது. அதில் கதாநாயகி குறித்த அப்டேட்டை படக்குழு பகிரவில்லை. ஆனால் தெலுங்கு இளம் நடிகை க்ரித்தி ஷெட்டி நடிப்பதாக தகவல் வெளியானது. இந்த நிலையில் கார்த்தி தனது எக்ஸ் பக்கத்தில் இந்த அறிவிப்பை வெளியிட்டு க்ரித்தி ஷெட்டி ஐடியை டேக் செய்துள்ளார். அதே சமயம் படப் பூஜை விழாவில் கௌதம் கார்த்திக் கலந்து கொண்டார். அவர் நடிப்பது குறித்து எந்த அப்டேட்டையும் பகிரவில்லை.